بٷگٸن ۇلتتىق عىلىم اكادەميياسىنىڭ قاراعاندى بٶلٸمشەسٸنٸڭ وتىرىسى ٶتتٸ. وندا قازاقستان رەسپۋبليكاسى ۇلتتىق عىلىم اكادەميياسىنىڭ جاڭا اكادەميكتەرٸ مەن كوررەسپوندەنت-مٷشەلەرٸنە كۋەلٸكتەر تاپسىرىلدى, دەپ حابارلايدى "ۇلت اقپارات".
قازاقستان رەسپۋبليكاسىنىڭ ۇلتتىق عىلىم اكادەميياسىندا قر ۇعا اكادەميكتەرٸ مەن كوررەسپوندەنت-مٷشەلەرٸنٸڭ كەزەكتٸ سايلاۋى ٶتتٸ. سايلاۋدا قاراعاندىلىق عالىمدار سەنٸمدٸ جەڭٸسكە جەتتٸ. قر ۇعا اكادەميگٸ اتاعى «ۇلتتىق نەيروحيرۋرگييا ورتالىعى» اق ديرەكتورلار كەڭەسٸنٸڭ تٶراعاسى, مەديتسينا عىلىمدارىنىڭ دوكتورى, پروفەسسور مەجيت زەينوللاۇلى شايداروۆقا; ورگانيكالىق سينتەز جەنە كٶمٸر حيميياسى ينستيتۋتىنىڭ باس عىلىمي قىزمەتكەرٸ, حيمييا عىلىمدارىنىڭ دوكتورى, پروفەسسور سەرٸك دراحمەتۇلى فازىلوۆقا; «فيتوحيمييا» حالىقارالىق عىلىمي-ٶندٸرٸستٸك حولدينگٸنٸڭ ستەرويدتى قوسىلىستار حيميياسى زەرتحاناسىنىڭ مەڭگەرۋشٸسٸ, حيمييا عىلىمدارىنىڭ دوكتورى, پروفەسسور بوراش يگٸلٸكۇلى تٶلەۋوۆكە بەرٸلدٸ.
قر ۇعا كوررەسپوندەنت-مٷشەلەرٸ بولىپ مەديتسينا عىلىمدارىنىڭ دوكتورى, قاراعاندى مەديتسينا ۋنيۆەرسيتەتٸنٸڭ پروفەسسورى مەرۋەرت ارستانقىزى عازاليەۆا, اكادەميك ە.ا. بٶكەتوۆ اتىنداعى قاراعاندى ۋنيۆەرسيتەتٸنٸڭ حيمييا فاكۋلتەتٸنٸڭ دەكانى, حيمييا عىلىمدارىنىڭ دوكتورى, پروفەسسور مەيرام جٷنٸسۇلى بٷركەەۆ سايلاندى.
ۇلتتىق عىلىم اكادەميياسىنىڭ اكادەميكتەرٸ مەن كوررەسپوندەنت-مٷشەلەرٸ بولىپ سايلانۋ ٷشٸن 25 بوس ورىنعا ارنالعان كونكۋرسقا قاتىسۋعا 125-تەن استام ٸزدەنۋشٸ قۇجات تاپسىرعان. كونكۋرستا بٸر ورىنعا 4-5 ٷمٸتكەرگە دەيٸن بەسەكەگە تٷستٸ. كانديداتتاردىڭ باياندامالارى تىڭدالدى, ولاردىڭ ەرقايسىسى ٶزٸنٸڭ عىلىمي قىزمەتٸنٸڭ نەتيجەلەرٸن, جٷرگٸزٸلەتٸن زەرتتەۋلەردٸڭ ٶزەكتٸلٸگٸ, باسىمدىلىعىن, نەگٸزگٸ عىلىمي جەتٸستٸكتەرٸن باياندادى. ٷمٸتكەرلەر ٶتە مۇقييات ٸرٸكتەلدٸ, كانديداتتار تۋرالى پٸكٸرلەر, ولاردىڭ عىلىمعا قوسقان جەكە ٷلەستەرٸنٸڭ نەتيجەلەرٸ ەسكەرٸلٸپ, مامانداندىرىلعان بٶلٸمدەردە جاسىرىن داۋىس بەرۋ ارقىلى, سودان كەيٸن ۇلتتىق عىلىم اكادەميياسىنىڭ جالپى جينالىسىنىڭ سەسسيياسىندا جاسىرىن داۋىس بەرۋ ارقىلى جٷزەگە اسىرىلدى.
