قازاقستان پرەزيدەنتٸنٸڭ كەڭەسشٸسٸ ەرلان قارين ۇلتتىق قوعامدىق سەنٸم كەڭەسٸندەگٸ روتاتسيياعا تٷسٸنٸكتەمە بەردٸ, دەپ حابارلايدى "ۇلت اقپارات".
«بۇعان دەيٸن مەلٸمدەگەندەي, ۇلتتىق كەڭەستٸڭ قىزمەتٸنە قوعام بەلسەندٸلەرٸن تارتۋ ماقساتىندا ۇقسك قۇرامى مەرزٸمدٸ تٷردە روتاتسييا جٷرگٸزٸپ وتىرادى. ۇلتتىق كەڭەسكە جالپى كٷن تەرتٸبٸن جاڭارتىپ, جاڭا تاقىرىپتار مەن ۇسىنىستار ايتاتىن جاڭا بەلسەندٸلەر مەن ساراپشىلار كەلۋٸ كەرەك. ۇلتتىق كەڭەستٸڭ ەرەكشەلٸگٸ دە وسىندا – بۇل سىندارلى پٸكٸرتالاستار ٶتەتٸن جاندى جەنە بەلسەندٸ زيياتكەرلٸك الاڭ», – دەپ جازدى ەرلان قارين Telegram-داعى ٶز اككاۋنتىندا.
«وسىعان بايلانىستى ۇلتتىق كەڭەستٸڭ قۇرامىنا جاڭا قوعام قايراتكەرلەرٸ مەن ساراپشىلار ەنگٸزٸلدٸ. اتاپ ايتقاندا, ۇلتتىق كەڭەسكە «دوس» تەۋەلسٸز ٶمٸر ورتالىعى» مٷگەدەكتەر قوعامدىق بٸرلەستٸگٸنٸڭ تٶرايىمى دينا ەردٸلدينوۆا, «Atameken Business» تەلەارناسىنىڭ باس ديرەكتورى قانات ساحاريانوۆ, ەلەۋمەتتٸك كەسٸپكەر ەمين اسكەروۆ, تانىمال جۋرناليست, بلوگەر ٶركەن كەنجەبەك جەنە مەديا ساراپشى ماكسيم روجين كٸردٸ.
ٶز كەزەگٸندە, روتاتسييا اياسىندا ۇلتتىق كەڭەس قۇرامىنان باعدات مۋسين, دانييار ەشٸمباەۆ, مۇحتار تايجان, سەيداحمەت قۇتتىقادام جەنە جەنٸبەك قوجىق شىعارىلدى. ەرٸپتەستەرٸمە بٸرلەسكەن بەلسەندٸ جۇمىس ٷشٸن العىس ايتقىم كەلەدٸ. بٸر جىلدان از ۋاقىت ٸشٸندە ۇلتتىق كەڭەس اياسىندا ەلدٸڭ ەكونوميكالىق, ساياسي جەنە ەلەۋمەتتٸك دامۋى سالاسىنداعى ماڭىزدى رەفورمالار جٷزەگە اسىرىلدى. ماڭىزدى زاڭدار مەن نورماتيۆتٸك قۇقىقتىق اكتٸلەردٸڭ اۋقىمدى پاكەتٸ قابىلداندى. مامىر ايىندا ۇلتتىق كەڭەستٸڭ ٷشٸنشٸ وتىرىسى ٶتٸپ, ونىڭ قورىتىندىسى بويىنشا پرەزيدەنتتٸڭ جاڭا باستامالارىن ٸسكە اسىرۋ جٶنٸندەگٸ جوسپار قابىلداندى. سونداي-اق, ۇقسك بٸرقاتار مٷشەسٸنٸڭ ۇسىنىسى بويىنشا كەڭەس قۇرىلىمىندا مەدەني-رۋحاني دامۋ مەسەلەلەرٸن قاراستىراتىن تاعى بٸر توپ قۇرىلادى», – دەپ اتاپ ٶتتٸ ەرلان قارين.
