بٷگٸن يسلام ەلەمٸ ٷشٸن قاسيەتتٸ, بەرەكەگە تولى, ون ەكٸ ايدىڭ سۇلتانى سانالاتىن رامازان ايى باستالدى, دەپ حابارلايدى "ۇلت اقپارات".
بيىل ورازا 24 سەۋٸر, جۇما كٷنٸ باستالدى. مامىر ايىنىڭ 19-ىنان 20-سىنا قاراعان تٷن - قاسيەتتٸ قادٸر تٷنٸ. بيىل پٸتٸر ساداقا جان باسىنا 370 تەڭگەدەن بەلگٸلەندٸ.
ايتا كەتەيٸك, كوروناۆيرۋس ينفەكتسيياسىنا بايلانىستى ەلدە تٶتەنشە جاعداي جارييالانىپ, بيىل وسى رامازان ايىنداعى دەستٷرلٸ شارالارعا بٸرشاما شەكتەۋلەر ەنگٸزٸلدٸ.
«ٶزدەرٸڭٸز بٸلەسٸزدەر, ەلٸمٸزدە جارييالانعان تٶتەنشە جاعدايعا بايلانىستى مەشٸتتە جاماعاتپەن وقىلاتىن نامازدارعا ۋاقىتشا شەكتەۋ قويدىق. ەر ازاماتتىڭ ٶمٸرٸ مەن دەنساۋلىعى قىمبات قۇندىلىق بولعاندىقتان, جۇقپالى ٸندەتتٸڭ الدىن الۋ ٷشٸن وسىنداي شەشٸم قابىلداۋعا مەجبٷر بولدىق. ەرينە, بۇل – ۋاقىتشا سىناق. الايدا جاماعات نامازى ٷشٸن مەشٸت ەسٸگٸ جابىلعانىمەن, ساۋاپ پەن ٸزگٸلٸك ەسٸكتەرٸ ەشقاشان جابىلمايدى. قاسيەتتٸ حاديس-شاريفتە ايتىلعانداي, مۇسىلماننىڭ نيەتٸ امالىنان قايىرلى», - دەدٸ قازاقستان مۇسىلماندارى دٸني باسقارماسىنىڭ تٶراعاسى ناۋرىزباي قاجى تاعانۇلى.
وسى ورايدا قمدب قاسيەتتٸ رامازان ايىندا ٸندەتتٸڭ تارالۋىنىڭ الدىن الۋ ماقساتىندا, كارانتين مەرزٸمٸندە تاراۋىق نامازى مەشٸتتەردە جاماعاتپەن وقىلمايتىنىن مەلٸمدەدٸ. ەركٸم تاراۋىق نامازىن ٶز شاڭىراعىندا وتباسى مٷشەلەرٸمەن وقۋىنا كەڭەس بەرٸلدٸ. سونىمەن قاتار, مەشٸتتەردە, دەمحانالاردا, قوعامدىق ورىنداردا جەنە باسقا دا مەكەمەلەردە جينالىپ, اۋىزاشار بەرۋ ۋاقىتشا توقتاتىلاتىنى ايتىلدى.
باس مٷفتي قازٸرگٸ جاعدايعا قاراي, ورازا ۇستاعان ادامدارعا اۋىزاشار بەرۋدە تيٸستٸ قايىرلى امالداردى جٷزەگە اسىرۋعا شاقىردى. بۇل تۇرعىدا مەيرامحانالارعا تاپسىرىس بەرٸپ, اۋىزى بەرٸك ادامدارعا تاماق تاراتۋ, ەلەۋمەتتٸك جاعدايى تٶمەن وتباسىلارعا ازىق-تٷلٸك تاراتۋ ارقىلى اۋىز اشتىرۋ, اۋىزاشارعا جۇمسالاتىن شىعىنداردى ورازا ۇستاعان ادامدارعا قارجىلاي بەرۋ سەكٸلدٸ امالداردى ۇسىندى.
بۇدان بٶلەك, تٶتەنشە جاعدايعا بايلانىستى رامازان ايىندا بەرٸلەتٸن پٸتٸر ساداقا مەن زەكەتتٸ موبيلدٸ قوسىمشالار ارقىلى اۋدارۋعا بولادى.
ورازا تۇتۋ - يگٸ مۇسىلمان قاۋىمىنىڭ بەس پارىزىنىڭ بٸرٸ. جالپى «ورازا» سٶزٸنٸڭ ماعىناسى - بٸر نەرسەدەن الىستاۋ, بەلگٸلٸ بٸر ۋاقىت ارالىعىندا ٸشٸپ-جەۋدەن, نەپسٸ قالاۋلارىنان تىيىلۋ دەگەندٸ بٸلدٸرەدٸ.
ورازاعا نيەت: «اللا تاعالانىڭ رازىلىعى ٷشٸن تاڭنان كٷن باتقانعا دەيٸن مٷبەراك رامازان ايىنىڭ ورازاسىن ۇستاۋعا نيەت ەتتٸم».
اۋىزاشار دۇعاسى: «جاراتقان يەم! سەنٸڭ رازىلىعىڭ ٷشٸن ورازا ۇستادىم, ساعان يمان كەلتٸردٸم, ساعان تەۋەكەل ەتتٸم, سەن بەرگەن ريزىق-نەسٸبەڭمەن اۋىز اشتىم. ۋا, كەشٸرٸمدٸ اللا! مەنٸڭ الدىڭعى جەنە سوڭعى كٷنە-كەمشٸلٸكتەرٸمدٸ كەشٸرە گٶر!»
جاماعات نازارىنا قازاقستان مۇسىلماندارى دٸني باسقارماسىنىڭ مەلٸمەتتەرٸ نەگٸزٸندە ورازا ايىندا مەن بەرەر مەلٸمەتتەردٸ ۇسىنامىز:
- پiتiر-ساداقانى رامازان ايىنىڭ باسىنان ايت نامازىنا دەيiن بەرۋگە بولادى. ەلٸمٸز بويىنشا ەر ادامعا 370 تەڭگە.
- پٸتٸر-ساداقادان تٷسكەن قاراجات ەسەبٸنەن مٷگەدەكتەر مەن قارتتارعا, جەسٸر ەيەلدەر مەن جەتٸمدەرگە, ەلەۋمەتتٸك تۇرمىسى تٶمەن وتباسىلارعا قايىرىمدىلىق كٶمەك كٶرسەتٸلەدٸ.
- جٷكتٸ, ومىراۋدا بالاسى بار ەيەلدەرگە, جولاۋشىلارعا, ناۋقاس جاندارعا ورازا ۇستاۋ - پارىز ەمەس.
- ساپاردا جٷرگەندەرگە ورازا ۇستاماۋعا بولادى. بٸراق باسقا كٷندەردە سانىن تولتىرىپ, اۋىز بەكٸتەدٸ. ەگەر ساپار قيىندىق تۋعىزباسا, ابزالى - اۋىز بەكٸتۋ.
رامازان ايىنداعى ورازا ۇستاۋدىڭ ٶڭٸرلەر بويىنشا كەستەسٸ.
