قاراعاندىدا ەكٸ ادامدى ٶلتٸردٸ دەگەن كٷدٸككە ٸلٸنگەن 34 جەنە 39 جاستاعى ەر ادامدار ۇستالدى, دەپ حابارلادى Sputnik قازاقستان اگەنتتٸگٸ Polisia.kz سايتىنا سٸلتەمە جاساپ.
پوليتسەيلەر زارداپ شەككەندەردٸڭ بٸرٸ 59 جاستاعى ٷي يەسٸ, ەكٸنشٸسٸ وسى ٷيدە جٶندەۋ جۇمىستارىن جٷرگٸزگەن 72 جاستاعى قۇرىلىس بريگاديرٸ ەكەنٸن انىقتادى. كۋەگەرلەردٸڭ ايتۋىنشا, ەكٸ جۇمىسشى جەبٸرلەنۋشٸلەردٸ پىشاقتاپ, كٶلٸكپەن قاشىپ كەتكەن.
"قۇرىقتاۋ" جوسپارى جارييالاندى. قاسكٷنەمدەر مٸنگەن كٶلٸك بٸردەن وبلىستىق پوليتسييا دەپارتامەنتٸنٸڭ بەينەباقىلاۋ كامەرالارىنا تٷستٸ. جەدەل كەزەكشٸ كٶلٸكتٸ باقىلاپ, بارلىق اقپاراتتى پاترۋلدٸك پوليتسييا قىزمەتكەرلەرٸنە جٸبەرٸپ وتىردى", - دەدٸ قاراعاندى وبلىسى پوليتسييا دەپارتامەنتٸنٸڭ باسشىسى ەرلان فايزۋللين.
ساۋاتتى جٷرگٸزٸلگەن جەدەل ٸس-شارالاردىڭ نەتيجەسٸندە تەمٸرتاۋ قالاسى پوليتسييا باسقارماسى پاترۋلدٸك پوليتسييا باتالونىنىڭ قىزمەتكەرلەرٸ "قاراعاندى-تەمٸرتاۋ" تاس جولىندا ۇرلانعان كٶلٸكتٸڭ سوڭىنا تٷستٸ. ولار ەكٸ كٷدٸكتٸ – 34 جەنە 39 جاستاعى ەر ادامدار مٸنگەن كٶلٸكتٸ ۇستادى.
ۇستالعاندار كٸنەسٸن مويىندادى. قىلمىس قۇرالى تەركٸلەندٸ.
قازاقستان قىلمىستىق كودەكسٸنٸڭ 99-بابىنىڭ 2-بٶلٸگٸ بويىنشا قىلمىستىق ٸس قوزعالدى. تەرگەۋ جٷرگٸزٸلٸپ جاتىر.
پوليتسەيلەر وقيعانىڭ سەبەپتەرٸ مەن مەن-جايىن انىقتاۋعا كٸرٸستٸ.
