Ótken jyly Ishki memlekettik aýdit komiteti 245 mlrd teńgege qarjy talaptardyń buzylýyn anyqtady. Bul týraly Premer-Ministrdiń birinshi orynbasary-Qarjy ministri Álihan Smaiylov málim etti, dep habarlaidy "Ult aqparat".
«Byltyr Ishki memlekettik aýdit komiteti 245 mlrd teńge somasynda qarjylyq buzýshylyq jaǵdaiyn anyqtap, bul kórsetkish qarjylyq buzýshylyqtar jalpy somasynyń 39 paiyzyn qurady», - dedi Smaiylov Parlament Májilisindegi Úkimet saǵatynda.
Onyń sózine qaraǵanda, júrgizilgen taldaý nátijesi boiynsha qarjylyq buzýshylyqtardyń negizgi kólemi býhgalterlik eseptilikti júrgizý tártibine, josparlaý men basqa da shyǵystardy paidalaný kezinde biýdjettik qarjyny asyra kórsetýge, kvazimemlekettik sektor sýbektileri aktivterin basqarýǵa bailanysty bolyp otyr.
«Atalǵan máselelerdiń júieli sheshimin memlekettik satyp alýlarda júrgizilgen jumysqa uqsas barlyq negizgi protsesterdi avtomattandyrý arqyly iske asyrýdan kórip otyrmyz», - dedi Úkimet basshysynyń birinshi orynbasary.
Sonymen qatar, ol búginde tekserýlerge qatysty qadamdar ózgergenin atap ótti.
«2015 jyldan bastap memlekettik aýditorlar anyqtaǵan qarjylyq buzýshylyqtar kólemi 4 esege tómendedi, iaǵni 1,9 trln teńgeden 478 mlrd teńgege deiin», - dedi Álihan Smaiylov.
