ٷكٸمەت وتىرىسىندا قر اۋىل شارۋاشىلىعى مينيسترٸ ەربول قاراشٶكەەۆ كٶكتەمگٸ دالا جۇمىستارىنا بيۋدجەتتٸك كرەديتتٸ ۇلعايتۋدى سۇرادى, دەپ حابارلايدى قازاقپارات تٸلشٸسٸ.
«ٶتكەن جىلعى قۇرعاقشىلىق, سونداي-اق قوسالقى بٶلشەكتەر, جانار-جاعارماي, مينەرالدى تىڭايتقىشتار مەن پەستيتسيدتەر باعالارىنىڭ كٷرت ٶسۋٸ الداعى كٶكتەمگٸ ەگٸستٸ ۋاقتىلى دايىنداۋ جەنە ساپالى جٷرگٸزۋ ٷشٸن ەلەۋلٸ قيىندىقتار تۋعىزۋدا. وسىعان بايلانىستى, فەرمەرلەرگە قولداۋ كٶرسەتۋ ماقساتىندا رەسپۋبليكالىق بيۋدجەتتٸ ناقتىلاۋ كەزٸندە كٶكتەمگٸ دالا جۇمىستارىنا بيۋدجەتتٸك كرەديتتٸ ۇلعايتۋ مٷمكٸندٸگٸن قاراستىرۋدى سۇرايمىز», - دەدٸ ەربول قاراشٶكەەۆ.
ونىڭ دەرەگٸنشە, اۋىل شارۋاشىلىعى تاۋارىن ٶندٸرۋشٸلەردٸ كٶكتەمگٸ دالا جۇمىستارىن جٷرگٸزۋگە نارىقتىق باعادان 15 پايىزعا تٶمەن باعامەن كەمٸندە 380 مىڭ توننا ارزانداتىلعان ديزەل وتىنىمەن قامتاماسىز ەتۋ مەسەلەلەرٸ شەشٸلۋدە. وتاندىق مينەرالدى تىڭايتقىش ٶندٸرۋشٸلەرمەن اۋىل شارۋاشىلىعى ەڭبەككەرلەرٸنٸڭ قاجەتتٸلٸكتەرٸن تولىق قامتاماسىز ەتۋ تۋرالى ۋاعدالاستىققا قول جەتكٸزٸلدٸ. تۇقىم, تىڭايتقىش پەن پەستيتسيد ساتىپ الۋدى سۋبسيدييالاۋعا 2022 جىلى 70 ملرد تەڭگە كٶزدەلدٸ.
«وبلىستاردىڭ دەرەكتەرٸ بويىنشا 2022 جىلى اۋىل شارۋاشىلىعى داقىلدارىن 22,9 ملن گەكتار الاڭعا ەگۋ جوسپارلانۋدا. بۇل 2021 جىلعى دەڭگەيدەن 13,5 مىڭ گەكتارعا كٶپ. وبلىس ەكٸمدٸكتەرٸ اگروتەحنولوگييالاردى ساقتاۋ, ىلعال رەسۋرستارىن ٷنەمدەۋ تەحنولوگييالارىن قولدانۋ ٶلشەمشارتتارىن مٸندەتتٸ تٷردە ساقتاي وتىرىپ, ولاردى كەڭٸنەن قولدانۋ ارقىلى قولدا بار ىلعال قورلارىن ساقتاۋ, ۇقىپتى پايدالانۋ شارالارىن قابىلداۋى قاجەت. جالپى كٶكتەمگٸ دالا جۇمىستارىنا دايىندىق جوسپارلى رەجيمدە جٷرٸپ جاتىر», - دەدٸ مينيستر.
