ٶتكەن جىلى ٸشكٸ مەملەكەتتٸك اۋديت كوميتەتٸ 245 ملرد تەڭگەگە قارجى تالاپتاردىڭ بۇزىلۋىن انىقتادى. بۇل تۋرالى پرەمەر-مينيستردٸڭ بٸرٸنشٸ ورىنباسارى-قارجى مينيسترٸ ەليحان سمايىلوۆ مەلٸم ەتتٸ, دەپ حابارلايدى "ۇلت اقپارات".
«بىلتىر ٸشكٸ مەملەكەتتٸك اۋديت كوميتەتٸ 245 ملرد تەڭگە سوماسىندا قارجىلىق بۇزۋشىلىق جاعدايىن انىقتاپ, بۇل كٶرسەتكٸش قارجىلىق بۇزۋشىلىقتار جالپى سوماسىنىڭ 39 پايىزىن قۇرادى», - دەدٸ سمايىلوۆ پارلامەنت مەجٸلٸسٸندەگٸ ٷكٸمەت ساعاتىندا.
ونىڭ سٶزٸنە قاراعاندا, جٷرگٸزٸلگەن تالداۋ نەتيجەسٸ بويىنشا قارجىلىق بۇزۋشىلىقتاردىڭ نەگٸزگٸ كٶلەمٸ بۋحگالتەرلٸك ەسەپتٸلٸكتٸ جٷرگٸزۋ تەرتٸبٸنە, جوسپارلاۋ مەن باسقا دا شىعىستاردى پايدالانۋ كەزٸندە بيۋدجەتتٸك قارجىنى اسىرا كٶرسەتۋگە, كۆازيمەملەكەتتٸك سەكتور سۋبەكتٸلەرٸ اكتيۆتەرٸن باسقارۋعا بايلانىستى بولىپ وتىر.
«اتالعان مەسەلەلەردٸڭ جٷيەلٸ شەشٸمٸن مەملەكەتتٸك ساتىپ الۋلاردا جٷرگٸزٸلگەن جۇمىسقا ۇقساس بارلىق نەگٸزگٸ پروتسەستەردٸ اۆتوماتتاندىرۋ ارقىلى ٸسكە اسىرۋدان كٶرٸپ وتىرمىز», - دەدٸ ٷكٸمەت باسشىسىنىڭ بٸرٸنشٸ ورىنباسارى.
سونىمەن قاتار, ول بٷگٸندە تەكسەرۋلەرگە قاتىستى قادامدار ٶزگەرگەنٸن اتاپ ٶتتٸ.
«2015 جىلدان باستاپ مەملەكەتتٸك اۋديتورلار انىقتاعان قارجىلىق بۇزۋشىلىقتار كٶلەمٸ 4 ەسەگە تٶمەندەدٸ, ياعني 1,9 ترلن تەڭگەدەن 478 ملرد تەڭگەگە دەيٸن», - دەدٸ ەليحان سمايىلوۆ.
