مەدەنيەت جەنە سپورت مينيسترٸ اقتوتى رايىمقۇلوۆا قازاقستان اۋماعىنان تىس سپورتتىق سايىستارعا قاتىسۋ ٷشٸن قاي سپورتشىلارعا شەتەلگە شىعۋعا رۇقسات بەرٸلەتٸنٸن ايتىپ بەردٸ, دەپ حابارلايدى "ۇلت اقپارات".
«ۆەدومستۆوارالىق كوميسسييانىڭ 13 قازانداعى حاتتامالىق شەشٸمٸ نەگٸزٸندە «استانا» پرەزيدەنتتٸك باسكەتبول كلۋبىنىڭ مٷشەلەرٸنە ۆتب بٸرٸككەن ليگاسىنىڭ چەمپيوناتىنا قاتىسۋ ٷشٸن ەلدەن شىعىپ, قايتا ورالۋعا رۇقسات ەتٸلەدٸ. بۇل شەشٸم ۆتب بٸرٸككەن ليگاسىنىڭ چەمپيونات ماتچتارى كەزٸندە سانيتارلىق-ەپيدەميولوگييالىق ٸس-شارالاردى ٶتكٸزۋ تەرتٸبٸن ەزٸرلەگەنٸن ەسكەرە وتىرىپ قابىلداندى», - دەدٸ اقتوتى رايىمقۇلوۆا وكق-دا ٶتكەن بريفينگتە.
ونىڭ ايتۋىنشا, مۇنداي سپورتتىق ٸس-شارالاردان باس تارتقان جاعدايدا كوماندانى چەمپيوناتقا قاتىسۋشىلار قاتارىنان شىعارىپ جٸبەرۋٸ مٷمكٸن.
«قازاقستاننىڭ فۋتبولدان ۇلتتىق قۇراماسى تۋرالى: قازٸرگٸ ۋاقىتتا ۋەفا-دا قازاقستاننىڭ ٷش ۇلتتىق قۇراماسى وينايدى. ولار: قازاقستاننىڭ ۇلتتىق قۇراماسى, 21 جاسقا دەيٸنگٸ جاستار قۇراماسى جەنە قازاقستاننىڭ ەيەلدەر قۇراماسى. بٷگٸنگٸ تاڭدا اتالعان كوماندالاردىڭ ماتچتارعا قاتىسۋ كەستەسٸ جاسالدى. سونداي-اق, ۋەفا تالاپتارىنا سەيكەس, قازاقستان قۇراماسى بٸرقاتار جولداستىق كەزدەسۋلەر ٶتكٸزۋٸ كەرەك, ەيتپەسە رەگلامەنتكە سەيكەس ايتارلىقتاي شەكتەۋگە ۇشىرايدى. ۆەدومستۆوارالىق كوميسسييا حاتتاماسىنىڭ 20 شٸلدەدەگٸ شەشٸمٸنە سەيكەس, 2020 جىلعى قىركٷيەكتەن جەلتوقسانعا دەيٸن ۋەفا ۇلتتار ليگاسىنىڭ ماتچتارىنا قاتىسۋ ٷشٸن ۇلتتىق, جاستار جەنە ەيەلدەر قۇراماسىنا ۋەفا-نىڭ ۇلتتىق ليگاسىندا جەنە جاستار اراسىنداعى ەۋروپا چەمپيوناتىنا قاتىسۋ ماقساتىندا ەلدەن كٸرٸپ, شىعۋعا رۇقسات ەتٸلگەن», - دەدٸ مينيستر.
اقتوتى رايىمقۇلوۆا بۇل رەتتە سپورتشىلاردىڭ دەنساۋلىعىنا باسا مەن بەرٸلەتٸنٸن جەتكٸزدٸ.
«بارلىق تۋرنيرلەر كٶرەرمەندەردٸڭ قاتىسۋىنسىز ٶتەدٸ, تەك سپورتشىلار وينايدى. بۇل - بٷكٸل ەلەمدەگٸ تەجٸريبە. ٶزدەرٸڭٸز بٸلەتٸندەي, وليمپيادا ويىندارىن, ەلەم چەمپيوناتتارى مەن ەۋروپا چەمپيوناتتارىن بٸر جىلدان از ۋاقىتتىڭ ٸشٸندە ٶتكٸزۋ جوسپارلانعان. بٸزدٸڭ سپورتشىلاردىڭ ول سايىستارعا قاتىسۋى, ولاردىڭ سپورتتىق فورمادا بولۋى اسا قاجەت. سوندىقتان بارلىق تەۋەكەلدەردٸ ەسكەرە وتىرىپ, قاجەتتٸ شارالاردى نورمالارعا سەيكەس جٷزەگە اسىرىپ, قر ۆەدومستۆوارالىق كوميسسييا وسى ٸس-شارالارعا قاتىسۋعا مٷمكٸندٸك بەردٸ. بٸز ٶزٸمٸز بارلىق نورمالاردىڭ ساقتالۋىن قاداعالايمىز», - دەدٸ ول.
