ۇلتتىق بانكتٸڭ اقشا-كرەديت ساياساتى دەپارتامەنتٸنٸڭ ديرەكتورى جاندوس شايماردانوۆ قاراشا ايىنداعى ٸسكەرلٸك بەلسەندٸلٸك يندەكسٸ تۋرالى ايتىپ بەردٸ, دەپ حابارلايدى "ۇلت اقپارات".
ٸسكەرلٸك بەلسەندٸلٸك يندەكسٸ قاراشا ايىندا بٸرشاما ٶسٸپ, 48,8-دەن 49,4 كٶتەرٸلٸپ, 0,6 تارماققا جاقسارا تٷستٸ.
«يندەكستٸڭ ٶسۋٸنە قۇرىلىس سالاسىنداعى جاعدايدىڭ جاقسارعانى ەسەر ەتتٸ دەسە دە بولادى. ايتالىق, وسى جىلدىڭ اقپان ايىنان بەرٸ, ياعني بۇل سالا العاش رەت قازانداعى 47,6-دان 52,5-كە كٶتەرٸلدٸ. دەگەنمەن ٶنەركەسٸپ پەن قىزمەت كٶرسەتۋ سالالارىندا, سەيكەسٸنشە, جاعداي سول كٷيٸ – 49,6 جەنە 48,7. ايماقتار اراسىندا قاراشا ايىندا ٸسكەرلٸك بەلسەندٸلٸك سولتٷستٸك قازاقستاندا, تٷركٸستان وبلىسى مەن شىمكەنت قالاسىندا ەلدەقايدا جاقسارعان. ال, كەرٸسٸنشە, يندەكس باتىس-قازاقستان وبلىسىندا بٸرشاما تٶمەندەپ وتىر», – دەدٸ جاندوس شايماردانوۆ.
ونىڭ ايتۋىنشا, بيزنەس يندەكسٸنٸڭ كٶرسەتكٸشٸ قاراشادا 1,3 بولدى (وسى جىلدىڭ قازان ايىندا - 0,0 ەدٸ), بۇل – ٶز كەزەگٸندە بيزنەس جٷرگٸزۋگە جاقسى جاعداي جاسالعانىن كٶرسەتەدٸ. ياعني, كەسٸپورىندار قازٸرگٸ بيزنەسپەن بايلانىستى جاعدايعا جاقسى باعا بەرٸپ وتىر. رەسپوندەنتتەر بيزنەس جٷرگٸزۋدەگٸ جاعدايدىڭ جەلتوقسان ايىندا دا جاقسارا تٷسەتٸنٸنە كەمٸل سەنەدٸ. وعان بەرٸلگەن بولجامدى باعا – 4,3.
ٸسكەرلٸك بەلسەندٸلٸك يندەكسٸ كەسٸپورىندار اراسىندا جٷرگٸزٸلگەن ساۋالناماعا نەگٸزدەلٸپ جاسالادى. ولاردىڭ قازٸرگٸ كٶرسەتكٸشتەرٸ, كەلەشەكتەگٸ ٶزگەرٸستەرگە دەگەن بولجامدارى – بەرٸ ەسكەرٸلەدٸ. قاراشا ايىندا مۇنداي ساۋالناماعا 451 كەسٸپورىن قاتىستى: قۇرىلىس – 64, ٶنەركەسٸپ – 169, قىزمەت كٶرسەتۋ سالاسى – 218.
