باس پروكۋرور عيزات نۇردەۋلەتوۆ مەجٸلٸس دەپۋتاتتارىنا قارجى پيراميدالارىن جارنامالاعان تانىمال ادامدار نەگە جاۋاپقا تارتىلمايتىنىن تٷسٸندٸردٸ, دەپ حابارلايدى قازاقپارات.
«شىنىندا دا, قارجى پيراميداسىن ۇيىمداستىرۋشىلار ٶز قىزمەتٸن جارنامالاۋ ٷشٸن اتاقتى ادامداردى تارتقان. فورمالدى تٷردە ولاردىڭ əرەكەتتەرٸندە ەكٸمشٸلٸك قۇقىق بۇزۋ تۋرالى كودەكستٸڭ 150-بابى (قارجىلىق (ينۆەستيتسييالىق) پيراميدا قىزمەتٸن جارنامالاۋ) قۇقىق بۇزۋشىلىقتىڭ قۇرامى بايقالادى. الايدا قىلمىستىق ٸس بويىنشا ٷكٸم شىققانعا دەيٸن ۇيىمنىڭ قارجى پيراميداسى بولىپ تابىلاتىنىن نەمەسە تابىلمايتىنىن انىقتاۋ مٷمكٸن ەمەس. وسىعان بايلانىستى, جارنامالاۋ كەزٸندە جوعارىدا اتالعان ۇيىمدار قارجى پيراميدالارى بولىپ تانىلماعان. سوندىقتان ەكٸمشٸلٸك قۇقىق بۇزۋ تۋرالى كودەكستٸڭ 150-بابى بويىنشا مەديالىق تۇلعالاردى əكٸمشٸلٸك جاۋاپكەرشٸلٸككە تارتۋ ٷشٸن قۇقىقتىق نەگٸز جوق», -دەپ جازىلعان دەپۋتاتتىق ساۋالعا جولدانعان جاۋاپتا.
عيزات نۇردەۋلەتوۆ دەپۋتاتتارعا بەرگەن جاۋابىندا الماتى قالاسىندا تٸركەلگەن وسى سيپاتتاعى وقيعانىڭ قازٸر قالاي ٶربٸپ جاتقانىن دا بايانداعان.
«بيىلعى سəۋٸر-مامىر ايلارىندا الماتى قالاسىنىڭ پوليتسييا دەپارتامەنتٸنە قارجى پيراميداسىن قۇرۋ جəنە باسقارۋ («Astex.kz» جشس, «ACD technology» جشس جəنە «مۋدارابا» جشس) فاكتٸسٸ بويىنشا ك. ەسٸمدٸ ازاماتقا قاتىستى شارالار قابىلداۋ تۋرالى ارىزدار كەلٸپ تٷسكەن. قىلمىستىق كودەكستٸڭ 217-بابى 3-بٶلٸگٸنٸڭ 2-تارماعى بويىنشا سوتقا دەيٸنگٸ تەرگەۋ باستالدى. جوعارىدا اتالعان ادام ۇستالىپ, ۋاقىتشا ۇستاۋ يزولياتورىنا قامالدى. تەرگەۋ جالعاسۋدا», - دەلٸنگەن جاۋاپتا.
