پرەزيدەنتتٸڭ كەڭەسشٸسٸ ەرلان قارين Telegram پاراقشاسىندا مەجٸلٸس ماقۇلداعان بەيبٸت جيىندار تۋرالى زاڭ جوباسىنا قاتىستى پٸكٸرٸن بٸلدٸردٸ, دەپ حابارلايدى "ۇلت اقپارات".
«كەشە مەجٸلٸس ەكٸنشٸ وقىلىمدا بەيبٸت جيىندار تۋرالى زاڭ جوباسىن ماقۇلدادى. بۇل تٷبەگەيلٸ تٷردە جاڭا زاڭ ەكەنٸن اتاپ ٶتۋ كەرەك. قازٸر قولدانىستاعى زاڭ 1995 جىلى قابىلدانعان بولاتىن. بەيبٸت جيىندار تۋرالى زاڭ جوباسىن جەتٸلدٸرۋ قاجەتتٸگٸن 2019 جىلدىڭ قىركٷيەك ايىندا پرەزيدەنت قاسىم-جومارت توقاەۆ قازاقستان حالقىنا جولداۋى كەزٸندە ايتقان ەدٸ. ارادا كٶپ ٶتپەي مەملەكەت باسشىسى ۇلتتىق قوعامدىق سەنٸم كەڭەسٸنٸڭ ەكٸنشٸ وتىرىسىندا جاڭا زاڭ اياسىندا حابارلاندىرۋ (ەسكەرتۋ) قاعيداتىن ەنگٸزۋ كەرەكتٸگٸن مەلٸمدەدٸ», - دەپ جازدى ەرلان قارين.
پرەزيدەنتتٸڭ كەڭەسشٸسٸ 2020 جىلدىڭ قاڭتار ايىندا اقپارات جەنە قوعامدىق دامۋ مينيسترلٸگٸ بەيبٸت جيىندار تۋرالى جاڭا زاڭ جوباسىن قوعامنىڭ تالقىلاۋىنا شىعارعانىن, وسى تۇستا قوعام ٶكٸلدەرٸ مەن ساراپشىلاردىڭ, قۇقىق قورعاۋ سالاسىنداعى مامانداردىڭ ۇسىنىستارى مەن ەسكەرتۋٸ نازارعا الىنعانىن جازادى.
«وسىدان كەيٸن مەجٸلٸس اتالعان زاڭ جوباسىن جۇمىس بارىسىنا قابىلدادى. جۇمىس توبىنا بەلگٸلٸ قۇقىق قورعاۋ سالاسىنىڭ ماماندارى, زاڭگەرلەر, قوعام قايراتكەرلەرٸ مەن ۇلتتىق كەڭەس مٷشەلەرٸ ەندٸ. كٷن سايىن پٸكٸرتالاس جٷرٸپ جاتتى. اقىرىندا مەجٸلٸستە اتالعان زاڭ جوباسىنا ايتارلىقتاي ٶزگەرٸستەر ەنگٸزٸلدٸ. ياعني ەربٸر كەزەڭدە زاڭ جوباسىنا ٶزگەرٸس ەنگٸزٸلٸپ, نەگٸزگٸ نورمالار مەن تەرتٸپتەر ايقىندالدى. جاڭا زاڭ جوباسىنىڭ كونتسەپتۋالدى تۇرعىدا ليبەرالدىق سيپاتقا يە ەكەنٸن اتاپ ٶتۋ كەرەك. مەسەلەن حابارلاندىرۋ ۋاقىتى قىسقارتىلىپ, زاڭمەن تىيىم سالىنباعان كەز كەلگەن جەردە پيكەت ۇيىمداستىرۋعا رۇقسات بەرٸلٸپ, قۇجاتتاردىڭ بەرٸنە تالاپتار قىسقارتىلدى. جۋرناليستەردٸڭ جۇمىسىن رەتتەيتٸن نورمالاردىڭ بەرٸ الىنىپ تاستالدى. ودان بٶلەك تالقىلاۋ بارىسىندا ۇلتتىق كەڭەس مٷشەلەرٸ بەرگەن ۇسىنىستار دا ەنگٸزٸلدٸ», - دەيدٸ ول.
ەرلان قاريننٸڭ جازۋىنشا پرەزيدەنتتٸڭ باستاماسى بويىنشا اتالعان زاڭ جوباسىندا ميتينگ ٶتكٸزۋدە رۇقسات الۋ قاعيداتى الىنىپ تاستالىپ, ەسكەرتۋ تەرتٸبٸ بەكٸتٸلگەن.
«بۇل – تٷبەگەيلٸ تٷردە جاڭا امال. سول سەبەپتٸ اتالعان زاڭ جوباسى - ەلدەگٸ ساياسي پروتسەستەردٸ ارى قاراي ليبەراليزاتسييالاۋدا ايتارلىقتاي العا جاسالعان قادام ەرٸ ول قوعامدىق-ساياسي قارىم-قاتىناس قاعيداتتارىنىڭ تىڭ قاعيداتتارىن قالىپتاستىرادى», - دەپ جازادى مەملەكەت باسشىسىنىڭ كەڭەسشٸسٸ.
