«اينالا الماي ات ٶلسٸن, ايىرا الماي جات ٶلسٸن» دەيدٸ ابىز بابامىز بۇقار جىراۋ. ەلٸمٸزدٸڭ وسى كٷندەگٸ تولاعاي تابىستارى مەن جارقىن جەتٸستٸكتەرٸن كٶڭٸلٸمٸز مارقايىپ سٶز ەتكەندە ەڭ الدىمەن «تاتۋلىق» دەيتۇعىن قازاقتىڭ قاسيەتٸ ەرٸكسٸز ويعا ورالادى. ەلبەتتە, اسقارالى اسۋلاردى باعىندىرىپ, تەۋەلسٸزدٸگٸمٸزدٸ تۇعىرلى دا باياندى ەتۋ ەستە وڭاي بولعان جوق. كەڭ-بايتاق ەلٸمٸزدٸڭ اعا ۇرپاعى, ونىڭ ٸشٸندە قۇتتى قونىس, قىدىر قونعان جۇلدىزى بيٸك جۋالىنىڭ ارداگەرلەرٸ دە ەگەمەندٸكتٸڭ قادٸرٸنە جەتٸپ, ەلٸمٸزدٸڭ تۇڭعىش پرەزيدەنتٸ, ەلباسى نۇرسۇلتان ەبٸشۇلىنىڭ ٶلشەۋسٸز ەڭبەگٸن جوعارى باعالاپ, ەلدە جٷرگٸزٸلٸپ وتىرعان سالماقتى دا ساليقالى ساياساتىن ٷنەمٸ قولداپ كەلەدٸ.
تامىرسىز اعاش بولمايتىنى سيياقتى تاعدىرسىز حالىق بولمايدى. قازاق حالقى – تالاي قيىندىقتاردى جەڭگەن, بولاشاعىنا بايىپپەن, ٷمٸتپەن, سەنٸممەن قاراعان تاعدىرلى حالىق. تاريحتىڭ تەرەڭٸنە كٶز تاستاساق, حالقىمىزدىڭ قيىن-قىستاۋ جولداردان ٶتكەنٸن كٶرەمٸز. ەرٸگە بارماي-اق, ۇلى وتان سوعىسىن الايىق. سول سۇم سوعىستا قانشاما ادام قىرىلىپ كەتتٸ. ونىڭ ٸشٸندە سول كەزدە ورتاق وتانىمىز سانالعان كەڭەستەر وداعىن قورعاۋ جولىنداعى قاندى شايقاستاردا جۋالىلىق ازاماتتار دا جەڭٸستٸ جاقىنداتۋعا زور ٷلەستەرٸن قوستى. داڭقتى جەرلەسٸمٸز, كٶزٸنٸڭ تٸرٸسٸندە-اق الاشتىڭ ايبوزىنا اينالىپ كەتكەن باتىر اعامىز باۋىرجان مومىشۇلىنىڭ سٶزٸمەن ايتساق, بۇل جەڭٸس بٸزگە ارزانعا تٷسكەن جوق. بٸر عانا جۋالىدان اتتانعان كٸسٸلەردٸڭ ٸشٸندە 2636 جەرلەسٸمٸز مايدان دالاسىندا كٶز جۇمسا, 1342 جەرلەسٸمٸزگە تۋعان جەردٸڭ دەم-تۇزى بۇيىرىپ, ەلگە جەڭٸسپەن ورالدى.
دانا حالقىمىز: «ٶتكەن كٷننەن الىس جوق, كەلەر كٷننەن جاقىن جوق» دەيدٸ. ۇلى جەڭٸستٸ جاقىنداتقان ارداگەرلەردٸڭ قاتارى دا مەيلٸنشە سيرەپ قالدى. بٷگٸندە جۋالى اۋدانىندا ۇلى وتان سوعىسىنا قاتىسقان نەبەرٸ 7 ارداگەر عانا قالدى. ال ەڭبەك مايدانىندا تەر تٶگٸپ, جەڭٸستٸ بٸلەك كٷشٸمەن جاقىنداتقان 502 تىل ەڭبەككەرٸ ورتامىزدا جٷر.
بٸزدٸڭ اقساقالدار قاۋىمى ٶتكەن عاسىردىڭ, ٶتكەن قوعامدىق فورماتسييانىڭ وڭدى جاقتارىن دا, اۋىرتپالىقتارىن دا باستان كەشتٸ. كەڭەس وداعى ىدىراپ, ەلدەگٸ ٶندٸرٸس ورىندارى جاپپاي جابىلىپ, جۇمىسسىزدىق جايلاعان قيىن تۇستا دا اعا بۋىن ۇستامدىلىق پەن كٶرەگەندٸك تانىتتى. جاڭا عاسىر مەن جاڭا قوعامنىڭ اسۋلارىن باعىندىرىپ, تەۋەلسٸزدٸكتٸڭ ەڭ ەۋەلگٸ قاز-قاز باسقان قادامدارىن نىعايتۋعا ٷلەس قوستى. ەلٸ دە سول باعىتتان اينىماي, ەل دامۋى مەن ۇرپاق بولاشاعى سىندى يگٸ دە ٸزگٸ ٸستەر جولىندا ايانباي ەڭبەك ەتٸپ كەلەدٸ. اۋداندا 52 مىڭداي حالىق بار دەسەك, ونىڭ ٸشٸندە ارداگەرلەردٸڭ, اقساقالداردىڭ الار ٷلەسٸ دە ايتارلىقتاي. سوعىس جەنە ەڭبەك ارداگەرلەرٸنٸڭ, زەينەتكەرلەردٸڭ كٷندەلٸكتٸ تىنىس-تٸرشٸلٸگٸن جان-جاقتى قاداعالاپ, قوعامدىق ٸس-شارالارعا تارتۋ ارقىلى ولاردىڭ ٶمٸرلٸك باي تەجٸريبەلەرٸن دۇرىس پايدالانۋدى اۋداندىق ارداگەرلەر كەڭەسٸ مەن كەڭەستٸڭ باستاۋىش ۇيىمدارى مىقتاپ قولعا العان. اۋدان بويىنشا بارلىق ەلدٸ مەكەندە 73 باستاۋىش ۇيىم جۇمىس ٸستەيدٸ.
ولار اۋىلدىق وكرۋگتٸڭ ەكٸمدەرٸمەن, باسقا دا مەملەكەتتٸك مەكەمەلەرمەن تىعىز بايلانىس ورناتقان. بارلىق باستاۋىش ۇيىمداردىڭ جانىنان جاستارمەن جۇمىس جٷرگٸزۋ جٶنٸندەگٸ كوميسسييالار قۇرىلعان. بۇل كوميسسييالار جەرگٸلٸكتٸ ەكٸمدٸك, قوعامدىق بٸرلەستٸكتەر جەنە قۇقىق قورعاۋ ورگاندارىنىڭ كٶمەگٸنە سٷيەنە وتىرىپ, مەملەكەتتٸك جاستار ساياساتى اياسىندا تيٸستٸ ٸس-شارالاردى جٷرگٸزٸپ كەلەدٸ. ارداگەرلەر تۇراقتى تٷردە جاستارمەن, مەكتەپ وقۋشىلارىمەن كەزدەسٸپ, كٶرگەن-تٷيگەندەرٸن, ٶمٸرلٸك باي تەجٸريبەلەرٸمەن بٶلٸسٸپ, اقىل-كەڭەس بەرۋدەن جالىققان ەمەس. سونىڭ نەتيجەسٸ بولار, اۋدانىمىزدا ٷلكەندٸ سىيلايتىن, وتانشىل, ٶر رۋحتى جاستار بۋىنى ٶسٸپ كەلەدٸ. يە, ەلٸمٸزدٸڭ بولاشاعى جاستاردىڭ قولىندا. وسى تۇرعىدا بۇل يگٸ جۇمىستاردى ەرٸ قاراي شيراتا تٷسەتٸن بولامىز.
ەلٸمٸزدٸڭ الدىندا ەلەمدەگٸ دامىعان 30 مەملەكەتتٸڭ قاتارىنا كٸرۋ مٸندەتٸ تۇر. وعان تولىق مٷمكٸندٸك تە بار. وسىنداي مول مٷمكٸندٸگٸمٸز, باستى بايلىعىمىز – دەنساۋلىققا كٶبٸرەك كٶڭٸل بٶلٸنسە, ونىڭ ٸشٸندە قارتتارعا لايىقتى قامقورلىق كٶرسەتٸلسە دەگەن دە تٸلەك بار قارييالاردىڭ كٶڭٸل تٷكپٸرٸندە. اعا بۋىن ٶكٸلدەرٸ ۇزاق جاساپ, مەملەكەتتٸڭ, ٶز ۇرپاعىنىڭ قامقورلىعىنا بٶلەنٸپ, اقىلىن ايتىپ جٷرسە قۋانىش ەمەس پە?
قازاق – قاشاندا سابىرلى حالىق. دەۋٸرلەر ٶتەدٸ, بۋىن الماسادى. جاڭا ۇرپاق, جاس بۋىن جاڭاشا ويلايتىن دا بولار. سول جاڭاشىلدىق, جاسامپازدىق, ەرجٷرەكتٸلٸك اعا بۋىن ٶكٸلدەرٸنەن جۇعىستى بولعانىن ايتۋعا تيٸسپٸز. سوندىقتان تەۋەلسٸزدٸكتٸڭ قادٸرٸنە جەتٸپ, اعا ۇرپاقتىڭ جانكەشتٸ ەڭبەكتەرٸ مەن ەرەن ەرلٸكتەرٸن بٸر سەتكە دە ۇمىتپاۋ قاجەت. قارتتارىن قادٸرلەگەن ەلدٸڭ كەلەشەگٸ كەمەل, بولاشاعى جارقىن بولاتىنىن ەستەن شىعارمايىق, اعايىن.
جاراس مۇراتاي,
جۋالى اۋداندىق ارداگەرلەر كەڭەسٸنٸڭ تٶراعاسى,
جامبىل وبلىسىنىڭ قۇرمەتتٸ ازاماتى
.jpeg)