قازاقستاننىڭ قارۋلى كٷشتەرٸندە «قاراتاۋ-2017» ٸرٸ اۋقىمدى جەدەل-ستراتەگييالىق وقۋ-جاتتىعۋى باستالدى.
«قارۋلى كٷشتەردٸڭ 25 جىلدىعىنا – جوعارى جاۋىنگەرلٸك دايىندىق!» ۇرانىمەن اعىمداعى وقۋ جىلى تاكتيكالىق وقۋ-جاتتىعۋلارىنا, ەرتٷرلٸ بٶلٸمدەر مەن بٶلٸمشەلەردٸڭ حالىقارالىق سايىستارىنا جەنە توسىننان جٷرگٸزٸلگەن تەكسەرۋلەر كەزەڭٸنە تولى بولدى.
سونىمەن, جاۋىنگەرلٸك ەزٸرلٸكتٸ ارتتىرۋ بويىنشا ٶتكٸزٸلٸپ جاتقان ٸس-شارالار شەڭبەرٸندە قورعانىس مينيسترٸ گەنەرال-پولكوۆنيك سەكەن جاسۇزاقوۆتىڭ بۇيرىعى بويىنشا قازاقستان رەسپۋبليكاسىنىڭ قارۋلى كٷشتەرٸندە جەدەل-ستراتەگييالىق وقۋ-جاتتىعۋ باستالدى. وعان 10 مىڭعا جۋىق ەسكەري قىزمەتشٸ, 1500 بٸرلٸكتەن اسا جاۋىنگەرلٸك تەحنيكا, 40-تان استام ۇشاق پەن تٸكۇشاق, سونداي-اق ەسكەري-تەڭٸز كٷشتەرٸنٸڭ 5 كورابلٸ قاتىسۋدا. تەحنيكا مەن قارۋ-جاراقتىڭ بٸر ۋاقىتتا شىعۋىمەن مۇنداي اۋقىمدى ٸس-شارالار بيىلعى جىلى العاش رەت ٶتكٸزٸلٸپ وتىر. ٶتكٸزٸلٸپ جاتقان ساباقتاردىڭ باستى ماقساتى ەسكەرلەردٸڭ جاۋىنگەرلٸك ەزٸرلٸگٸن جەنە بەلگٸلەنگەن مەرزٸمدە تاپسىرمالاردى ورىنداۋ قابٸلەتتٸلٸگٸن تەكسەرۋ بولىپ تابىلادى. «قاراتاۋ – 2017» وقۋ-جاتتىعۋىنا جەتەكشٸلٸك ەتۋ قورعانىس مينيسترٸنٸڭ بٸرٸنشٸ ورىنباسارى – قارۋلى كٷشتەر باس شتابىنىڭ باسشىسى گەنەرال-لەيتەنانت مۇرات مايكەەۆكە تاپسىرىلدى.
ەسكەرلەردٸڭ شوعىرلانۋ اۋداندارىنا كەنەتتەن جىلجۋى, جاۋىنگەرلٸك قولدانۋدىڭ بەيتانىس اۋداندارىنا بٸرنەشە جٷزدەگەن شاقىرىمعا مارش جاساۋى, شارتتى داعدارىس اۋدانىندا ەۋە دەسانتىن تٷسٸرۋ قارۋلى كٷشتەر ٶڭٸرلٸك قولباسشىلىقتارىنىڭ ەسكەري پوليگوندارىندا ٶتەتٸن «قاراتاۋ – 2017» جەدەل-ستراتەگييالىق وقۋ-جاتتىعۋىنىڭ نەگٸزگٸ كەزەڭدەرٸ بولىپ تابىلادى. وقۋ-جاتتىعۋدىڭ بارىسى مەن پروتسەسٸن باس شتابتىڭ جەدەل توپتارى باعالايتىن بولادى.
العاشقى كٷندە بارلىق تٷرلەر مەن ەسكەر تەكتەرٸ ەسكەري بٶلٸمدەرٸ مەن قۇرامالارىنىڭ جەكە قۇرامى جاۋىنگەرلٸك ەزٸرلٸكتٸڭ جوعارى دەڭگەيٸنە كەلتٸرٸلدٸ. ەسكەري باسقارۋ ورگاندارى جاۋىنگەرلٸك ەزٸرلٸككە كەلتٸرٸلگەننەن كەيٸن وقۋ-جاۋىنگەرلٸك تاپسىرمالاردى الىپ, بەلگٸلەنگەن اۋدانداردا بٶلٸمشەلەردٸ جەدەل الماستىرۋعا كٸرٸستٸ. اتالعان كەزەڭدە كٷردەلٸ جەدەل-تاكتيكالىق جاعداي قاراستىرىلعان. ول بويىنشا قولباسشىلارعا اناعۇرلىم ماقساتقا ساي شەشٸم قابىلداۋعا, ال بٶلٸمدەر مەن بٶلٸمشەلەرگە ۇرىس الاڭىندا شارتتى قارسىلاسقا شەبەر تٷردە قارسى تۇرۋ قاجەت.
داعدارىس اۋداندارىنا ٸرگەلەس جاتقان اۋماقتاردا ەسكەرلەردٸڭ ٸس-قيمىلدارىن بٸر ۋاقىتتا قامتاماسىز ەتۋ ٷشٸن سانى 200 ادامنان اساتىن تاكتيكالىق ەۋە دەسانتى تٷسٸرٸلدٸ. سەتتٸ تٷسٸرۋدەن كەيٸن دەسانتتىق-شابۋىلداۋ باتالونى الدىڭعى پوزيتسيياعا ورنىعىپ, موتواتقىش جەنە تانك بٶلٸمشەلەرٸن ەرٸ قاراي ٶرٸستەتۋ ٷشٸن جەردٸ باقىلاۋدى جٷزەگە اسىرادى. وقۋ-جاتتىعۋ باستالىسىمەن ەسكەرلەردٸ باسقارۋ دالالىق باسقارۋ پۋنكتتەرٸنەن جٷرگٸزٸلٸپ جاتقانىن ايتا كەتۋ قاجەت. بٷگٸنگٸ تاڭداعى باسقارۋ پۋنكتتەرٸ بارلىق قاجەتتٸ بايلانىس تٷرلەرٸمەن جابدىقتالعان. بٷركەمەلەۋ مەن قورعالۋدىڭ جەتكٸلٸكتٸ دەڭگەيٸنە يە. بۇل ۇزاق ۋاقىت بويى اۆتونومدىق جۇمىستى جٷرگٸزۋگە مٷمكٸندٸك بەرەدٸ.
وقۋ-جاتتىعۋدىڭ جەتەكشٸسٸ گەنەرال-لەيتەنانت مۇرات مايكەەۆ اتاپ ٶتكەندەي, اتالعان وقۋ-جاتتىعۋدىڭ ەرەكشەلٸكتەرٸ 4 باعىتتا, بٸر ۋاقىتتا ەسكەرلەردٸڭ ٸرٸ توپتاماسىن باسقارۋ, قارۋلى كٷشتەردٸڭ بارلىق تٷرلەرٸنٸڭ, ەسكەر تەكتەرٸ, جاۋىنگەرلٸك جەنە ماتەريالدىق-تەحنيكالىق قامتاماسىز ەتۋ بٶلٸمدەرٸنٸڭ ٶزارا ٸس-قيمىلى, سونداي-اق ەسكەري بارلاۋ كٷشتەرٸ مەن قۇرالدارىنىڭ مٷمكٸندٸكتەرٸن تەكسەرۋ بولىپ تابىلادى.
«قاراتاۋ – 2017» جەدەل-ستراتەگييالىق وقۋ-جاتتىعۋى قارۋلى كٷشتەردٸ قولدانۋدا جاڭا كٶزقاراستاردىڭ تيٸمدٸلٸگٸن تٷبەگەيلٸ تەكسەرۋگە, جالپى العاندا, قازاقستان ارميياسى بٶلٸمشەلەرٸنٸڭ جاۋىنگەرلٸك ەزٸرلٸگٸ مەن جاۋىنگەرلٸك قابٸلەتتٸلٸگٸن باعالاۋعا جەنە ۇلتتىق قورعانىستى ەرٸ قاراي جەتٸلدٸرۋ جوسپارلارىن ايقىنداۋعا مٷمكٸندٸك بەرەدٸ.
ەسكەري ۆەدومستۆو باسشىسى بيىلعى جىلى «قارۋلى كٷشتەردٸڭ 25 جىلدىعىنا – جوعارى جاۋىنگەرلٸك دايىندىق!» ۇرانى تولىق كٶلەمدە ورىندالاتىنىنا جەنە وقۋ جىلىن ەسكەرلەر جاۋىنگەرلٸك دايارلىقتىڭ ساپالى جاڭا كٶرسەتكٸشتەرٸمەن اياقتايتىندارىنا سەنٸم بٸلدٸرەدٸ.
نۇرلىبەك دوسىباي
