پاۆلودار وبلىسىنىڭ ەكٸمٸ سىبايلاس جەمقورلىققا قارسى ٸس-قيمىل جٶنٸندەگٸ ٶڭٸرلٸك كوميسسييانىڭ وتىرىسى كەزٸندە ٶزٸنٸڭ قاراماعىنداعى قىزمەتكەرلەردٸ جۇرتشىلىقپەن بەلسەندٸ ىنتىماقتاسۋعا جەنە پروبلەمالاردى تالقىلاۋعا شاقىردى, دەپ حابارلايدى رavlodarnews.kz سايتى.
اۋىل شارۋاشىلىعى باسقارماسىنىڭ جۇمىسىنداعى سىبايلاس جەمقورلىقتىڭ الدىن الۋ شارالارى تۋرالى ۆەدومستۆو باسشىسى سەرٸك باتىرعوجينوۆ مەلٸم ەتتٸ.
ونىڭ ايتۋىنشا, اگروٶنەركەسٸپتٸك كەشەن سالاسىندا سۋبسيدييا بەرۋ ٷشٸن قولدانىلاتىن «Qolday» جٷيەسٸنٸڭ قولدانۋشىلارى تاراپىنان سۇراقتار كٶپتەپ تۋىندايدى. وسى مەسەلەنٸ شەشۋ ٷشٸن سىبايلاس جەمقورلىققا قارسى قىزمەت ٶكٸلدەرٸ فەرمەرلەردٸڭ كەز كەلگەن سۇراعىنا جاۋاپ بەرەتٸن فرونت-كەڭسە اشۋ كەرەك دەپ ەسەپتەيدٸ.
- اٶك-دە تسيفرلىق جٷيە ٶتە قاجەت. بٸزدە قانشا ەگٸس القابى, قانشا مال باسى, قانداي سۋبسيدييالار تٶلەنەدٸ - وسى دەرەكتەردٸڭ بارلىعى بٸر جەردە جينالۋى تيٸس. تۇرعىندار الدىندا اشىق بولۋ كەرەك جەنە ەر ٸستٸ اشىق جٷرگٸزۋ كەرەك. سونىمەن قاتار, بۇل مەلٸمەتتەردٸڭ بازالارى باسقالارمەن بٸرٸكتٸرٸلۋٸ كەرەك. سوندا عانا اۋىل شارۋاشىلىعىنا ينۆەستيتسييالار تٷسەدٸ, - دەپ اتاپ ٶتتٸ ٶڭٸر باسشىسى ەبٸلقايىر سقاقوۆ.
پاۆلودار وبلىسىنىڭ مەديتسينالىق مەكەمەلەرٸنٸڭ قىزمەتٸن دە اشىق ەتۋ ۇسىنىلدى. «Ertis-adaldyq alany» جوبالىق كەڭسەسٸ ٶكٸلدەرٸنٸڭ پٸكٸرٸنشە, بۇل ٷشٸن جۇرتشىلىقتى اۋرۋحانالارداعى باقىلاۋ كەڭەستەرٸنە قوسۋ قاجەت.
- بٷگٸندە «مەملەكەتتٸك مٷلٸك تۋرالى» زاڭى بويىنشا مەملەكەت قاتىساتىن كەسٸپورىندار جانىنان قۇرىلاتىن بايقاۋ كەڭەستەرٸ اشىلىپ, جابىق رەجيمدە جۇمىس ٸستەپ جاتىر. بۇل كەڭەستەردٸڭ قۇرامىندا كٸم بار? قۇرامداردى وبلىستىق دەنساۋلىق ساقتاۋ باسقارماسى تەك ٸشكٸ بۇيرىقتارمەن بەكٸتتٸ مە? جىل قورىتىندىسى بويىنشا قۇرام سىياقى الدى ما جەنە قانداي? كەڭەس مٷشەلەرٸن تاعايىنداۋدىڭ ادال تەتٸگٸن بىلاي جاساۋعا بولادى: باق-تا كانديداتتاردى ٸرٸكتەۋ تۋرالى حابارلاندىرۋ جارييالاۋ كەرەك, ال كونكۋرس ٶتكٸزٸلگەننەن كەيٸن وبلىستىق دەنساۋلىق ساقتاۋ باسقارماسى بايقاۋ كەڭەسٸن قۇراتىن بولادى, - دەدٸ جوبالىق كەڭسەنٸڭ باسشىسى ريزابەك يسابەكوۆ.
وبلىس ەكٸمٸ بارلىق مەملەكەتتٸك ورگاندار ازاماتتىق قوعام ٶكٸلدەرٸمەن ىنتىماقتاستىقتا جۇمىس ٸستەۋٸ تيٸس ەكەنٸن ەسكەرتتٸ.
- قوعام الدىندا تۋىندايتىن پروبلەمالاردى اشىق كٶتەرۋ قاجەت. مەن باسشىلاردى ولاردىڭ جابىق بولعانى ٷشٸن بٸرنەشە رەت سىنعا العان ەدٸم. جەرگٸلٸكتٸ ورىندارداعى ەكٸمدەر مەن وبلىستىق باسقارمالاردىڭ باسشىلارى ٶز جۇمىستارىن جۇرتشىلىقپەن بەلسەندٸ تالقىلاۋى تيٸس. مۇنى جاسامايتىنداردى قولعا الاتىن بولامىز, - دەدٸ ەبٸلقايىر سقاقوۆ.
سىبايلاس جەمقورلىققا قارسى ٸس-قيمىل كوميسسيياسىنىڭ وتىرىسىندا ەكونوميكالىق تەرگەۋ دەپارتامەنتٸنٸڭ باسشىسى ارمان جٷنٸسوۆ بيۋدجەت قاراجاتىن جىمقىرۋ سحەمالارى جايلى ايتتى. وسىنداي سحەمالاردىڭ بٸرٸ بويىنشا پاۆلوداردىڭ تۇرعىنى قۇرىلىس-مونتاجداۋ جۇمىستارىن جٷرگٸزۋگە ليتسەنزيياسى بار 8 كومپانييانى ساتىپ الىپ, بٶگدە ادامدارعا قايتا تٸركەگەن.
- وسىنداي جشس-نٸڭ التاۋى ەشقانداي اكتيۆتەرٸ بولماي, جالپى قۇنى 1,2 ميلليارد تەڭگە بولاتىن تەندەر ارقىلى 56 مەملەكەتتٸك تاپسىرىسقا يە بولعان. تاپسىرىس بەرۋشٸ كٶرسەتٸلگەن 8 كومپانييانىڭ سوڭعى 5 جىلدا بار بولعانى 14 ميلليون تەڭگە سالىق تٶلەگەنٸنە نازار اۋدارماعان. بۇدان بٶلەك, پاۆلودار قالاسىنىڭ تۇرعىنى بەس تۇرعىن ٷيدٸ اباتتاندىرۋعا جەنە سپورت نىسانىن سالۋعا بٶلٸنگەن 102 ميلليون تەڭگەدەن استام قاراجات ۇرلادى دەگەن كٷدٸكپەن قاماۋدا وتىر. قىلمىستىق ٸس سوتقا جولداندى, - دەپ مەلٸم ەتتٸ ارمان جٷنٸسوۆ.
ەبٸلقايىر سقاقوۆ بٷگٸندە پاۆلودار وبلىسىنىڭ قۇرىلىس سالاسىندا بٸرقاتار مەسەلەلەر, سونىڭ ٸشٸندە ساپاسىز تەحنيكالىق تاپسىرمالارعا بايلانىستى تٷيتكٸلدەر بار ەكەنٸن ايتتى.
- كٶلەڭكەلٸ ەكونوميكاعا كەلەتٸن بولساق, بٷگٸندە قارجى اعىندارىنىڭ 30% - عا جۋىعى جاسىرىن قالىپ وتىر. رەسپۋبليكالىق دەڭگەيدە كٶلەڭكەلٸ ەكونوميكاعا قارسى ٸس-قيمىل تۋرالى زاڭ جوباسى ەزٸرلەنەتٸن بولادى. بٸزگە ٶڭٸر ٸشٸندە قانداي سالالار, قانداي بيۋدجەتتٸك باعدارلامالار ەكٸمشٸلەرٸ جەنە قانداي مەردٸگەرلٸك ۇيىمدار وسى تەۋەكەلگە كٶبٸرەك ۇشىرايتىنى جٶنٸندە ٶز تالداۋىمىزدى جاساۋىمىز قاجەت, - دەدٸ ەكٸم.
ٶڭٸر باسشىسى كٶلەڭكەلٸ ەكونوميكانىڭ دەڭگەيٸ نەعۇرلىم تٶمەن بولسا, ينۆەستيتسييالىق تارتىمدىلىق سوعۇرلىم جوعارى بولاتىنىن ەسكە سالدى.
- سوندىقتان سالىق تٶلەۋدەن جالتارۋعا, اقشانى جىلىستاتۋعا جەنە سىبايلاس جەمقورلىققا قارسى كٷرەس - ورتاق مٸندەت, - دەپ اتاپ ٶتتٸ ەبٸلقايىر سقاقوۆ.
