فوتو: inform.kz
قاراشا ايىندا ەكٸنشٸ دەڭگەيلٸ بانكتەر مەن بانكتٸك ەمەس جەكەلەگەن ايىرباستاۋ پۋنكتەرٸندە جالپى سالماعى 81,6 كەلٸگە تەڭ 2 516 التىن قۇيما ساتىلدى, دەپ حابارلايدى "ۇلت اقپارات" ۇب باسپاسٶز قىزمەتٸنە سٸلتەمە جاساپ.
ۇلتتىق بانك ازاماتتارعا تازارتىلعان التىن قۇيمالاردى ساتۋ جەنە ساتىپ الۋ باعدارلاماسىن 2017 جىلى ٸسكە قوسقان بولاتىن. باعدارلاما قولعا الىنعالى جالپى سالماعى 3,76 تونناعا جۋىق 110 591 التىن قۇيما ساتىلعان.
قۇيمالار بەس تٷرلٸ سالماقتا ۇسىنىلادى: 5, 10, 20, 50 جەنە 100 گ. ساتىپ الۋشىلار اراسىندا ٶتە جوعارى سۇرانىسقا يە تٷرٸ – 10 گرامدىق التىن قۇيما. جالپى ساتىلعان قۇيمالار اراسىندا ونىڭ ٷلەسٸ 26% – 28 389 دانا. ودان كەيٸن 5 گرامدىق التىن قۇيما – 24 082 دانا (22%) جەنە 20 گرامدىق قۇيما - 22 721 دانا (20%), 100 گرامدىق قۇيما – 22 573 دانا (20%), ال 50 گراممدىق قۇيمادان – 12 826 دانا (12%). التىن قۇيمالار الماتى, استانا جەنە اتىراۋ قالالارىندا كٶپ ساتىلادى.
"التىن قۇيمالار سەنٸمدٸ ينۆەستيتسييا قۇرالى بولا الادى. التىن قۇيمالار نارىعىنداعى ٶتٸمدٸلٸكتٸڭ باستى كەپٸلٸ – بانك پەن بانكتٸك ەمەس ايىرباستاۋ پۋنكتەرٸ كليەنتكە اقشانى سول كٷنٸ تٶلەي وتىرىپ, التىن قۇيمالاردى كەرٸ ساتىپ الا الادى.
باعدارلاما باستالعالى بەرٸ ەكٸنشٸ دەڭگەيلٸ بانكتەر مەن جەكەلەگەن بانكتٸك ەمەس پۋنكتەر جالپى سالماعى 453 كەلٸ 17 999 التىن قۇيمانى كەرٸ ساتىپ العان, بۇل – جالپى ساتىلعان التىن قۇيمالاردىڭ 16,3%-ى. ولار كەرٸ ساتىپ العان التىن قۇيمالاردىڭ بارلىعى دەرلٸك ۇلتتىق بانكتٸڭ فيليالدارى ارقىلى حالىققا ساتىلادى.
ەربٸر قۇيما قورعاۋ ەلەمەنتتەرٸمەن قاپتالعان (قۇيمانىڭ اينا بەتٸ, ميكروتەكست جەنە جيەگٸ بار) جەنە ارنايى قوراپقا سالىنىپ شىعادى, سول ارقىلى قۇيمانىڭ اشىلعان-اشىلماعانىن وڭاي تەكسەرۋگە بولادى. قورعاپ تۇراتىن قوراپ, سونداي-اق ساپا سەرتيفيكاتى بولىپ سانالادى.
قازٸر التىن قۇيمالاردى بٸرقاتار ەكٸنشٸ دەڭگەيلٸ بانكتەر مەن جەكەلەگەن بانكتٸك ەمەس پۋنكتەردەن ساتىپ الىپ, كەرٸ ساتۋعا بولادى" - دەلٸنگەن حابارلامادا.
