اۋىل ەكٸمدەرٸن تٸكەلەي سايلاۋ - ٷلكەن ساياسي بەتبۇرىستاردىڭ باسى. مۇنداي پٸكٸردٸ قر پرەزيدەنتٸنٸڭ كەڭەسشٸسٸ ەرلان قارين بٸلدٸردٸ, دەپ حابارلايدى "ۇلت اقپارات".
«قىركٷيەكتٸڭ بٸرٸنشٸ كٷنٸ پارلامەنتتٸڭ جاڭا سەسسيياسىنىڭ اشىلۋىندا پرەزيدەنت قاسىم-جومارت كەمەلۇلى توقاەۆ قازاقستان حالقىنا جاڭا جولداۋىن جارييالادى. جولداۋ كٶلەمدٸ دە مازمۇندى بولعانى سونشالىق كەيبٸر باقىلاۋشىلار پرەزيدەنت پارلامەنت مٸنبەرٸنەن 88 مينۋت بويى ٷزدٸكسٸز سٶز سٶيلەدٸ دەپ ەسەپتەپتٸ. شىندىعىندا دا, پرەزيدەنت جولداۋى كٶلەمدٸ قۇجات بولىپ شىقتى. بيىلعى جولداۋ 11 ٸرٸ تاراۋدان تۇرادى: ەكونوميكا, مەملەكەتتٸك باسقارۋ, ەلەۋمەتتٸك ساياسات, ايماقتاردىڭ دامۋى, بٸلٸم بەرۋ, دەنساۋلىق ساقتاۋ, تسيفرلاندىرۋ, ەكولوگييا, قۇقىق قورعاۋ سالاسى, ساياسي رەفورما جەنە جاڭا قۇندىلىقتار. كەيبٸر ساراپشىلار پرەزيدەنتتٸڭ بيىلعى جولداۋىندا «ساياسي تاقىرىپ از قامتىلدى» دەپ باعا بەرۋدە. ٶكٸنٸشكە وراي بۇل ساراپشىلار اتالعان ماڭىزدى قۇجاتتى مۇقييات قاراپ, تەرەڭ تالداماعانى كٶرٸنٸپ تۇر», - دەدٸ ەرلان كارين.
ونىڭ اتاپ ٶتۋٸنشە, شىن مەنٸسٸندە پرەزيدەنت بيىلعى جولداۋدا بٸر ەمەس بٸرنەشە تاراۋدى ٶزەكتٸ, تٷرلٸ ساياسي-قوعامدىق مەسەلەلەرگە ارناپ, كٶپتەگەن جاڭا ساياسي باستامالاردى جارييالادى.
«كەلەسٸ ساياسي باستامالاردى ايتۋعا بولادى: ازاماتتارعا رەفورمالارعا باستاماشى بولىپ, ۇسىنىستار بەرۋ ٷشٸن ونلاين پەتيتسييالاردىڭ بٸرىڭعاي ينستيتۋتىن قۇرۋ, جەرگٸلٸكتٸ ٶزٸن-ٶزٸ باسقارۋ تۇجىرىمداماسىن ەزٸرلەۋ جەنە قابىلداۋ, جەرگٸلٸكتٸ ٶزٸن-ٶزٸ باسقارۋ ورگاندارىنىڭ مەرتەبەسٸن كٶتەرۋ, جەرگٸلٸكتٸ ٶزٸن-ٶزٸ باسقارۋدىڭ قارجىلىق مٷمكٸندٸگٸن نىعايتۋ, مەسليحاتتاردىڭ رەۆيزييالىق كوميسسيياسىن كٷشەيتۋ, مەسليحاتتارعا ٶڭٸردٸ دامىتۋ بويىنشا پەتيتسيياعا قول جيناۋعا, ەزٸرلەۋگە قۇزٸرەت بەرۋ, مەسليحات وتىرىستارىنىڭ ونلاين كٶرسەتٸلٸمٸن ەنگٸزۋ, قوعامدىق باقىلاۋ تۋرالى زاڭدى ەزٸرلەۋ جەنە قابىلداۋ, كۆازيمەملەكەتتٸك سەكتوردا قوعامدىق كەڭەستەردٸ قۇرۋ, مٷلٸكتٸك مەنشٸك يەلەرٸنٸڭ بٸرلەستٸگٸ ينستيتۋتىن ەنگٸزۋ بويىنشا رەفورما جاساۋ», - دەدٸ ول.
ەرلان كارين سونىمەن قاتار بيىلعى جولداۋدا قۇقىق قورعاۋ جٷيەسٸن رەفورمالاۋ بويىنشا دا جاڭا, تىڭ باستامالار ۇسىنىلعانىن ايتادى.
«مىسالى, ەكونوميكالىق ىنىتىماقتاستىق جەنە دامۋ ۇيىمى ەلدەرٸنٸڭ تەجٸريبەسٸ بويىنشا قىلمىسپەن كٷرەس سالاسىن ٶزگەرتٸپ, ٶكٸلەتتٸكتەردٸڭ ارا جٸگٸن ناقتى اجىراتاتىن ٷش بۋىندى ەنگٸزۋ, جەرگٸلٸكتٸ پوليتسييا قىزمەتٸن رەفورمالاۋ, ۋچاسكەلٸك پوليتسييا مەرتەبەسٸن كٶتەرۋ, پوليتسييانىڭ قىزمەتتٸك عيماراتتارى مەن تٷزەتۋ مەكەمەلەرٸندە جاپپاي بەينەباقىلاۋ ورناتۋ. سونداي-اق بيىلعى جولداۋدا ادام قۇقىقتارى مەسەلەسٸنە ەرەكشە نازار اۋدارىلدى. اتاپ ايتقاندا, بالا قۇقىعىنا قاتىستى حالىقارالىق كونۆەنتسييانىڭ فاكۋلتاتيۆتٸك حاتتاماسىنا قوسىلۋ, ازاماتتاردى كيبەربۋللينگتەن قورعاۋ بويىشا زاڭنامالىق شارالاردى قابىلداۋ, حالىقارالىق كونۆەنتسييانىڭ قوسىمشاسىنا سەيكەس ازاپتاۋدىڭ بارلىق تٷرٸمەن كٷرەس بويىنشا زاڭنامانى جەتٸلدٸرۋ جەنە ادام ساۋداسىنا قارسى كٷرەس بويىنشا زاڭنامانى جەتٸلدٸرۋ», - دەدٸ ول.
پرەزيدەنت كەڭەسشٸسٸنٸڭ پايىمىنشا, ەڭ باستى ساياسي رەفورما ول كەلەسٸ جىلدان, ياعني, 2021 جىلدان باستاپ اۋىل ەكٸمدەرٸنٸڭ تٸكەلەي سايلاناتىندىعى بولىپ وتىر.
«2010 جىلدان باستاپ اۋىل ەكٸمدەرٸ مەسليحاتتار ارقىلى جاناما 4 جىلعا سايلاناتىن. سوندىقتان 2017 جىلى كەزەكتٸ سايلاۋ ٶتٸپ, 2021 جىلى, كەلەسٸ جىلى اۋىل ەكٸمدەرٸنٸڭ ٶكٸلەتتٸكتەرٸ اياقتالاتىنى بەلگٸلٸ. سوعان بايلانىستى پرەزيدەنت قاسىم-جومارت كەمەلۇلى توقاەۆ كەلەسٸ جىلدان باستاپ ٶكٸلەتتٸگٸ توقتاعان اۋىل ەكٸمدەرٸ ەندٸ تٸكەلەي سايلاناتىن بولادى دەپ شەشٸم قابىلدادى. بۇل بٸزدٸڭ ەلٸمٸز ٷشٸن ٶتە ماڭىزدى ساياسي رەفورما, ٷلكەن ساياسي بەتبۇرىستاردىڭ باسى دەپ قابىلداۋىمىز كەرەك. وسىلايشا, پرەزيدەنتتٸڭ جاڭا باستامالارىن ساياسي رەفورمالاردىڭ 2-توپتاماسى دەپ قابىلداۋعا بولادى. ەستەرٸڭٸزگە سالىپ ٶتەيٸن, بٸرٸنشٸ توپتاما ٶتكەن جىلى ۇلتتىق كەڭەستٸڭ 2-وتىرىسىندا جارييالاندى. مازمۇنى جاعىنان جاڭا توپتاما اۋقىمدى. ساياسي جاڭعىرۋعا قاتىستى تاراۋدى تٷيٸندەي كەلە پرەزيدەنت ساياسي سالانى جاڭعىرتۋ جالعاساتىنىن جەنە مەملەكەتتٸك بيلٸكتٸڭ بارلىق دەرلٸك ينستيتۋتتارى رەفورمالاناتىندىعىن تاعى دا باسىپ ايتتى. ال بارلىق رەفورمالاردىڭ نەگٸزگٸ ماقساتى - تۇتاس مەملەكەتتٸڭ تيٸمدٸلٸگٸن ارتتىرۋ», - دەدٸ ەرلان قارين.
