قاراعاندىداعى "سيتي مولل" ساۋدا ٷيٸندە بەلگٸسٸز بٸرەۋ تەۋٸپ جٸبەرگەننەن كەيٸن ەسكالاتوردان جەرگە قۇلاعان 25 جاستاعى جٸگٸت وقيعا قالاي بولعانىن ايتىپ بەردٸ, - دەپ حابارلايدى Tengrinews.kz سايتى ekaraganda.kz سايتىنا سٸلتەمە جاساپ.
11 سەۋٸردە زارداپ شەككەن 25 جاستاعى جٸگٸت City Mall ساۋدا ورتالىعىنا شاشتارازعا كەلگەن. ونىڭ الدىندا دەرەتحاناعا كٸرگەن. سول جەردە ەكٸ ەر ادام (زارداپ شەككەن جٸگٸتتٸ تەۋٸپ جٸبەرگەن ەر ادام مەن باسقا ادام) سٶزگە كەلٸسپەي قالعان. داۋدىڭ ارتى تٶبەلەسكە ۇلاسقان.
زارداپ شەككەن جٸگٸت ولاردىڭ جانجالى ارالاسقىسى كەلمەگەن. الايدا ول دەرەتحانادان شىققاننان كەيٸن جانجالداسقان ەر ادامنىڭ بٸرٸ ونىڭ ارتىنان اڭدي باستاعانىن بايقاعان.
"ەر ادام ارتىمنان بٸرگە شىقتى. Adidas-تىڭ جانىندا توقتادىم. ول ماعان شاپ بەرٸپ, تٶبەلەسٸپ قالدىق. اياعىنان شالىپ, جەرگە قۇلاتتىم. سوسىن ول مەنٸ بٸرەۋمەن شاتاستىرىپ العانىن ايتتى. مەن ونى جٸبەرٸپ, ەكەۋٸمٸز ەكٸ جاققا كەتتٸك. سٶيتٸپ ەسكالاتورمەن تٷسٸپ بارا جاتقانمىن. ەلگٸ جٸگٸت ارتىمنان كەلٸپ, مەنٸ تەۋٸپ جٸبەردٸ. قايتا لەزدە ەرەكەت ەتٸپ, ەسكالاتوردان تٷسكەن بويدا عانا قۇلاپ تٷستٸم", - دەيدٸ زارداپ شەككەن جٸگٸت.
وسىلايشا ول ەسٸنەن تانىپ قالعان. ەسكالاتوردا لەزدە ويلانىپ ٷلگەرگەنٸنٸڭ ارقاسىندا عانا اۋىر جاراقات الماعان. زارداپ شەككەن جٸگٸت باسىن قاتتى ۇرىپ العان. ميى شايقالماعان, بٸراق ەرنٸ جىرتىلىپ, تٸسٸنە زاقىم كەلگەن.
"ەرنٸم ەلٸ جازىلىپ ٷلگەرمەدٸ. تٶمەنگٸ جاعىم كٸشكەنە اۋىرىپ, تٸسٸم سىنعان. تٸس دەرٸگەرٸنە بارۋعا تۋرا كەلەدٸ. بيٸكتەن ۇشىپ قۇلاپ, كافەلگە تٷسكەندٸكتەن دەنەم كٶگەرٸپ قالعان. باسىندا ەرينە قاتتى تاڭعالدىم. بٸراق قازٸر بەرٸ دۇرىس. ول ەر ادام ۇستالدى. تەرگەۋ جٷرٸپ جاتىر ەكەن. ارىز جازدىم, ارى قاراي زاڭ شەشەدٸ. پوليتسيياداعىلار ماعان ول ەر ادام 2009 جىلدان بەرٸ پسيحونەۆرولوگييالىق ديسپانسەردە تٸركەلگەنٸن ايتتى. مەن امان-ساۋمىن, جازىلىپ كەلە جاتىرمىن. ول ادامدى جەكە تانىمايمىن, ەشقاشان كٶرگەن ەمەسپٸن", - دەيدٸ زارداپ شەككەن جٸگٸت.
ەسكە سالايىق, جاعاۇستاتار ۆيدەو Instagram-داعى karaganda.city پاراقشاسىندا پايدا بولدى. پوليتسەيلەر كٷدٸكتٸنٸ قولعا تٷسٸردٸ.
زارداپ شەككەن 25 جاستاعى قاراعاندى تۇرعىنىنا دەنە جاراقاتتارىن كەلتٸرۋ دەرەگٸنە بايلانىستى قر قك 293-بابى 1-تارماعىنا سەيكەس قىلمىستىق ٸس تٸركەلدٸ.
پوليتسييا قىزمەتكەرلەرٸ بۇرىن پسيحياتورلىق ەسەپتە تۇرعان 31 جاستاعى ازاماتتى ۇستادى. ول وبلىستىق پسيحونەۆرولوگييالىق ديسپانسەرٸنە ورنالاستىرىلعان.
