قر ٸشكٸ ٸستەر مينيسترٸ ەرلان تۇرعىمباەۆ نۇر-سۇلتان مەن الماتى قالالارىنا كٸرٸپ-شىعۋ تەرتٸبٸن تٷسٸندٸردٸ, دەپ حابارلايدى "ۇلت اقپارات".
«دەنساۋلىق ساقتاۋ ورگاندارى مەن قورعانىس مينيسترلٸگٸ بلوكپوستتار ارقىلى نۇر-سۇلتان مەن الماتى قالالارىنىڭ پەريمەترٸ بويىنشا كٶلٸك قۇرالدارىنىڭ كٸرۋٸ مەن شىعۋىن جەنە ازاماتتاردىڭ قوزعالىسىن شەكتەيدٸ. قالاعا نۇر-سۇلتان مەن الماتىدا تيٸستٸ تٸركەۋدە تۇرعان ادامدار جەنە قالالاردىڭ ٶمٸرلٸك قىزمەتتەرٸن قامتاماسىز ەتۋگە قاجەت ادامدار عانا كٸرەدٸ. تٸزٸمدٸ ەكٸمدٸكتەر انىقتايدى», - دەدٸ مينيستر «حابار 24» تەلەارناسىنداعى ٷندەۋدە.
ونىڭ ايتۋىنشا, بۇل تىيىم تۇتىنۋ تاۋارلارىن جەتكٸزەتٸن كٶلٸكتەرگە جٷرمەيدٸ.
سونداي-اق, مينيستر جالعان اقپارات تاراتقاندارعا جاۋاپكەرشٸلٸك جٷكتەلەتٸنٸن ەسكەرتتٸ جەنە ازاماتتاردان كارانتين كەزٸندە تٷسٸنٸستٸك تانىتۋعا شاقىردى.
ەسكە سالساق, 19 ناۋرىزدان باستاپ نۇر-سۇلتان جەنە الماتى قالالارىندا كارانتين رەجيمٸ ەنگٸزٸلەدٸ.
سونداي-اق قر پرەمەر-مينيسترٸ باسپاسٶز قىزمەتٸنٸڭ اقپاراتىنا سەيكەس, 19 ناۋرىز كٷنٸ ساعات 00.00-دەن باستاپ ەنگٸزٸلەتٸن نۇر-سۇلتان جەنە الماتى قالالارىنىڭ اۋماعىنا ادامداردىڭ كٸرۋٸن/شىعۋىن شەكتەۋ كەلەسٸ ساناتتاعى تۇلعالار ٷشٸن قولدانىلمايدى:
- بۇعان دەيٸن قالادان شىعىپ كەتكەن نۇر-سۇلتان جەنە الماتى قالالارىنىڭ تۇرعىندارى قالاعا ورالعان جاعدايدا;
- بۇعان دەيٸن قالاعا كٸرگەن باسقا ٶڭٸرلەردٸڭ تۇرعىندارى قالادان شىعاتىن بولسا;
- بۇعان دەيٸن شەتەلدەرگە شىعىپ كەتكەن قر ازاماتتارى (ولار قازاقستان رەسپۋبليكاسىنا ورالعان جاعدايدا);
- بۇعان دەيٸن ەلدەن شىعۋ ٷشٸن قر اۋماعىنا كٸرگەن جەنە ەلدەن شىعىپ كەتۋ ماقساتىندا ەۋە كٶلٸگٸمەن شىعاتىن شەتەلدٸكتەرگە;
- شەتەلدٸكتەر (ازاماتتىعى جوق تۇلعالار), قازاقستان رەسپۋبليكاسىندا تۇرۋعا ىقتييارحاتى بار تۇلعالارعا;
- بۇعان دەيٸن شەتەل مەملەكەتٸنٸڭ اۋماعىنا شىعىپ كەتكەن قر ازاماتتارى قازاقستان رەسپۋبليكاسىنا ورالعان جاعدايدا;
- ەمدەلۋ ٷشٸن شەتەلگە شىعاتىن قر ازاماتتارىنا, ولاردىڭ دەنساۋلىق ساقتاۋ مەكەمەلەرٸنٸڭ راستاۋشى قۇجاتتارى بولعان جاعدايدا;
- ەلدٸڭ جەنە شەتەل مەملەكەتتەرٸنٸڭ ديپلوماتييالىق قىزمەتٸنٸڭ پەرسونالى جەنە ولاردىڭ وتباسى مٷشەلەرٸنە, سونداي-اق قازاقستانعا قر سىرتقى ٸستەر مينيسترلٸگٸنٸڭ شاقىرۋى بويىنشا باعىت العان شەتەل مەملەكەتتەرٸنٸڭ جەنە حالىقارالىق ۇيىمداردىڭ دەلەگاتسييا مٷشەلەرٸنە;
- پويىز جەنە لوكوماتيۆ بريگادالارىنىڭ مٷشەلەرٸنە, سونداي-اق تەمٸرجول تاسىمالى پروتسەسٸنە قاتىساتىن تۇلعالارعا, ەۋە, تەڭٸز كٶلٸكتەرٸنٸڭ ەكيپاجىنا, حالىقارالىق جٷك تاسىمالىن جٷزەگە اسىراتىن جٷك اۆتوكٶلٸگٸ قۇرالدارىنىڭ جٷرگٸزۋشٸلەرٸنە;
- قازاقستان رەسپۋبليكاسى ازاماتتارىنىڭ وتباسى مٷشەلەرٸ بولىپ سانالاتىن شەتەلدٸكتەرگە (تۋىستىق بايلانىس فاكتٸسٸ - ەرٸ (زايىبى), ولاردىڭ اتا-انالارى مەن بالالارى ەكەنٸ راستالعان جاعدايدا);
- نۇر-سۇلتان جەنە الماتى قالالارىندا جۇمىس ٸستەيتٸن, قالاماڭى اۋماقتارىندا تۇراتىن تۇرعىندارعا;
- ەۋە جەنە تەمٸرجول ترانزيتٸ قاتىناسىمەن جٷرگەن قازاقستان رەسپۋبليكاسىنىڭ ازاماتتارىنا;
- باسقا دا ەرەكشە جاعدايلاردا, مۇنداي جاعدايلار COVID-19-بەن كٷرەسۋ جٶنٸندەگٸ قالالىق شتابتاردا دەربەس تەرتٸپتە قارالادى.
