قر ٸٸم تەرگەۋ دەپارتامەنتٸنٸڭ باسشىسى سانجار ەدٸلوۆ قارجى پيراميدالارى تاراپىنان كەلتٸرٸلگەن شىعىندى قازاقستان ازاماتتارىنا ٶتەپ بەرۋگە قاتىستى تٷسٸنٸك بەردٸ, دەپ حابارلايدى قازاقپارات.
«الاياقتار ەرەكەتٸنەن زارداپ شەككەن ازاماتتاردى بٸر عانا مەسەلە الاڭداتادى, ياعني ولار كەلتٸرٸلگەن شىعىن قالاي ٶتەلەتٸنٸن سۇرايدى. بٸزدٸڭ قىزمەت سالىمشىلاردىڭ ۇرلانعان اقشالارى مەن اكتيۆتەرٸن انىقتاۋعا, الاياقتار قىلمىستىق جولمەن جيعان مٷلٸكتٸ انىقتاۋعا, سونداي-اق وعان دەر كەزٸندە توقتام سالۋعا باعىتتالعان», - دەدٸ س. ەدٸلوۆ مينيسترلٸك ۇيىمداستىرعان ونلاين بريفينگٸدە.
وسى ورايدا ول قىلمىستىق ٸستەر سوتقا جولدانعاننان كەيٸن, كەلتٸرٸلگەن شىعىندى ٶتەۋگە قاتىستى مەسەلە سوتتا قارالاتىنىن ەسكە سالدى.
«ەرينە, كٷدٸكتٸلەردٸڭ قىلمىستىق جولمەن جيعان بارلىق مٷلكٸ سوت شەشٸمٸمەن زارداپ شەككەندەردٸڭ شىعىنىن ٶتەۋگە باعىتتالادى. وسى قادامدارعا قولدانىستاعى زاڭنامامەن كەپٸلدٸك بەرٸلگەن», - دەدٸ سانجار ەدٸلوۆ.
بۇدان بۇرىن حابارلانعانداي, دەپارتامەنت باسشىسى «گارانت 24 لومبارد» ٸسٸنٸڭ مەن-جايىن ايتىپ بەردٸ.
«گارانت 24 لومبارد» قارجى پيراميداسىن ۇيىمداستىرۋشىلارعا قاتىستى قىلمىستىق ٸس اياقتالدى. وسى ٸس بويىنشا 18 مىڭنان استام ادام شاعىمداندى, كەلتٸرٸلگەن شىعىننىڭ جالپى سوماسى 22 ملرد تەڭگەدەن استام. قىلمىستىق ٸستٸ تەرگەۋ ٷشٸن ٸشكٸ ٸستەر مينيسترلٸگٸنٸڭ ارنايى جەدەل توبى قۇرىلدى, وعان 150-دەن استام قىزمەتكەر ەندٸ», - دەدٸ س. ەدٸلوۆ.
