Qaraǵandyda eki adamdy óltirdi degen kúdikke ilingen 34 jáne 39 jastaǵy er adamdar ustaldy, dep habarlady Sputnik Qazaqstan agenttigi Polisia.kz saityna silteme jasap.
Politseiler zardap shekkenderdiń biri 59 jastaǵy úi iesi, ekinshisi osy úide jóndeý jumystaryn júrgizgen 72 jastaǵy qurylys brigadiri ekenin anyqtady. Kýágerlerdiń aitýynsha, eki jumysshy jábirlenýshilerdi pyshaqtap, kólikpen qashyp ketken.
"Quryqtaý" jospary jariialandy. Qaskúnemder mingen kólik birden oblystyq politsiia departamentiniń beinebaqylaý kameralaryna tústi. Jedel kezekshi kólikti baqylap, barlyq aqparatty patrýldik politsiia qyzmetkerlerine jiberip otyrdy", - dedi Qaraǵandy oblysy politsiia departamentiniń basshysy Erlan Faizýllin.
Saýatty júrgizilgen jedel is-sharalardyń nátijesinde Temirtaý qalasy politsiia basqarmasy patrýldik politsiia batalonynyń qyzmetkerleri "Qaraǵandy-Temirtaý" tas jolynda urlanǵan kóliktiń sońyna tústi. Olar eki kúdikti – 34 jáne 39 jastaǵy er adamdar mingen kólikti ustady.
Ustalǵandar kinásin moiyndady. Qylmys quraly tárkilendi.
Qazaqstan Qylmystyq kodeksiniń 99-babynyń 2-bóligi boiynsha qylmystyq is qozǵaldy. Tergeý júrgizilip jatyr.
Politseiler oqiǵanyń sebepteri men mán-jaiyn anyqtaýǵa kiristi.
