قر كەسٸپكەرلٸك سۋبەكتٸلەرٸن جەڭٸلدٸكپەن نەسيەلەۋ باعدارلاماسىنا ٶزگەرٸس ەنگٸزٸلدٸ, دەپ حابارلايدى "ۇلت اقپارات".
«مەملەكەت باسشىسى قاسىم-جومارت توقاەۆتىڭ تاپسىرماسىن ورىنداۋ ماقساتىندا قازاقستان ۇلتتىق بانكٸ 2020 جىلعى 27 قازانداعى شەشٸمٸمەن شاعىن جەنە ورتا كەسٸپكەرلٸك سۋبەكتٸلەرٸن جەڭٸلدٸكپەن كرەديتتەۋ باعدارلاماسىنا مىناداي ٶزگەرٸستەر ەنگٸزدٸ: تٶتەنشە جاعداي كەزٸندە زارداپ شەككەن ٸرٸ كەسٸپكەرلٸك سۋبەكتٸلەرٸن جەنە اگروٶنەركەسٸپ كەشەنٸندەگٸ (اٶك) كەسٸپكەرلەردٸ كرەديتتەۋگە قوسىمشا 200 ملرد تەڭگە بٶلٸندٸ; باعدارلامانى قولدانۋ مەرزٸمٸ 2021 جىلعى 31 جەلتوقسانعا دەيٸن قوسا العاندا; اقشانى يگەرۋ مەرزٸمٸ – 2021 جىلعى 31 ناۋرىزعا دەيٸن قوسا العاندا ۇزارتىلدى»,– دەپ حابارلادى ۇلتتىق بانكتٸڭ باسپاسٶز قىزمەتٸ.
ۇلتتىق بانك قابىلداعان ٶزگەرٸستەردٸ ٸسكە اسىرۋ جەنە باعدارلامامەن قامتۋدى كەڭەيتۋ ماقساتىندا قر ۇلتتىق ەكونوميكا مينيسترلٸگٸ «اتامەكەن» ۇلتتىق كەسٸپكەرلەر پالاتاسىمەن بٸرلەسٸپ تٶتەنشە جاعداي ۋاقىتىندا بارىنشا زارداپ شەككەن سالالاردى انىقتادى.
نەتيجەسٸندە ٶندەۋ ٶنەركەسٸبٸندە جەنە قىزمەت كٶرسەتۋ سالاسىندا زارداپ شەككەن قىزمەت تٷرلەرٸنٸڭ تٸزبەسٸ جاسالدى ونى قر ۇلتتىق ەكونوميكا مينيسترلٸگٸ 2020 جىلعى 18 قاراشادا قازاقستان ۇلتتىق بانكٸنە بەكٸتۋگە ۇسىندى.
بۇل تٸزبە قازاقستان ۇلتتىق بانكٸ تٶراعاسىنىڭ جەنە قر ۇلتتىق ەكونوميكا مينيسترٸنٸڭ 2020 جىلعى 18 قاراشاداعى بٸرلەسكەن بۇيرىعىمەن بەكٸتٸلدٸ.
«تٸزبەگە سەيكەس تٶتەنشە جاعدايدى ەنگٸزٸلگەننەن كەيٸن شىعىنعا ۇشىراعان جەنە ەكونوميكانىڭ زارداپ شەككەن سالالارىندا قىزمەتٸن جٷزەگە اسىراتىن ٸرٸ كەسٸپورىندار جەڭٸلدٸگٸ بار كرەديتتەردٸ الۋ ٷشٸن ەكٸنشٸ دەڭگەيلٸ بانكتەرگە ٶتٸنٸش بەرۋگە قۇقىلى. بۇل رەتتە ٸرٸ كەسٸپكەرلٸك سۋبەكتٸسٸ – بٸر قارىز الۋشىعا 6 ملرد تەڭگە سوماسىندا ليميت بەلگٸلەندٸ. شاعىن جەنە ورتا بيزنەس سۋبەكتٸلەرٸنە ارنالعان ليميت – 3 ملرد تەڭگە بوپ ساقتالدى, ال جەكە كەسٸپكەر ٷشٸن ول سوما – 50 ملن تەڭگەدەن كٶپ ەمەس. كەسٸپكەرلەردٸ جەڭٸلدٸكپەن كرەديتتەۋ ٷشٸن قوسىمشا بٶلٸنگەن 200 ملرد تەڭگەدەن 100 ملرد تەڭگەگە ليميت بٶلٸندٸ, ونىڭ ٸشٸندە 70 ملرد تەڭگە ەكٸنشٸ دەڭگەيلٸ بانكتەر ارقىلى, جەنە 30 ملرد تەڭگە «اگرارلىق نەسيە كورپوراتسيياسى» اق ارقىلى بٶلٸنەدٸ.
باعدارلاماعا قاتىسۋشىلاردىڭ كٶبەيۋٸنە بايلانىستى ونىڭ اتاۋى كەسٸپكەرلٸك سۋبەكتٸلەرٸن جەڭٸلدٸكپەن كرەديتتەۋ باعدارلاماسى دەپ ٶزگەردٸ.
باعدارلاما مەملەكەت باسشىسىنىڭ تاپسىرماسى بويىنشا بيىلعى ناۋرىزدا قابىلدانعان جەنە تٶتەنشە جاعداي كەزٸندە زارداپ شەككەن كەسٸپكەرلەردٸ قولداۋعا باعىتتالعان.
18 قاراشاداعى دەرەك بويىنشا, ەكٸنشٸ دەڭگەيدەگٸ بانكتەر 567,4 ملرد تەڭگەگە 2 311 ٶتٸنٸش قابىلدادى. 1 370 شاعىن جەنە ورتا كەسٸپكەرلٸك سۋبەكتٸسٸنە (1 168 شاعىن جەنە ورتا بيزنەس, 202 جەكە كەسٸپكەرلٸك) 455,3 ملرد تەڭگە قارىز بەرٸلدٸ, ونىڭ ٸشٸندە 101,6 ملرد تەڭگە بۇرىن بەرٸلگەن قارىزداردى ٶتەۋدەن تٷسكەن اقشا ەسەبٸنەن بەرٸلدٸ.
بٶلٸنگەن قاراجاتتىڭ ەڭ كٶپ ٷلەسٸ ساۋدا سالاسىنداعى شاعىن جەنە ورتا بيزنەس سۋبەكتٸلەرٸنە – 319 ملرد تەڭگە (70%), قۇرىلىسقا – 44,9 ملرد تەڭگە (9,9%), ٶڭدەۋشٸ ٶنەركەسٸپكە – 39,8 ملرد تەڭگە (8,7%) تيەسٸلٸ.
