فوتو: © depositphotos.com
قاراعاندىداعى وبلىستىق كلينيكالىق اۋرۋحانادا دەرٸگەرلەر ناۋقاستىڭ "تسەف-3 پرەپاراتىنا قاتتى اللەرگييا بار" دەگەن سٶزٸنە نازار اۋدارماي, انتيبيوتيكتٸ ەككەن. سالدارىنان ناۋقاس انافيلاكتيكالىق شوك الىپ كٶز جۇمعان. قايعىلى وقيعا 8 قاراشادا بولدى, - دەپ حابارلايدى Tengrinews.kz سايتى "پاتريوت" Telegram-ارناسىنا سٸلتەمە جاساپ.
مارقۇمنىڭ تۋىستارى وقيعا قالاي بولعانىن ايتتى.
"اعام مەملەكەتتٸك قىزمەت پورتالى ارقىلى جوسپارلى ناۋقاس رەتٸندە تٷستٸ. وعان گەموررويدى الىپ تاستاۋ ٷشٸن وتا جاسالۋى كەرەك ەدٸ. ول دەرٸگەرلەرگە تسەف-3 پرەپاراتىنا جەنە نوۆوكاينگە اللەرگيياسى بارىن ايتتى. دەرٸگەرلەر ونىڭ بٸلەگٸنە وسى پرەپاراتتارعا اللەرگيياسى بارىن بٸلدٸرەتٸن كٶك تٷستٸ جاپسىرمالارى بار بٸلەزٸك تاققان. بٸراق مەدبيكە اعامنىڭ پالاتاسىنا كٸرٸپ, تسەف-3 سالعان. تٶرەجان قىزارىپ, تۇنشىعىپ, قايتىس بولدى", - دەيدٸ 40 جاستاعى مارقۇم تٶرەجاننىڭ اعاسى ارمان ماقاشەۆ.
تٶرەجان ماقاشەۆ قىلمىستىق-اتقارۋ جٷيەسٸ دەپارتامەنتٸندە جۇمىس ٸستەگەن. ەندٸ ونىڭ ارتىندا ٷش بالاسى جەتٸم, ەيەلٸ جەسٸر قالدى.
"دەرٸگەرلەر نەمقۇرايدى قاراپ, اعامدى ٶلتٸردٸ. گەموررويدى الىپ تاستاۋ وپەراتسيياسىنا كٸرٸسٸپ تە ٷلگەرمەگەن! ناۋقاستىڭ تسەف-3-كە اللەرگيياسى بارىن بٸلە وتىرىپ, قالاي ۋكول سالۋعا بولادى? دەرٸگەرلەر نازار اۋدارماسا, بٸلەزٸكتٸ نە ٷشٸن تاعادى?" - دەيدٸ مارقۇمنىڭ باۋىرى.
بۇل دەرەك بويىنشا قىلمىستىق ٸس قوزعالىپتى. قاراعاندى وبلىسى دەنساۋلىق ساقتاۋ باسقارماسى باسشىسىنىڭ ورىنباسارى قانات ابزاليەۆتٸڭ ايتۋىنشا, تەكسەرٸس جٷرگٸزٸلگەن.
"انافيلاكتيكالىق رەاكتسييا ٶتە اۋىر بولعان. تەكسەرٸس بارىسىندا جٸبەرٸلگەن قاتەلەر انىقتالدى. قابىلداۋ بٶلمەسٸنٸڭ دەرٸگەرلەرٸ, پروكتولوگييالىق بٶلٸم مەڭگەرۋشٸسٸنٸڭ م.ا. جەنە مەدبيكە اللەرگييالىق انامنەزدٸ دۇرىس جيناماعانى انىقتالدى", - دەپ تٷسٸندٸردٸ ابزاليەۆ.
