قاراعاندىلىق ەيەل كٷيەۋٸنٸڭ تۋعان ٸنٸسٸن سيريياداعى سوعىسقا الىپ كەتپەك بولعان سەتٸندە ۇستالدى. 30 جاستاعى جانسايا تاڭاتاروۆا قازٸر سوت الدىندا جاۋاپ بەرٸپ جاتىر. بالا ەلٸ كەمەلەت جاسىنا تولماعان. دەسە دە, ول سوت وتىرىسىندا ٶز جەڭگەسٸن بارىنشا قورعاپ-باعۋدا, دەپ مەلٸمدەدٸ informburo.31.kz.
جانسايانىڭ كٷيەۋٸ دە ەكسترەميزم بابى بويىنشا ايىپتالىپ, بۇعان دەيٸن سوتتالىپ كەتكەن ەكەن. كٷيەۋٸنٸڭ جولىن ەرٸ قاراي جالعاستىرماق بولعان ەيەل دايش لاڭكەستٸك ۇيىمىنا قوسىلىپ, ونىڭ ساپىنا جاس جٸگٸتتەردٸ تارتپاق بولعان. ول 17 جاستاعى قاينىسى ساعي جولدىباەۆقا جالعان قۇجات جاساپ بەرۋگە ۋەدە بەرٸپتٸ جەنە ونى جاسىرىن جولمەن سيريياعا جٸبەرگەلٸ جاتقاندا قاۋٸپسٸزدٸك كوميتەتٸنٸڭ قۇرىعىنا ٸلٸندٸ.
بالا ەكٸ جىلدان بەرٸ تەرٸس دٸني اعىمنىڭ ىقپالىندا. ول سوتتا جەڭگەسٸنە شاڭ جۋىتقان جوق. دەگەنمەن, ساعيدىڭ اتا-اناسى وعان "دٸندارلار" تاراپىنان قىسىمنىڭ بولعانىن ايتادى. ٶيتكەنٸ, بۇعان دەيٸن جاسٶسپٸرٸم جەڭگەسٸنٸڭ ٶزٸنەن اقشا تالاپ ەتكەنٸن مەلٸمدەپتٸ.
«ۇلىمدى قورقىتىپ تاستاعان. نەگە قورقىتقانىن بٸلمەيمٸن. ۇيالى تەلەفونمەن تٷرلٸ حابارلاما جازعان: كۋەلٸگٸڭدٸ ەكەل, پاسپورتىڭدى جٶندەپ بەرەمٸن, "سەن - مەنٸڭ بالامسىڭ" دەپ جازعاندارىن ٶزٸم وقىدىم», - دەيدٸ ساعيدىڭ اناسى جاڭىل جولدىباەۆا.
مەملەكەتتٸك ايىپتاۋشىلار جانسايانىڭ سيريياعا شىعۋ جوسپارىن تٸزبەكتەپ ٷلگەردٸ. سٶزدەرٸنشە, ەۋەلٸ قاراعاندىدان جامبىل وبلىسىنا بارۋى تيٸس بولعان ەيەل شەكارا اسىپ, قىرعىزستانعا ۇشۋدى ويلاستىرىپتى. كەيٸن ستامبۋل قالاسىنا اتتانىپ, سول جەردەگٸ لاڭكەستەرمەن سيرييا اراب رەسپۋبليكاسىنا كەتۋدٸ جوسپارلاعان.
