ۆيدەودان الىنعان كادر
قاراعاندىدا كٶپٸردٸڭ ٷستٸندە قارسى باعىتقا شىعىپ, جول اپاتىنا سەبەپكەر بولعان اۆتوبۋس جٷرگٸزۋشٸسٸ 9 جىلعا سوتتالدى, - دەپ حابارلايدى Tengrinews.kz سايتى كتك تەلەارناسىنا سٸلتەمە جاساپ.
پروكۋرور ەۋەلٸدە ونى 7 جىلعا سوتتاۋدى سۇراعان. الايدا سۋديانىڭ ايتۋىنشا, ەكٸ ادام كٶز جۇمىپ, 20-سى جاراقات العان اپاتقا سەبەپ بولعان جٷرگٸزۋشٸنٸڭ كٸنەنٸ مويىنداماعانى جازانى اۋىرلاتقان.
"ول ەدەيٸ ٸستەمەسە, رٶلدەن سەكٸرمەس ەدٸ. ول ەدەيٸ ٸستەمەسە, قۇلاققاپپەن سٶيلەسپەس ەدٸ. مەن تۋرا ارتىندا وتىردىم. ول قالاي سٶيلەسكەنٸن, قالاي سەكٸرگەنٸن بەرٸن كٶردٸم. 10 اي اۋرۋحانادان شىقپادىق. ەگەر دە ول قاتتى جٷرمەگەندە, ەگەر دە ول تەلەفونمەن سٶيلەسپەگەندە بەرٸ باسقاشا بولۋشى ەدٸ. بٷكٸل جٷرگٸزۋشٸگە بۇل ساباق بولۋى كەرەك, - دەدٸ زارداپ شەگۋشٸ اياگٶز ساناقباي.
بىلتىر قاراشانىڭ 25-ٸ كٷنٸ تاڭعى ساعات توعىزدا 33 جاستاعى ايدىن ورازوۆ تٸزگٸندەگەن اۆتوبۋس كٶپٸردٸڭ ٷستٸندە قارسى باعىتقا شىققان. ول الدىندا كەلە جاتقان ەكٸ اۆتوبۋستان وزباق بولعاندا, قارسى باعىتتا كٶپٸرگە كٶتەرٸلٸپ كەلە جاتقان 41-باعىتتاعى اۆتوبۋسقا سوقتىعىسقان. سونىڭ سالدارىنان اۆتوبۋستىڭ 66 جاستاعى جٷرگٸزۋشٸسٸ سول جەردە وپات بولدى.
ال سوتتالۋشى تٸزگٸندەگەن اۆتوبۋستاعى زارداپ شەككەن 19 جاستاعى ستۋدەنت قىز اۋرۋحانادا كٶز جۇمدى. 20 شاقتى ادام تٷرلٸ جاراقات الىپ, كەيبٸرٸ ەلٸ ەمدەلٸپ جٷر.
جٷرگٸزۋشٸنٸڭ ٶزٸ دە اۋىر جارالانىپ, ەمدەلگەن. الايدا ول سوت پروتسەسٸندە كٸنەسٸن مويىنداماعان. ول سوت شەشٸمٸ بويىنشا قاتتى زارداپ شەككەن ەكٸ ادامعا 1 ميلليون تەڭگەدەن ٶتەۋگە تيٸس. قالعانى مورالدىق شىعىندى ازاماتتىق سوتتا داۋلاي الادى. سوتتالۋشىنىڭ جاعى ٷكٸممەن كەلٸسكەن جوق.
"جىلدامدىقتى اسىرعانىن جوققا شىعاردى. دٶڭگەلەكتٸڭ جەلٸ شىعىپ كەتتٸ دەدٸ. كٶكتايعاق بولدى دەدٸ. كٸنەسٸن تولىق مويىنداعان جوق. اتالاعان باپ 5 تەن 10 جىلعا دەيٸنگٸ جازانى قاراستىرادى. قىلمىستى جەڭٸلدەتەتٸن جەنە اۋىرلاتاتىن جاعدايلاردى زەرتتەي كەلە, 9 جىل باس بوستاندىعىنان ايىرۋ شەشٸمٸ شىقتى", - دەدٸ سۋديا ايگٷل مىرزابەكوۆا.
