Memlekettik qyzmet isteri agenttigi baqylaý departamentiniń direktory Erlan Saparov qaramaǵyndaǵy qyzmetkerdiń sybailas jemqorlyqqa urynǵany úshin neshe sheneýnik jazalanǵanyn aitty, dep habarlaidy QazAqparat.
Departament basshysy memlekettik organ basshylary sybailas jemqorlyqqa urynǵany qol astyndaǵy qyzmetker úshin jaýapkershilik arqalaityn zańnamalyq talap 2019 jylǵy 10 jeltoqsannan bastap qoldanysqa engizilgenin atap ótti.
Sodan beri qaramaǵyndaǵylardyń sybailas jemqorlyqqa urynǵany úshin 264 memlekettik qyzmetshi jazalanǵan.
«Biyl 9 aida qaramaǵyndaǵy qyzmetkerlerdiń sybailas jemqorlyǵy úshin toǵyz saiasi memlekettik qyzmetshi otstavka týraly ótinish túsirdi. Úsh jaǵdaida otstavka qabyldanyp, alty jaǵdaida qabyldanbady. Bul alty jaǵdaidyń beseýinde saiasi memlekettik qyzmetkerler ártúrli tártiptik jaýapkershilikke tartyldy», - dedi Erlan Saparov Ortalyq kommýnikatsiialar qyzmetinde ótken brifinginde.
Atalmysh sharada memqyzmetshilerge jumystan tys ýaqytta qosymsha tabys tabýǵa ruqsat berilý múmkin ekeni aitylǵan bolatyn.
«Búgingi kúni zańnamada memleketik qyzmetshige qosymsha jumyspen ainalysýǵa ruqsat beretin norma joq. Biraq biz bolashaqta zańǵa engizýdi oilastyryp jatyrmyz. Iaǵni jumystan bos kezinde qosymsha jumyspen ainalysýǵa bolady dep kirgizemiz. Dál qazir zańnamada bul joq. Biraq biz daiyndap jatyrmyz», - dedi QR Memlekettik qyzmet isteri agenttiginiń tóraǵasy Anar Jaiylǵanova.
