فوتو: freepik.com
اقتٶبە وبلىسىندا زاڭسىز لومبارد قىزمەتٸن ۇيىمداستىرعان ازاماتتىڭ ٸسٸ سوتقا جولداندى. بۇل تۋرالى قارجىلىق مونيتورينگ اگەنتتٸگٸ حابارلادى.
ۆەدومستۆونىڭ اقتٶبە وبلىسى بويىنشا دەپارتامەنتٸ جٷرگٸزگەن تەرگەۋ نەتيجەسٸندە كٷدٸكتٸنٸڭ 2020 جىلدان 2025 جىلعا دەيٸن ەشقانداي ليتسەنزيياسىز لومبارد قىزمەتٸن كٶرسەتٸپ كەلگەنٸ انىقتالدى. ول ۇيالى تەلەفون, تەلەديدار, ويىن كونسولدەرٸ مەن فوتواپپارات سەكٸلدٸ تەحنيكالاردى كەپٸلگە الىپ, ازاماتتارعا قارىز بەرۋدٸ جٷيەلٸ تٷردە ۇيىمداستىرعان.
رەسمي مەلٸمەتكە سەيكەس, زاڭسىز قىزمەت كوميسسييالىق دٷكەندەر تٷرٸندە بٷركەمەلەنٸپ جٷرگٸزٸلگەن. وسىلايشا كٷدٸكتٸ ۋەكٸلەتتٸ ورگانداردىڭ باقىلاۋىنان جالتارۋعا تىرىسقان.
تەرگەۋ بارىسىندا ونىڭ قارجىلىق قيىندىققا تاپ بولعان ازاماتتاردىڭ جاعدايىن پايدالانىپ, تەۋلٸگٸنە 3,7 پايىزعا دەيٸن ٶسٸماقى بەلگٸلەگەنٸ بەلگٸلٸ بولدى. بۇل زاڭدا كٶرسەتٸلگەن 0,3 پايىزدىق شەكتەن 12 ەسە جوعارى.
الىنعان زاڭسىز تابىس كٶلەمٸ 93 ميلليون تەڭگەدەن اسقان.
سوت سانكتسيياسىمەن كٷدٸكتٸنٸڭ ٷش اۆتوكٶلٸگٸ مەن پەتەرٸنە تىيىم سالىندى. وعان قاتىستى ەشقايدا كەتپەۋ تۋرالى بۇلتارتپاۋ شاراسى قولدانىلدى.
قىلمىستىق ٸس سوتقا جٸبەرٸلدٸ. قىلمىستىق-پروتسەستٸك كودەكستٸڭ 201-بابىنا سەيكەس ٶزگە اقپارات جارييالانبايدى.
قارجىلىق مونيتورينگ اگەنتتٸگٸ ازاماتتاردى زاڭسىز قارجىلىق ۇيىمداردان ساق بولۋعا شاقىرادى. سەبەبٸ مۇنداي قۇرىلىمدارعا جٷگٸنۋ مٷلٸك پەن قاراجاتتان ايىرىلۋ قاۋپٸن ارتتىرادى. سونداي-اق اگەنتتٸك كەپٸلمەن قارىز بەرەتٸن ۇيىمداردىڭ ليتسەنزيياسىن مٸندەتتٸ تٷردە تەكسەرۋدٸ ۇسىنادى.
