قر يندۋسترييا جەنە ينفراقۇرىلىمدىق دامۋ مينيسترلٸگٸ كارانتينگە جابىلعان ٶڭٸرلەردەگٸ حالىقتىڭ جەكەلەگەن ساناتتارىنىڭ كوممۋنالدىق شىعىنى ٷشٸن 15 مىڭ تەڭگەدەن اۋدارىلاتىنىن مەلٸم ەتتٸ, دەپ حابارلايدى "ۇلت اقپارات".
«پرەزيدەنت تٶتەنشە جاعداي مەن كارانتين ۋاقىتىندا تۇرعىنداردىڭ كوممۋنالدىق قىزمەتكە تٶلەيتٸن اقىسىنىڭ مٶلشەرٸن ازايتۋ بويىنشا جٷيەلٸ شارالاردى ەزٸرلەۋدٸ تاپسىردى. ونى ورىنداۋ اياسىندا قر يندۋسترييا جەنە ينفراقۇرىلىمدىق دامۋ مينيسترلٸگٸ كوممۋنالدىق قىزمەتتٸ جەتكٸزۋشٸلەرمەن كەلٸسٸمشارتى بار تۇتىنۋشىلار ٷشٸن كوممۋنالدىق قىزمەتتٸ تٶلەۋدٸ قاراستىراتىن تەتٸك ەزٸرلەدٸ», - دەدٸ مينيسترلٸكتەن.
ناقتىراق ايتقاندا, كارانتين ەنگٸزٸلگەن ٶڭٸرلەردە ەكٸمدٸكتەر تۇتىنۋشىلاردىڭ دەربەس (ابونەنتتٸك) شوتتارىنا 2 اي بويى 15 مىڭ تەڭگەدەن اۋدارىپ وتىرادى. مەملەكەتتٸك ورگانداردىڭ ۇسىنىسى نەگٸزٸندە تٶلەم الۋشىلاردىڭ كەلەسٸ ساناتتارى ايقىندالعان. ولار:
- 1, 2, 3 توپ مٷگەدەكتەرٸ;
- مٷگەدەك بالالاردى تەربيەلەپ وتىرعان وتباسىلار;
- كٶپبالالى وتباسىلار;
- ۇوس مٷگەدەكتەرٸ مەن قاتىسۋشىلارى, ۇوس مٷگەدەكتەرٸ مەن قاتىسۋشىلارىنا تەڭەستٸرٸلگەن تۇلعالار;
- مەملەكەتتٸك نەمەسە قوعامدىق مٸندەتتەرٸن, ەسكەري قىزمەتٸن ورىنداۋ بارىسىندا, عارىش كەڭٸستٸگٸنە ۇشۋعا دايىندىق بارىسىندا نەمەسە ۇشۋ كەزٸندە, ادام ٶمٸرٸن قۇتقارۋ جەنە قۇقىق تەرتٸبٸن ساقتاۋ كەزٸندە قازا تاپقان تۇلعالاردىڭ وتباسىلارى;
- تٶمەن جەنە ودان از زەينەتاقى الاتىن زەينەتكەرلەر;
- اتاۋلى ەلەۋمەتتٸك كٶمەك الاتىن ازاماتتار, ونىڭ ٸشٸندە جالعىزباستى زەينەتكەرلەر.
«تٶلەمدٸ الۋ ٷشٸن تۇتىنۋشى اقپاراتتىق جٷيەلەر نەمەسە call-ورتالىق ارقىلى جەكە سەيكەستٸندٸرۋ نٶمٸرٸن, ەلەۋمەتتٸك دەرەجەسٸن جەنە دەربەس شوت دەرەكتەرٸن كٶرسەتە وتىرىپ, ەكٸمدٸككە ٶتٸنٸم بەرۋٸ كەرەك. ەكٸمدٸك ۇسىنىلعان دەرەكتەردٸ تەكسەرٸپ, مەلٸمەتتەر راس بولعان جاعدايدا كوممۋنالدىق قىزمەتتەر تۇتىنۋشىسىنىڭ دەربەس (ابونەنتتٸك) شوتىنا قارجى اۋدارادى», - دەلٸنگەن حابارلامادا.
يندۋسترييا جەنە ينفراقۇرىلىمدىق دامۋ مينيسترلٸگٸ ەكٸمدٸكتەر تۇتىنۋشىلاردان ٶتٸنٸمدەردٸ قابىلداپ, ولاردىڭ راستىعىن تەكسەرۋدٸ دۇرىستاپ ۇيىمداستىرۋى كەرەكتٸگٸن ەسكە سالىپ وتىر.
