فوتو: gov.kz
مەملەكەتتٸك ساتىپ الۋ – جاڭاشىلدىقتاردى, وزىق تەحنولوگييالار مەن وتاندىق ٶندٸرٸستٸ ٸلگەرٸلەتۋگە ىقپال ەتەتٸن تيٸمدٸ تەتٸك. وسىعان وراي قر قارجى مينيسترلٸگٸ ٶڭٸرلەردە «مەملەكەتتٸك ساتىپ الۋ تۋرالى» زاڭداعى نەگٸزگٸ ٶزگەرٸستەردٸ تٷسٸندٸرۋگە ارنالعان بيزنەس ٶكٸلدەرٸمەن, مەملەكەتتٸك سەكتورمەن جەنە ازاماتتىق قوعاممەن ٶكٸلدەرٸمەن كەزدەسۋلەر ٶتكٸزۋدٸ جالعاستىرىپ كەلەدٸ, دەپ حابارلايدى قارجى مينيسترلٸگٸ.
بۇل جولى كەزەكتٸ كەزدەسۋ ٶسكەمەندە ٶتكٸزٸلٸپ, قارجى ۆيتسە-مينيسترٸ دەۋرەن كەڭبەيل مەن شىعىس قازاقستان وبلىسى ەكٸمٸنٸڭ ورىنباسارى دارحان ساپانوۆ مەملەكەتتٸك ساتىپ الۋ ارقىلى وتاندىق تاۋار ٶندٸرۋشٸلەردٸ قولداۋ تٷرلەرٸ تۋرالى ايتىپ بەردٸ. ٸس-شاراعا شىعىس قازاقستان مەن اباي وبلىستارىنىڭ بيزنەس قاۋىمداستىعى, سونداي-اق مەملەكەتتٸك ورگانداردىڭ, بيۋدجەتتٸك ۇيىمداردىڭ, شوب پەن «اتامەكەن» ۇكپ ٶڭٸرلٸك فيليالىنىڭ ٶكٸلدەرٸ قاتىستى.
دەۋرەن ماراتۇلى ايتقانداي, مەملەكەت باسشىسى قازاقستان حالقىنا جولداۋىندا وتاندىق بيزنەستٸڭ ساپالى دامۋىن ىنتالاندىرىپ, قولداۋدى تاپسىرعان بولاتىن. وسى تۇرعىدان العاندا «مەملەكەتتٸك ساتىپ الۋ تۋرالى» زاڭ اتالعان مٸندەتتٸ ورىنداۋداعى ماڭىزدى قۇرال بولىپ سانالادى.
«مەملەكەتتٸك ساتىپ الۋدىڭ اشىق جەنە جاقسى ۇيىمداستىرىلعان جٷيەسٸ پروتسەستٸڭ بارلىق مٷددەلٸ تارابىنا, ونىڭ ٸشٸندە مەملەكەتتٸك سەكتورعا, بيزنەس پەن ازاماتتارعا تيٸمدٸ. ٶيتكەنٸ بۇل بەسەكەلەستٸكتٸڭ ارتۋىنا جەنە كٶرسەتٸلەتٸن قىزمەتتەر مەن تاۋارلاردىڭ ساپاسىن جاقسارتۋدا سەپتٸگٸ زور. مىسالى, ساتىپ الۋعا قاتىسۋشىلاردىڭ بٸلٸكتٸلٸگٸن ارتتىرۋ ٷشٸن تيٸستٸ بەدەلٸ بار ٶندٸرۋشٸلەر اراسىندا ساتىپ الۋدى جٷزەگە اسىرۋ ۇسىنىلادى. ٶندٸرۋشٸ تۋرالى اقپارات تٷرلٸ دەرەكقورلاردى پايدالانا وتىرىپ قالىپتاستىرىلادى. بۇل قىزمەت كٶرسەتۋشٸلەردٸ اۆتوماتتى تٷردە تاڭداۋعا كٶشۋگە مٷمكٸندٸك بەرەدٸ», دەدٸ قارجى ۆيتسە-مينيسترٸ.
بۇدان باسقا وتاندىق تاۋار ٶندٸرۋشٸلەردٸ قولداۋ ماقساتىندا قارجى مينيسترلٸگٸ تەك شاعىن جەنە ورتا كەسٸپكەرلٸك سۋبەكتٸلەرٸنەن ساتىپ الىناتىن تاۋارلاردىڭ, جۇمىستار مەن كٶرسەتٸلەتٸن قىزمەتتەردٸڭ جەكەلەگەن تٸزبەسٸن بەكٸتتٸ.
زاڭنىڭ بٸرنەشە بٶلٸمٸ ساتىپ الۋ پروتسەدۋراسىن جەڭٸلدەتۋگە باعىتتالعان, بۇل ولاردى قىسقا مەرزٸمدە ٶتكٸزۋگە مٷمكٸندٸك بەرەدٸ. بۇدان بٶلەك تاپسىرىس بەرۋشٸلەردٸڭ جوعارى تالاپتاردى بەلگٸلەۋ فاكتٸلەرٸن بولدىرماۋ ماقساتىندا قولدانىستاعى كامەرالدى باقىلاۋدى ساقتاۋ جوسپارلانعان. بۇل رەتتە ۋەكٸلەتتٸ ورگان تاراپىنان ساتىپ الۋ قورىتىندىلارىنىڭ كٷشٸن جويۋ قۇقىعى الىنىپ تاستالعانىن ايتا كەتەيٸك.
مۇنداي كەزدەسۋلەر مينيسترلٸكتٸڭ ٸسكەر ورتامەن ٶزارا ٸس-قيمىلدى نىعايتۋ مەن بارلىق مٷددەلٸ تاراپ ٷشٸن قولجەتٸمدٸ اقپاراتتى قامتاماسىز ەتۋ جٶنٸندەگٸ ستراتەگيياسىنىڭ ماڭىزدى بٶلٸگٸ بولىپ سانالادى. ۆەدومستۆو قازاقستان ەكونوميكاسىن دامىتا وتىرىپ, مەملەكەتتٸك ساتىپ الۋ جٷيەسٸنٸڭ تيٸمدٸلٸگٸن ارتتىرۋ مەن ٶزەكتٸ مەسەلەلەردٸ بٸرلەسٸپ شەشۋ ٷشٸن كەسٸپكەرلەرمەن, ٸرٸ بيزنەس ٶكٸلدەرٸمەن جەنە قوعامدىق بٸرلەستٸكتەرمەن جٷيەلٸ ديالوگ ورناتۋدى جالعاستىرىپ كەلەدٸ.
ٸس-شارادان كەيٸن د.كەڭبەيل ەكٸ كەسٸپورىنعا ايالدادى: ٶسكەمەن ٶنەركەسٸپ ارماتۋرا زاۋىتى مەن «راۋان» تٸگٸن كومپانيياسى.
ٶسكەمەن ٶنەركەسٸپ ارماتۋرا زاۋىتى (ٶٶاز) – مۇناي جەنە گاز قۇبىرلارى, حيمييا جەنە مەتاللۋرگييا كەسٸپورىندارى, ەنەرگەتيكا كەشەنٸ جەنە تكش كەسٸپورىندارىنا, سونداي-اق مۇناي سالاسىنا ارنالعان جابدىقتار مەن قۇبىر ارماتۋراسىن ٶندٸرۋمەن اينالىسادى. زاۋىتتىڭ جوبالىق قۋاتى جىلىنا 1834 توننا دايىن ٶنٸم شىعارۋعا قاۋقارلى. كەسٸپورىن قازاقستاننىڭ كٶمٸرسۋتەگٸ سەكتورىنىڭ ٸرٸ كومپانييالارىن: «ٶزەنمۇنايگاز» اق, «قازگەرمۇناي» بك جشس «ەمبٸمۇنايگاز» اق, «ماڭعىستاۋمۇنايگاز» اق, «قازترانسويل» اق, «سنپس-اقتٶبەمۇنايگاز» اق, «قاراجانباسمۇناي» اق, «قاراشىعاناق پەتروليۋم وپەرەيتينگ ب. ۆ.» زت اق, «مۇنايتاس سولتٷستٸك-باتىس قۇبىر كومپانيياسى» جشس, «ينتەرگاز ورتالىق ازييا» اق جەنە باسقالار ۇيىمداردى جابدىقتارمەن قامتاماسىز ەتٸپ كەلەدٸ.
«راۋان» ٶكك» جشس – ارنايى كيٸم تٸگەتٸن كەسٸپورىن, سونداي-اق قازاقستانداعى ەرەكشە بالالارعا ارنالعان كيٸم شىعاراتىن جالعىز ٶندٸرۋشٸ بولىپ سانالادى. مۇندا تسەرەبرالدى سال اۋرۋى بار بالالارعا بەلسەندٸ ٶمٸر سالتىن جٷرگٸزۋگە كٶمەكتەسەتٸن بەيٸمدەلۋ زاتتارى جاسالىپ, تٸگٸلەدٸ. ٶنٸمدٸ جاساۋ كەزٸندە قولدانىلاتىن بارلىق زات ىڭعايلى جەنە ەرەكشە بالالاردىڭ قاجەتتٸلٸكتەرٸن ەسكەرەدٸ. ٶسكەمەن تيتان-ماگنيي كومبيناتى «راۋان» ٶكك ارنايى كيٸمدەرٸن كٶتەرمە باعامەن الاتىن تاپسىرىس بەرۋشٸلەرٸنٸڭ بٸرٸ. قازاقستانداعى تاعى بٸر ٸرٸ كەسٸپورنى ٷشٸن مۇندا ارنايى كيٸم توپتاماسى جاسالىپ دايىندالعان.
