قاراعاندىلىق زاعيپ جاسٶسپٸرٸم "دومبىرا-داستان" دومبىراشىلار بايقاۋىندا 550 قاتىسۋشىنىڭ اراسىنان ٷزدٸك دەپ تانىلىپ, باس جٷلدە جەڭٸپ الدى. ول بايقاۋدا ۇتقان 8 ميلليون اقشاسىن اتا-اناسىنا پەتەر الۋعا جۇمساماق, - دەپ حابارلايدى Tengrinews.kz اگەنتتٸگٸ AstanaTV ارناسىنا سٸلتەمە جاساپ.
تەلەارنا مەلٸمەتٸنشە, 14 جاستاعى نۇردەۋلەت ساعاتبەكتٸڭ وتباسى بالالارىنا مۋزىكالىق بٸلٸم بەرۋ ٷشٸن تەمٸرتاۋدان قاراعاندىعا كٶشٸپ كەلگەن.
جاسٶسپٸرٸم قاراعاندىداعى ناشار كٶرەتٸندەرگە ارنالعان مەكتەپ-ينتەرناتتىڭ تەربيەلەنۋشٸسٸ. ول جارىقتى بٸر كٶزٸمەن عانا كٶرەدٸ. دياگنوزى - رەۆماتويدتى ارتريت. اتا-اناسى ۇلدارىنا وتا جاساتۋ ٷشٸن ٷيلەرٸن ساتىپ جٸبەرگەن. بٸراق وتاندىق نەمەسە شەتەلدٸك كلينيكالار كٶمەكتەسە الماعان. دەرٸگەرلەر 18 جاسقا تولعاندا وتا جاساۋعا كەڭەس بەرگەن.
دومبىراشى كەسٸبي مۋزىكانت بولۋدى ارماندايدى, بايقاۋدا قازاقشا "ارمان" كٷيٸن ورىندادى.
"مۋزىكا ارقىلى قۋانىشىڭدى دا, قايعىڭدى دا ايتا الاسىڭ. قازٸر پەتەرٸمٸز جوق. سوندىقتان مەن سەگٸز ميلليون تەڭگەنٸ اتا-اناما ٷي الۋ ٷشٸن بەرەمٸن. مەن كومپوزيتور بولۋدى, حالىق كٷيشٸسٸ بولۋدى ارماندايمىن", - دەدٸ "دومبىرا-داستان" بايقاۋىنىڭ جەڭٸمپازى.
ەلميرا جاپقاراەۆا ۇلىمەن ماقتانادى. مىقتى ەكەنٸن, العا قويعان ماقساتىنا جەتەتٸنٸن ايتادى. اناسىنىڭ سٶزٸنشە, مۇنى "دومبىرا-داستان" بايقاۋىندا بٸرٸنشٸ ورىن العانى دەلەلدەدٸ.
اناسى بالاسىنىڭ ٶنەر اكادەميياسىنا تٷسەمٸن دەگەن ارمانىنا كەدەرگٸلەر كٶپ ەكەنٸن ايتىپ شاعىمداندى. سەبەبٸ الماتى مەن نۇر-سۇلتانداعى جوعارى وقۋ ورىندارى مەن ٶنەر كوللەدجدەرٸ ناشار كٶرەتٸن ادامداردى قابىلدامايدى.
"ولاردىڭ برايل شريفتٸمەن وقىتاتىن ينكليۋزيۆتٸ بٸلٸمٸ جوق. مەن مينيستر اسحات ايماعامبەتوۆتەن جوعارى وقۋ ورىندارىنا ينكليۋزيۆ بٸلٸم بەرۋدٸ سۇرايمىن. مەنٸڭ بالام عانا ەمەس, باسقا بالالار دا بار شىعار", - دەدٸ نۇردەۋلەتتٸڭ اناسى.
