قاراقشىلار تالعارداعى Kaspi Bank بٶلٸمشەسٸنەن 40 ملن تەڭگە ۇرلاپ كەتكەن, دەپ حابارلايدى "ۇلت اقپارات" بانكتٸڭ باسپاسٶز قىزمەتٸنە سٸلتەمە جاساپ.
«كەيبٸر باق تالعار بٶلٸمشەسٸن توناۋ كەزٸندە Kaspi Bank-تٸڭ شىعىنى تۋرالى اقپاراتتى اسىعىس تاراتقان. بۇل اقپاراتتىڭ شىندىققا ساي ەمەستٸگٸن, انىقتالعان اقپارات بويىنشا شىعىن كٶلەمٸ 40 ملن تەڭگە شاماسىندا ەكەنٸن حابارلايمىز. شىعىن تولىقتاي بانكتٸڭ ٶز ەسەبٸنەن جابىلادى. بٸز ٷشٸن ەڭ ماڭىزدى نەرسە - كليەنتتەرٸمٸز بەن قىزمەتكەرلەرٸمٸزدٸڭ ٶمٸرٸ مەن دەنساۋلىعى. قالعانى ورنى تولاتىن ولقىلىقتار», - دەدٸ باسپاسٶز قىزمەتٸنەن.
سونداي-اق, بانك باسشىلىعى توناۋشىلار تۋرالى اقپارات بەرگەندەرگە 5 ميلليون تەڭگە بەرەتٸندٸگٸن جارييالاعان بولاتىن.
«Kaspi Bank 22 تامىز كٷنٸ تالعار قالاسىنداعى بٶلٸمشەگە قاراقشىلىق شابۋىل جاساۋعا قاتىسى بار قىلمىسكەرلەردٸ ۇستاۋعا مٷمكٸندٸك بەرەتٸن ماڭىزدى اقپاراتتى ۇسىنعاندارعا 5 ميلليون تەڭگە سىياقى بەرەدٸ. بۇل اقپاراتتى بانكتٸڭ قاۋٸپسٸزدٸك قىزمەتٸنە +7 747 388 29 34 تەلەفونى ارقىلى حابارلاۋعا بولادى», - دەپ جازىلعان حابارلامادا.
ايتا كەتۋ كەرەك, كەشە Kaspi Bank-تٸڭ الماتى وبلىسىنىڭ تالعار قالاسىندا ورنالاسقان بٶلٸمشەسٸنە قاراقشىلىق شابۋىل جاسالدى. بەينەباقىلاۋ كامەراسىنا تٷسكەن كادردا بەتٸنە بەتپەردە كيگەن ەكٸ ادام عيماراتتىڭ تٶبەسٸنەن تٷسەدٸ. ولاردىڭ بٸرٸ بانك قىزمەتكەرلەرٸنٸڭ قولدارىن بايلاۋمەن اينالىسىپ جاتقاندا, ەكٸنشٸسٸ كاسساداعى اقشانى سٶمكەگە سالا باستايدى. قاراقشىلاردىڭ قانشا اقشا الىپ كەتكەنٸ ەزٸرگە بەلگٸسٸز. بانكتٸڭ باسپاسٶز قىزمەتٸنەن مەلٸم ەتكەندەي, قاراقشىلىق شابۋىل كەزٸندە عيماراتتا بانك كليەنتتەرٸ بولماعان. بانك قىزمەتكەرلەرٸ زارداپ شەككەن جوق.
