مەملەكەتتٸك قىزمەت ٸستەرٸ اگەنتتٸگٸ باقىلاۋ دەپارتامەنتٸنٸڭ ديرەكتورى ەرلان ساپاروۆ قاراماعىنداعى قىزمەتكەردٸڭ سىبايلاس جەمقورلىققا ۇرىنعانى ٷشٸن نەشە شەنەۋنٸك جازالانعانىن ايتتى, دەپ حابارلايدى قازاقپارات.
دەپارتامەنت باسشىسى مەملەكەتتٸك ورگان باسشىلارى سىبايلاس جەمقورلىققا ۇرىنعانى قول استىنداعى قىزمەتكەر ٷشٸن جاۋاپكەرشٸلٸك ارقالايتىن زاڭنامالىق تالاپ 2019 جىلعى 10 جەلتوقساننان باستاپ قولدانىسقا ەنگٸزٸلگەنٸن اتاپ ٶتتٸ.
سودان بەرٸ قاراماعىنداعىلاردىڭ سىبايلاس جەمقورلىققا ۇرىنعانى ٷشٸن 264 مەملەكەتتٸك قىزمەتشٸ جازالانعان.
«بيىل 9 ايدا قاراماعىنداعى قىزمەتكەرلەردٸڭ سىبايلاس جەمقورلىعى ٷشٸن توعىز ساياسي مەملەكەتتٸك قىزمەتشٸ وتستاۆكا تۋرالى ٶتٸنٸش تٷسٸردٸ. ٷش جاعدايدا وتستاۆكا قابىلدانىپ, التى جاعدايدا قابىلدانبادى. بۇل التى جاعدايدىڭ بەسەۋٸندە ساياسي مەملەكەتتٸك قىزمەتكەرلەر ەرتٷرلٸ تەرتٸپتٸك جاۋاپكەرشٸلٸككە تارتىلدى», - دەدٸ ەرلان ساپاروۆ ورتالىق كوممۋنيكاتسييالار قىزمەتٸندە ٶتكەن بريفينگٸندە.
اتالمىش شارادا مەمقىزمەتشٸلەرگە جۇمىستان تىس ۋاقىتتا قوسىمشا تابىس تابۋعا رۇقسات بەرٸلۋ مٷمكٸن ەكەنٸ ايتىلعان بولاتىن.
«بٷگٸنگٸ كٷنٸ زاڭنامادا مەملەكەتٸك قىزمەتشٸگە قوسىمشا جۇمىسپەن اينالىسۋعا رۇقسات بەرەتٸن نورما جوق. بٸراق بٸز بولاشاقتا زاڭعا ەنگٸزۋدٸ ويلاستىرىپ جاتىرمىز. ياعني جۇمىستان بوس كەزٸندە قوسىمشا جۇمىسپەن اينالىسۋعا بولادى دەپ كٸرگٸزەمٸز. دەل قازٸر زاڭنامادا بۇل جوق. بٸراق بٸز دايىنداپ جاتىرمىز», - دەدٸ قر مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى انار جايىلعانوۆا.
