قر بٸلٸم جەنە عىلىم مينيسترٸ اسحات ايماعامبەتوۆ مەملەكەتتەردە ساباق وقۋدى جالعاستىرا بەرۋ تۋرالى شەشٸمنىڭ ماڭىزدىلىعى تۋرالى ايتتى, دەپ حابارلايدى قازاقپارات.
«تٶتەنشە جاعداي كەزەڭٸ قاشان اياقتالاتىنىن ەشكٸم ايتا المايدى. بٸز ەلەمدەگٸ 167 مەملەكەتتٸڭ تەجٸريبەسٸنە سٷيەنەمٸز. ميللياردتان استام وقۋشى قاشىقتان وقۋ رەجيمٸنە كٶشتٸ. بٸزگە ەكٸ تٷرلٸ ۇسىنىس ايتىلدى, بٸرٸنشٸسٸ, وقۋ پروتسەسٸن تولىق توقتاتىپ, جىلدىق باعا قويۋ. مۇنىمەن تٷبەگەيلٸ كەلٸسپەيمٸز. ەكٸنشٸسٸ, وقۋ پروتسەسٸن شٸلدە ايىنىڭ اياعىنا كٶشٸرۋ. تامىز ايىندا وقىپ, قىركٷيەك ايىندا قايتادان وقۋ جىلىن باستاۋ بالالار ٷشٸن قيىن. شٸلدەگە دەيٸن ۇزاق ۋاقىت ٷزٸلٸس جاساۋدىڭ مەنٸسٸ جوق», - دەيدٸ قر بٸلٸم جەنە عىلىم مينيسترٸ اسحات ايماعامبەتوۆ.
سونىمەن قاتار, مينيستر تٶرتٸنشٸ توقساندا بالالار ٷشٸنشٸ توقساندا ٶتكەن تاقىرىپپەن بايلانىستى ساباقتار ٶتەتٸندٸگٸن ايتتى.
«ٷشٸنشٸ جەنە تٶرتٸنشٸ توقساندار بٸر-بٸرٸمەن بايلانىستى. جازدا مەكتەپتەر جاڭا وقۋ جىلىنا دايىندالىپ, جٶندەۋ جۇمىستارى جٷرگٸزٸلەدٸ. ەلەم ەلدەرٸ مەملەكەتتەر ساباق وقۋدى جالعاستىرا بەرۋ تۋرالى شەشٸمدٸ جايدان-جاي قابىلداعان جوق. بۇل دۇرىس ساياسات دەپ ويلايمىز. بٸزگە وڭاي بولمايدى, بٸراق بۇل – بالالارىمىز ٷشٸن دە, بٸلٸم جٷيەسٸنە دە ەڭ تيٸمدٸ شەشٸم», - دەپ تولىقتىردى مينيستر.
وسى رەتتە مينيستر قاشىقتان وقىتۋ بٸلٸم ساپاسىنا قالاي ەسەر ەتەتٸنٸنە توقتالدى.
«كٶپ نەرسە كەرٸ بايلانىس جاسايتىن مۇعالٸمگە, مۇعالٸمدٸ قولدايتىن اتا-اناعا بايلانىستى. مۇعالٸم, وقۋشى جەنە اتا-انا بٸرٸگٸپ جۇمىس ٸستەسە, دەستٷرلٸ وقۋدان قاراعاندا جاقسى نەتيجەگە قول جەتكٸزەمٸز. قاشىقتان وقۋ – ٶز ٶزٸڭمەن جۇمىس ٸستەي بٸلۋ, ۇيىمداستىرا بٸلۋ, جوبالىق جۇمىس, سوندىقتان ول وقۋشىنى جاڭا ماشىققا ٷيرەتەدٸ», - دەيدٸ ول.
