1997 جىلدىڭ قىتىمىر قىسىندا, قاڭتاردىڭ قاقاعان ايازىندا كٶكشەتاۋ قالاسىندا جىلۋ قازانى جارىلىپ, سۋ قاتىپ, ادامدار بٷرسەڭ قاعىپ قالعان ەدٸ. سول سۇمدىق بۇل قالانىڭ تاريحىنا ٶشپەس ٶكٸنٸشتەي بولىپ جازىلدى.
سودان بەرٸ 20 جىل ٶتسە دە كٶكشەتاۋلىقتار قىلىشىن سٷيرەتٸپ قىس كەلگەندە سۋىق قاتتى بولسا تاعى دا قازاندىعىمىز جارىلىپ, جىلۋسىز قالماس پا ەكەنبٸز دەگەن عارٸپتٸكتەن ارىلا الماي كەلەدٸ. ٶيتكەنٸ, كٶكشەتاۋ جىلۋ ەلەكتر ورتالىعى (جەو) جوق جالعىز وبلىس ورتالىعى, مۇندا جىلۋدى جەرگٸلٸكتٸ قازاندىق بەرەدٸ. قازٸر سول قازاندىقتىڭ قۋاتى تاۋسىلىپ, بارلىق رەسۋرستارى بٸتٸپ, اۋىستىرۋدى قاجەت ەتٸپ وتىر. مۇندا 20 جىل بويى اۋىسقان بٸردە-بٸر ەكٸمنٸڭ قارىمى جەو سالۋعا جەتپەدٸ. تەك بٸر-اق جىل ەكٸم بولعان قايرات قوجامجاروۆ قانا بۇل ٸستٸ قولعا العان ەدٸ. ونى تٸپتٸ پرەزيدەنت ن.نازارباەۆ تا قولداعان. بٸراق ودان كەيٸن ەكٸم بولعاندار بۇل ٸستٸ جالعاستىرا الماي, ەنەرگەتيكا مينيسترلٸگٸنٸڭ ۆەدومستۆولىق مٷددەسٸنەن شىعا الماي, جوبانى جاپتى.
الايدا كٶكشەتاۋدا جەو سالۋ جوباسىن ٸسكە اسىرۋعا اتسالىسامىز دەپ قىتاي مەن رەسەي تٷگٸل گەرمانييا, ۇلىبريتانييا, يزرايل سيياقتى ەلدەردەن دەلەگاتسييالار كەلگەن. ەسٸرەسە, ەلٸمٸزدە كٶپتەگەن جوبالاردى, سونىڭ ٸشٸندە اقتاۋداعى بيتۋم زاۋىتىن, 1 مىڭ شاقىرىمعا جۋىق اۆتوجولدار سالۋدى ٸسكە اسىرعان قىتايدىڭ «CITIC CONSTRUCTION Co. Ltd» دەگەن كومپانيياسى ۇسىنىپ وتىرعان جوبانىڭ قاراجاتى دا, تەحنيكالىق قۋاتى دا, ەكولوگييالىق تازالىعى دا دٸتتەگەن جەردەن شىعىپ تۇر. تەك سونى قولداپ, ٸسكە كٸرٸسۋ كەرەك. ونى ٸسكە اسىراتىن قاراجات كٶزدەرٸن دە تابۋعا بولادى. تٸپتٸ, قحر تٶراعاسى سي تسزينپيننٸڭ ٶتكەن جىلى استاناعا كەلگەن ساپارى اياسىندا قول قويىلعان ەكونوميكالىق ىنتىماقتاستىق كەلٸسٸمشارتتارى اراسىندا وسى جوبا دا بولعان. ەندٸ سول شارۋانى ٸسكە اسىرۋ تەك قازاقستان ٷكٸمەتتٸڭ الدىندا تۇر.
مەجٸلٸس دەپۋتاتى ايقىن قوڭىروۆ وسى مەسەلەنٸڭ بەرٸن ەگجەي-تەگجەيلٸ ايتىپ, ٷكٸمەت باسشىسى باقىتجان ساعىنتاەۆتىڭ اتىنا دەپۋتاتتىق ساۋال جولداپ, جوبانى ٸسكە اسىرۋدى ۇسىندى. ەندٸگٸ سٶز ٷكٸمەت باسشىسىندا. كٶكشەتاۋدى عارٸپتٸكتەن قۇتقارۋ سول كٸسٸنٸڭ قولىندا.
س.ەلەۋ, ساراپشى
