زاڭدى كەسٸپكەرلٸك قىزمەتكە كەدەرگٸ كەلتٸرگەنٸ ٷشٸن جاۋاپكەرشٸلٸككە تارتۋدىڭ قىلمىستىق بابى ٸس جٷزٸندە جۇمىس ٸستەمەي تۇر. بۇل تۋرالى قازاقستان رەسپۋبليكاسى كەسٸپكەرلەرٸنٸڭ قۇقىقتارىن قورعاۋ جٶنٸندەگٸ ۋەكٸلٸ رۋستام جٷرسٸنوۆ مەلٸم ەتتٸ, دەپ حابارلايدى قازاقپارات.
«بيزنەسكە اۋقىمدى شىعىن كەلتٸرگەنٸ ٷشٸن مەملەكەتتٸك قىزمەتشٸلەر ٶزدەرٸنٸڭ قاتەلٸكتەرٸنە ٸس جٷزٸندە ەشقانداي جاۋاپكەرشٸلٸكتٸ المايدى. ستاتيستيكاعا قاراعاندا, قىلمىستىق ەرٸ ەكٸمشٸلٸك ىقپال ەتۋ شارالارى ٶتە سيرەك قولدانىلادى», - دەدٸ ر. جٷرسٸنوۆ قازاقستاندا شاعىن جەنە ورتا كەسٸپكەرلٸكتٸ دامىتۋ سالاسىنداعى مەملەكەتتٸك ساياساتتى جەنە قۇقىقتىق رەتتەۋدٸ جەتٸلدٸرۋ تاقىرىبىنداعى پارلامەنتتٸك تىڭداۋدا.
ونىڭ ايتۋىنشا, زاڭدى كەسٸپكەرلٸك قىزمەتكە كەدەرگٸ جاساعانى ٷشٸن قىلمىستىق جاۋاپكەرشٸلٸك (365-باپ) ەسكەرٸلگەن.
«تەجٸريبە جٷزٸندە ول جۇمىس ٸستەمەي تۇر. سوڭعى 3 جىلدا 1 ادام سوتتالعان», - دەپ ناقتىلادى ۋەكٸل.
تاراتىلعان مەلٸمەتتەرگە قاراعاندا, 2016 جىلى 365-باپ بويىنشا جەتٸ قۇقىق بۇزۋشىلىق بويىنشا قىلمىستىق ٸس قاراۋدا بولعان, بەسەۋٸ سوتقا جولدانىپ, 3 ادام سوتتالدى. 2017 جىلى بەس قۇقىق بۇزۋشىلىق بويىنشا ٸس قارالىپ, بٸر ادام سوتتى بولدى. 2018 جىلى وسىنداي ستاتيستيكا تٸركەلمەسە, 2019 جىلى ٷش قۇقىق بۇزۋشىلىققا قاتىستى ٸس قارالىپ, سوتقا بٸرەۋٸ جولداندى.
