«اتامەكەن» ۇلتتىق كەسٸپكەرلەر پالاتاسىنىڭ باسقارما تٶراعاسى ابىلاي مىرزاحمەتوۆ تٶتەنشە جاعداي كەزٸندە كەسٸپكەرلەردٸڭ قانداي قيىندىقتارعا ۇشىراعانىن ايتىپ بەردٸ, دەپ حابارلايدى قازاقپارات.
«بٸز باستاپقىدان بيزنەستٸڭ پۋلسٸن سەزٸنۋ ٷشٸن انكەتا جاساۋ تەسٸلٸن ەنگٸزدٸك. بٷگٸنگٸ كٷنگە دەيٸن 40 مىڭ ادام جٷگٸندٸ. ەلٸمٸزدە 1,6 ملن ادامنىڭ بيزنەسٸ قىزمەت كٶرسەتۋ, تۋريزم, مەيرامحانالار مەن دەمحانالار جەلٸسٸمەن بايلانىستى. ەلٸمٸزدە 856 مىڭ جەكە كەسٸپكەر بار. ميلليونعا جۋىق ميكروبيزنەس ٶكٸلدەرٸ, 1168 ٸرٸ بيزنەس سۋبەكتٸلەرٸ بار. بەس مىڭنان استام ورتا بيزنەس, ەكٸ مىڭنان استام شاعىن بيزنەس بار. ياعني, جالپى ەسەپپەن بٸر ميلليون سۋبەكت كارانتين سالدارىنان زارداپ شەكتٸ», - دەدٸ ا. مىرزاحمەتوۆ ونلاين سۇحبات بارىسىندا.
ٶتٸنٸمدەردٸڭ 85 پايىزى تابىسىنان ايىرىلعان شاعىن جەنە ورتا بيزنەس ٶكٸلدەرٸنەن تٷسكەن.
«ميكروبيزنەستٸڭ 50 پايىزى قىزمەتكەرلەرٸن دەمالىسقا جٸبەرۋگە مەجبٷر بولعانىن جازدى. 20 پايىزىنىڭ جوسپارى بۇزىلىپ, جۇمىسشىلارىن قىسقارتۋعا جٸبەرەدٸ. ميكروبيزنەس جالداۋ قۇنىن تٶلەۋ, سالىق, نەسيە مەسەلەلەرٸن كٶتەردٸ. بانك جٷيەسٸندە 20 مىڭ زاڭدى تۇلعانىڭ نەسيەسٸ بار. 14-15 مىڭعا جۋىق كەسٸپكەر نەسيەنٸ كەيٸنگە قالدىرۋعا ٶتٸنٸم بەرٸپ, 86 پايىزىنىڭ ٶتٸنٸشٸ ماقۇلداندى. العاشقى اپتالاردا تٷسٸنٸستٸك تانىتپادى دەگەن شاعىمدار بولدى. بٸراق, كەيٸنٸرەك بەرٸ جولعا قويىلدى. مۇنداعى باستى مەسەلە - سۇرانىس داعدارىسى. بۇل بارلىق بيزنەسكە قاتىستى. سۇرانىستىڭ قانشالىقتى تٶمەندەگەنٸن باعالاۋ ٶتە ماڭىزدى بولىپ وتىر», - دەدٸ سپيكەر.
ونىڭ ايتۋىنشا, مەملەكەت تاراپىنان ٶتە جىلدام كٶمەك كٶرسەتٸلدٸ.
«مەملەكەت قولداۋ كٶرسەتۋ بويىنشا بٸردەن ٸسكە كٸرٸستٸ. ەكونوميكاعا بٸراز كەدەرگٸ بولسا دا, ٸندەتتٸڭ الدىن الۋدا شاپشاڭ قيمىلدادى. مۇنىڭ بارلىعى اقتالدى, ٶيتكەنٸ حالىقتىڭ قاۋٸپسٸزدٸگٸ بەرٸنەن ماڭىزدى. سالىق بويىنشا جەڭٸلدٸكتەر بٸردەن قاراستىرىلدى. شاعىن جەنە ورتا بيزنەستٸڭ ارتىق قاراجاتى جوق ەدٸ. ەرينە, ەڭ الدىمەن سولارعا كٶمەك قاجەت بولدى», - دەدٸ ا. مىرزاحمەتوۆ.
