رەسپۋبليكالىق بيۋدجەت بويىنشا 40 ملرد تەڭگە يگەرٸلمەي قالدى. بۇل تۋرالى قر قارجى مينيسترٸ ەرۇلان جاماۋباەۆ ايتتى, دەپ حابارلايدى قازاقپارات.
«مەملەكەتتٸك بيۋدجەت شىعىستارى 98,7%-كە, رەسپۋبليكالىق بيۋدجەت شىعىستارى – 99,6%-كە, جەرگٸلٸكتٸ بيۋدجەتتەردٸڭ شىعىستارى 98%-كە اتقارىلدى. رەسپۋبليكالىق بيۋدجەت بويىنشا شىعىستار 12 ترلن تەڭگەنٸ قۇرادى. مۇندا 50 ملرد تەڭگە جۇمسالمادى, ونىڭ ٸشٸندە 10 ملرد تەڭگە ٷنەمدەلگەن جەنە 40 ملرد تەڭگە يگەرٸلمەي قالعان», - دەدٸ قارجى مينيسترٸ ٷكٸمەت وتىرىسىندا.
ونىڭ ايتۋىنشا, يگەرٸلمەۋدٸڭ اناعۇرلىم ٸرٸ سومالارى تٶتەنشە جاعدايلار, تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ, دەنساۋلىق ساقتاۋ, ٸشكٸ ٸستەر جەنە قارجى مينيسترلٸكتەرٸندە بايقالعان.
يگەرٸلمەۋدٸڭ نەگٸزگٸ سەبەپتەرٸ: تٶلەم ناقتى كٶرسەتٸلگەن قىزمەت كٶلەمٸ بويىنشا جٷرگٸزٸلگەن, شوت-فاكتۋرالار, ورىندالعان جۇمىس اكتٸلەرٸ ۋاقىتىلى ۇسىنىلماعان, قازىناشىلىق ورگاندارىنا تٶلەم شوتتارى كەش ۇسىنىلعان جەنە كونكۋرستىق رەسٸمدەر ۇزاق ٶتكٸزٸلگەن.
«جەرگٸلٸكتٸ بيۋدجەتتەردٸڭ شىعىستارى 6,7 ترلن تەڭگەنٸ قۇرادى, وندا 134 ملرد تەڭگەگە اتقارىلماعان. بيىل ٶڭٸرلەرگە 2,5 ترلن تەڭگە سوماسىندا نىسانالى ترانسفەرتتەر كٶزدەلگەن. 1 قاراشاعا ولارعا 1 ترلن 813 ملرد تەڭگە بٶلٸنگەن. ونىڭ 96,6%-ٸ يگەرٸلدٸ. 62 ملرد تەڭگە اتقارىلمادى, ونىڭ ٸشٸندە 6 ملرد تەڭگە ٷنەمدەلٸپ, 56 ملرد تەڭگەسٸ يگەرٸلمەي قالعان. ەڭ كٶپ يگەرٸلمەۋ الماتى قالاسىندا, سولتٷستٸك قازاقستان, باتىس قازاقستان, الماتى جەنە تٷركٸستان وبلىستارىندا تٸركەلگەن», - دەدٸ جاماۋباەۆ.
