"Qarataý – 2017" jedel-strategiialyq oqý-jattyǵýy bastaldy

Qazaqstannyń Qarýly Kúshterinde «Qarataý-2017» iri aýqymdy jedel-strategiialyq oqý-jattyǵýy bastaldy.

«Qarýly Kúshterdiń 25 jy­l­dyǵyna – joǵary jaý­­yn­gerlik dai­yndyq!» ura­nymen aǵymdaǵy oqý jy­ly tak­ti­ka­lyq oqý-jat­­­tyǵýlaryna, ár­túrli bólimder men bólim­she­ler­diń halyqara­­­lyq saiys­ta­ryna jáne tosynnan júr­­gi­zil­gen tekserýler ke­ze­ńine to­ly boldy.

Sonymen, jaýyngerlik ázirlikti arttyrý boiynsha ótkizilip jatqan is-sharalar sheńberinde Qorǵanys ministri general-polkovnik Sáken Jasuzaqovtyń buiryǵy boiynsha Qazaqstan Respýblikasynyń Qarýly Kúshterinde jedel-strategiialyq oqý-jattyǵý bas­taldy. Oǵan 10 myńǵa jýyq áskeri qyz­met­shi, 1500 birlikten asa jaýyngerlik tehnika, 40-tan astam ushaq pen tikushaq, sondai-aq Ás­keri-teńiz kúshteriniń 5 korabli qatysýda. Tehnika men qarý-jaraqtyń bir ýaqytta shy­ǵýy­men mundai aýqymdy is-sharalar biylǵy jy­ly alǵash ret ótkizilip otyr.  Ótkizilip jatqan sabaqtardyń basty maq­saty áskerlerdiń jaýyngerlik ázirligin já­ne belgilengen merzimde tapsyrmalardy oryndaý qabi­let­tiligin tekserý bolyp tabylady. «Qarataý – 2017» oqý-jattyǵýyna jetekshilik etý Qor­ǵanys ministriniń birinshi orynbasary – Qa­rýly Kúshter Bas shtabynyń basshysy general-leitenant Murat Maikeevke tapsyryldy.

Áskerlerdiń shoǵyrlaný aýdandaryna kenetten jyljýy, jaýyngerlik qoldanýdyń beitanys aýdandaryna birneshe júzdegen shaqyrymǵa marsh jasaýy, shartty daǵdarys aýdanynda áýe desantyn túsirý Qarýly Kúshter óńirlik qol­basshylyqtarynyń áskeri poligondaryn­da ótetin «Qarataý – 2017» jedel-stra­tegiialyq oqý-jattyǵýynyń negizgi kezeń­de­ri bolyp tabylady. Oqý-jattyǵýdyń barysy men pro­tse­sin Bas shtabtyń jedel toptary baǵa­lai­tyn bo­lady. 

Alǵashqy kúnde barlyq túrler men ásker tekteri áskeri bólimderi men quramalarynyń jeke quramy jaýyngerlik ázirliktiń joǵary deń­geiine keltirildi. Áskeri basqarý organdary jaýyngerlik ázirlikke keltirilgennen keiin oqý-jaýyngerlik tapsyrmalardy alyp, bel­gilengen aýdandarda bólimshelerdi jedel almas­tyrýǵa kiristi. Atalǵan kezeńde kúrdeli je­del-taktikalyq jaǵdai qarastyrylǵan. Ol boi­ynsha qolbasshylarǵa anaǵurlym maq­sat­qa sai sheshim qabyldaýǵa, al bólimder men bó­lim­she­lerge urys alańynda shartty qar­sy­lasqa she­ber túrde qarsy turý qajet. 

Daǵdarys aýdandaryna irgeles jatqan aýmaqtarda áskerlerdiń is-qimyldaryn bir ýaqytta qamtamasyz etý úshin sany 200 adamnan asatyn taktikalyq áýe desanty túsirildi. Sátti túsirýden keiin desanttyq-shabýyldaý batalony aldyńǵy pozitsiiaǵa ornyǵyp, motoatqysh jáne tank bólimshelerin ári qarai óristetý úshin jerdi baqylaýdy júzege asyrady.  Oqý-jattyǵý bastalysymen áskerlerdi bas­qarý dalalyq basqarý pýnktterinen júrgizilip jat­qanyn aita ketý qajet. Búgingi tańdaǵy bas­­qarý pýnktteri barlyq qajetti bailanys túr­lerimen jabdyqtalǵan. Búrkemeleý men qor­ǵalýdyń jetkilikti deńgeiine ie. Bul uzaq ýaqyt boiy avtonomdyq jumysty júrgizýge múmkindik beredi. 

Oqý-jattyǵýdyń jetekshisi general-leitenant Murat Maikeev atap ótkendei, atalǵan oqý-jattyǵýdyń erekshelikteri 4 baǵytta, bir ýa­qytta áskerlerdiń iri toptamasyn basqarý, Qarýly Kúshterdiń barlyq túrleriniń, ásker tekteri, jaýyngerlik jáne materialdyq-teh­ni­ka­lyq qamtamasyz etý bólimderiniń ózara is-qimyly, sondai-aq áskeri barlaý kúshteri men quraldarynyń múmkindikterin tekserý bo­lyp tabylady. 

«Qarataý – 2017» jedel-strategiialyq oqý-jattyǵýy Qarýly Kúshterdi qoldanýda jańa kózqarastardyń tiimdiligin túbegeili tek­serýge, jalpy alǵanda, Qazaqstan armiiasy bólimsheleriniń jaýyngerlik ázirligi men jaý­yn­gerlik qabilettiligin baǵalaýǵa jáne ulttyq qor­ǵanysty ári qarai jetildirý jos­parlaryn ai­qyndaýǵa múmkindik beredi. 

Áskeri vedomstvo basshysy biylǵy jy­ly «Qarýly Kúshterdiń 25 jyldyǵyna – joǵa­ry jaýyngerlik daiyndyq!» urany tolyq kó­lem­de oryndalatynyna jáne oqý jylyn ás­ker­ler jaýyngerlik daiarlyqtyń sapaly jańa kór­setkishterimen aiaqtaityndaryna senim bildiredi. 

Nurlybek Dosybai