ەگدە ادامداردىڭ كوروناۆيرۋس جۇقتىرۋ جاعدايلارى جيٸلەپ بارادى. بۇل تۋرالى بٷگٸن وكق-دا ٶتكەن جيىندا دەنساۋلىق ساقتاۋ بٸرٸنشٸ ۆيتسە-مينيسترٸ مارات شورانوۆ ايتتى, دەپ حابارلايدى قازاقپارات.
«ٸندەتتٸ جۇقتىرۋ جاعدايلارىن تەكسەرۋ بارىسىندا مىنا جاعدايلار انىقتالدى. كوروناۆيرۋستى جۇقتىرعانداردىڭ 50 پايىزى مەديتسينالىق كٶمەككە جٷگٸنگەن كەزدە انىقتالعان. 33 پايىزى ولارمەن قارىم-قاتىناستا بولعانداردى تەكسەرۋ بارىسىندا جۇقتىرعانى بەلگٸلٸ بولىپ وتىر. 16 پايىزى الدىن الۋ شارالارىن جٷرگٸزگەن كەزدە انىقتالدى. قالعان 1 پايىزى – سىرتتان كەلگەندەردەن انىقتالىپ وتىر. ياعني, بۇل دەگەنٸمٸز كارانتين شارالارىنىڭ ساقتالماۋى, بۇقارالىق ورىندارعا حالىقتىڭ جيٸ بارۋى, جەكە قورعانىس قۇرالدارىن قولدانباۋى سالدارىنان ٸندەتتٸڭ ۋشىققانىن كٶرسەتٸپ وتىر. ٸندەت سىرتتان كەلٸپ جاتقان جوق, ەل ٸشٸنەن بٸر-بٸرٸنە تاراپ جاتىر», - دەدٸ مارات شورانوۆ وكق-دا ٶتكەن باسپاسٶز مەسليحاتىندا.
بٸرٸنشٸ ۆيتسە-مينيستر سونىمەن قاتار, حالىقتىڭ باسقا دا توپتارىنىڭ ٸشٸندە ٸندەتتٸ جۇقتىرۋ جاعدايى ارتىپ كەلە جاتقانىن اتاپ ٶتتٸ.
«جۇمىس ٸستەمەيتٸن, زەينەت جاسىنداعى ازاماتتاردىڭ كوروناۆيرۋستى جۇقتىرۋ جاعدايى جيٸلەپ بارادى. ياعني, بۇعان ولارمەن بٸر ٷيدە تۇراتىن ازاماتتاردىڭ كارانتين شارالارىن ساقتاماۋى سەبەپ بولۋى مٷمكٸن. ەسٸرەسە اقمولا, الماتى, پاۆلودار وبلىستارىندا ەگدە جاستاعى ازاماتتاردىڭ كوروناۆيرۋس جۇقتىرۋ جاعدايلارى كٶبەيگەن», - دەدٸ ول.
