بۇعان دەيٸن قارجى مينيسترلٸگٸنٸڭ بيزنەستٸ تەكسەرۋگە قويىلعان موراتورييدٸ الىپ تاستاۋ تۋرالى ۇسىنىسىن بٸرقاتار دەپۋتاتتار سىنعا الدى. ۆەدومستۆو دەپۋتاتتاردىڭ سىنىنا قالاي قارايدى? ٷكٸمەت ٷيٸندە ٶتكەن بريفينگٸدە قارجى مينيسترٸ ەرۇلان جاماۋباەۆقا وسىنداي ساۋال قويىلدى, دەپ حابارلايدى قازاقپارات.
«قارجى مينيسترلٸگٸ كەز كەلگەن كونسترۋكتيۆتٸ سىندى قالىپتى قابىلدايدى. بٸز ارقاشان ديالوگقا دايىنبىز. بٸراق بۇل جەردە موراتورييدٸ الىپ تاستاۋ تۋرالى سٶز جوق. موراتوريي پرەزيدەنت جارلىعى بويىنشا 2023 جىلدىڭ 1 قاڭتارىنا دەيٸن ساقتالادى. قارجى مينيسترلٸگٸ جوسىقسىز كەسٸپكەرلەردٸ جاۋاپقا تارتۋ بٶلٸگٸندە عانا مەسەلەس كٶتەرگەن بولاتىن. بٸرنەشە مىسال كەلتٸرەيٸن: ٶتكەن جىلى ساۋدا وپەراتسييالارى كەزٸندە تٷبٸرتەك بەرٸلمەگەنٸ تۋرالى 19 مىڭنان استام شاعىم تٷستٸ. تاعى بٸر مىسال: بٸز جٷيەدە ونلاين باقىلاۋ-كاسسالىق ماشينالارىن قولداناتىن كەسٸپكەرلەردٸڭ 50 پايىزى ۇدايى تٷبٸرتەك بەرمەيتٸنٸن كٶرٸپ وتىرمىز», - دەدٸ قارجى مينيسترٸ.
ونىڭ ايتۋىنشا, مەملەكەتتٸك كٸرٸستەر كوميتەتٸندە مۇنداي زاڭسىزدىقتارعا ەرەكەت ەتۋ مەحانيزمٸ جوق.
«وسىعان بايلانىستى بٸز قازٸر تٷبٸرتەك بەرمەيتٸن جوسىقسىز سالىق تٶلەۋشٸلەرگە قاتىستى سالىقتىق باقىلاۋ الگوريتمٸن پىسىقتاپ جاتىرمىز. موراتوريي پرەزيدەنتتٸڭ جارلىعى بويىنشا جالعاساتىنىن اتاپ ٶتتٸم. تٷبٸرتەك بەرمەيتٸن جوسىقسىز كەسٸپكەرلەرگە قاتىستى بٸز سالىقتىق جاۋاپ بەرۋ شارالارىن ەزٸرلەيمٸز. تيٸستٸ شارالاردى بٸز بيزنەس قاۋىمداستىقتارعا ۇسىنىپ, ولارمەن تالقىلايمىز. بٸز بيزنەستٸ رەتتەۋگە قاتىسى بار كەز كەلگەن شەشٸمٸمٸزدٸ قوعامدىق تىڭداۋعا شىعارىپ, تالقىلايمىز. بۇل مەسەلە بويىنشا دا مٸندەتتٸ تٷردە قوعامدىق تىڭداۋ ٶتەدٸ. دەپۋتاتتار كورپۋسىمەن دە وسى باعىتتا جۇمىس ٸستەيمٸز», - دەدٸ مينيستر.
