Foto: freepik.com
Aqtóbe oblysynda zańsyz lombard qyzmetin uiymdastyrǵan azamattyń isi sotqa joldandy. Bul týraly Qarjylyq monitoring agenttigi habarlady.
Vedomstvonyń Aqtóbe oblysy boiynsha departamenti júrgizgen tergeý nátijesinde kúdiktiniń 2020 jyldan 2025 jylǵa deiin eshqandai litsenziiasyz lombard qyzmetin kórsetip kelgeni anyqtaldy. Ol uialy telefon, teledidar, oiyn konsolderi men fotoapparat sekildi tehnikalardy kepilge alyp, azamattarǵa qaryz berýdi júieli túrde uiymdastyrǵan.
Resmi málimetke sáikes, zańsyz qyzmet komissiialyq dúkender túrinde búrkemelenip júrgizilgen. Osylaisha kúdikti ýákiletti organdardyń baqylaýynan jaltarýǵa tyrysqan.
Tergeý barysynda onyń qarjylyq qiyndyqqa tap bolǵan azamattardyń jaǵdaiyn paidalanyp, táýligine 3,7 paiyzǵa deiin ósimaqy belgilegeni belgili boldy. Bul zańda kórsetilgen 0,3 paiyzdyq shekten 12 ese joǵary.
Alynǵan zańsyz tabys kólemi 93 million teńgeden asqan.
Sot sanktsiiasymen kúdiktiniń úsh avtokóligi men páterine tyiym salyndy. Oǵan qatysty eshqaida ketpeý týraly bultartpaý sharasy qoldanyldy.
Qylmystyq is sotqa jiberildi. Qylmystyq-protsestik kodekstiń 201-babyna sáikes ózge aqparat jariialanbaidy.
Qarjylyq monitoring agenttigi azamattardy zańsyz qarjylyq uiymdardan saq bolýǵa shaqyrady. Sebebi mundai qurylymdarǵa júginý múlik pen qarajattan aiyrylý qaýpin arttyrady. Sondai-aq agenttik kepilmen qaryz beretin uiymdardyń litsenziiasyn mindetti túrde tekserýdi usynady.
