ەنەرگەتيكا مينيسترٸ قانات بوزىمباەۆ ەلٸمٸزدٸڭ باستى مۇناي ٶندٸرۋ ورىندارىندا ٶندٸرٸستٸ ۇلعايتۋ ٷشٸن قانداي جۇمىستار اتقارىلعالى جاتقانىن ايتىپ بەردٸ, دەپ حابارلايدى قازاقپارات تٸلشٸسٸ.
«الدىمەن, قۇنى 36,8 ملرد اقش دوللارى تۇراتىن (ونىڭ ٸشٸندە 32 پايىزى, 12 ملرد اقش دوللارى قازاقستاندىق ٷلەسكە تيەسٸلٸ) تەڭٸزدە بٷگٸنگٸ تاڭدا 46 مىڭنان استام قازاقستاندىق جۇمىس ٸستەيدٸ. 400-دەن استام وتاندىق سەرۆيستٸك كومپانييا قۇرىلىس, مەتالقۇرىلىمدارىن شىعارۋ جەنە تاعى دا باسقا جۇمىستارعا تارتىلدى. ال قاشاعاندا تەۋلٸگٸنە 330 مىڭ باررەل كٶلەمٸندە مۇناي تۇراقتى تٷردە ٶندٸرٸلٸپ جاتىر. ٶندٸرٸستٸ ارتتىرۋ جوبالارى بەلسەندٸ تٷردە جالعاسۋدا. سونىمەن بٸرگە, بولاشاقتا قاشاعان جوباسىن كەڭەيتۋ تۇجىرىمداماسى بويىنشا تالداۋ جۇمىستارى باستالدى. الدىن الا بولجام بويىنشا 2024 جىلعا قاراي ٶندٸرٸس كٶلەمٸ تەۋلٸگٸنە 450 مىڭ باررەلگە جەتكٸزٸلمەك», - دەدٸ قانات بوزىمباەۆ وقك-دا ٶتكەن باسپاسٶز مەسليحاتىندا.
مينيستردٸڭ ايتۋىنا قاراعاندا, قاراشىعاناق جوباسى بويىنشا قاراشىعاناق كونسورتسيۋمىنىڭ اكتسيونەرلەرٸ اراسىنداعى داۋ شەشٸلٸپ, تيٸستٸ كەلٸسٸمگە قول قويىلعان.
«1,1 ملرد كٶلەمٸندە (2019-2021 جىلدارى) شىعىندى ٶتەۋدٸ جەنە 2037 جىلعا دەيٸن مۇناي باعاسى باررەلٸنە 60 دوللار بولعان جاعدايدا رەسپۋبليكانىڭ ٷلەسٸن 360 ملن اقش دوللارىنا ۇلعايتۋ تۋرالى نەگٸزگٸ ۋاعدالاستىقتارعا قول جەتكٸزٸلدٸ. سونىمەن قاتار, قاراشىعاناقتا ۇزاق مەرزٸمگە مۇناي ٶندٸرۋدٸڭ جوعارى دەڭگەيٸن ساقتاۋ ٷشٸن جاڭا ۇڭعىمالاردى بۇرعىلاۋ, كەڭەيتۋ جۇمىستارىنا الداعى 5 جىلدا 5 ملرد اقش دوللارى ينۆەستيتسييا باعىتالاتىن بولادى», - دەيدٸ ول.
قانات بوزىمباەۆ اتاپ ٶتكەندەي, 2018 جىلى جەر قويناۋى جەنە جەر قويناۋىن پايدالانۋ تۋرالى كودەكس پەن سالىق كودەكسٸنٸڭ جاڭا نورمالار كٷشٸنە ەنگەن. وسى زاڭنامالىق ٶزگەرٸستەر جەر قويناۋى سالاسىنىڭ, سونىڭ ٸشٸندە تەڭٸز جوبالارىن ينۆەستيتسييالاۋداعى تارتىمدىلىقتى كٷشەيتٸپ وتىر. سوعان بايلانىستى, قازمۇنايگاز بەن ENI كومپانيياسىمەن يساتاي جوباسىن ٸسكە اسىرۋدى باستاپ كەتكەن.
«ENI كومپانيياسىمەن اباي جوباسى جەنە لۋكويل كومپانيياسىمەن كاسپيي تەڭٸزٸنٸڭ قازاقستاندىق سەكتورىنداعى جەڭٸس جوباسىنا قاتىستى كەلٸسٸمدەردٸڭ شارتتارى تالكىلانىپ جاتىر. وسىنداي جوبالاردى جٷزەگە اسىرۋدىڭ ارقاسىندا ينۆەستيتسييالاردى تارتۋعا, ٶندٸرٸس كٶلەمٸن ارتتىرىپ, سالىق تٷسٸمٸن كامتاماسىز ەتۋگە مٷمكٸندٸك زور», - دەدٸ قانات بوزىمباەۆ.
