نۇر-سۇلتان مەن الماتىعا جاياۋ كٸرۋگە دە جول بەرمەۋ كەرەك. بۇل تۋرالى اقوردادا تٶتەنشە جاعداي جٶنٸندەگٸ مەملەكەتتٸك كوميسسييانىڭ وتىرىسىن ٶتكٸزگەن قر پرەزيدەنتٸ قاسىم-جومارت توقاەۆ ايتتى, دەپ حابارلايدى "ۇلت اقپارات".
«قازٸرگٸ ۋاقىتتا ەلەمدە اۋرۋدىڭ جاڭا جاعدايلارىنىڭ ەڭ كٶپ سانى قاتاڭ كارانتين شارالارىن تىم كەش ەنگٸزگەن ەلدەردە تٸركەلٸپ جاتىر. ينفەكتسييانىڭ سەل سيياقتى تارالۋىنىڭ الدىن الۋ ٷشٸن وقشاۋلاۋ شارالارىن كٷشەيتۋ قاجەت. ٶزگە ەلدەردٸڭ وڭ جەنە تەرٸس تەجٸريبەلەرٸنە قاتىستى ٷنەمٸ تٷسٸپ جاتقان اقپاراتتاردى ەسكەرە وتىرىپ, مەديتسينالىق جٷيەمٸزدٸ جاعدايدىڭ ودان ارى ٶربۋٸنٸڭ كەز كەلگەن نۇسقاسىنا دايىندىق جالعاستىرۋ قاجەت. كٶڭٸلدٸ جايلاندىرىپ, قولدان كەلگەننٸڭ بارلىعىن جاسادىق دەۋگە بولمايدى. ەلوردا مەن الماتىدا كارانتيندٸك اۋماقتى تولىقتاي قورشاۋدى قامتاماسىز ەتۋ, قالاعا جاياۋ كٸرۋ مٷمكٸندٸكتەرٸنٸڭ جولىن كەسۋ ماڭىزدى. تاياۋ ۋاقىتتا ٶزگە دە ٸرٸ ەلدٸ مەكەندەردٸ جابۋ قاجەتتٸگٸن ايقىنداۋ كەرەك», - دەدٸ مەملەكەت باسشىسى.
قازاقستان پرەزيدەنتٸ كارانتينگە جاتقىزىلعان ادامدارعا قويىلاتىن تالاپتاردى بۇزعاندارعا جازانى كٷشەيتۋ قاجەتتٸگٸ تۋىنداپ وتىرعاندىعىن دا باسا ايتتى.
«ازاماتتاردىڭ قاۋٸپسٸزدٸگٸن قامتاماسىز ەتۋ ٷشٸن مەنٸڭ جارلىعىممەن ادامدار جاپپاي جينالاتىن نىسانداردىڭ جۇمىسى شەكتەلٸپ, تٷرلٸ شارالار ٶتكٸزۋگە تىيىم سالىندى. دەگەنمەن, شەكتەۋدٸڭ جيٸ بۇزىلاتىندىعىن دا كٶرٸپ وتىرمىن. وسى جىلدىڭ 16 ناۋرىزىنان بەرٸ اقمولا, اتىراۋ, شىعىس قازاقستان, قاراعاندى, قوستاناي, پاۆلودار, سولتٷستٸك قازاقستان جەنە تٷركٸستان وبلىستارىن قوسا العاندا تٶتەنشە جاعداي رەجٸمٸن بۇزۋدىڭ 18 فاكتٸسٸ ورىن الدى. كٸنەلٸ تۇلعالار ەسكەرتۋ نەمەسە ايىپپۇل تٷرٸندەگٸ ەكٸمشٸلٸك جاۋاپكەرشٸلٸككە تارتىلدى. بارىنشا قاتاڭ سانتسييالارعا كٶشەتٸن كەز كەلدٸ. سونىمەن قاتار مۇنداي فاكتٸلەردٸ الدىن الۋ ماقساتىندا باق-تا كەڭٸنەن جارييالاۋ قاجەت», - دەدٸ قاسىم-جومارت توقاەۆ.
