قاراعاندى ورتا مەكتەپتەرٸنٸڭ بٸرٸنەن جانجال شىقتى. دەنە شىنىقتىرۋ ساباعى كەزٸندە مۇعالٸم جاسٶسپٸرٸمگە قول كٶتەرٸپ, ونى ەدەندە سٷيرەگەن, دەپ حابارلايدى قازاقپارات.
قاراعاندىنىڭ تانىمال بلوگەرلەرٸنٸڭ بٸرٸ ٶزٸنٸڭ Instagram پاراقشاسىندا شاعىمدانىپ كەلگەن ەيەل تۋرالى پوست جارييالادى.
ەيەل ون ٷش جاسار ۇلىنا دەنە شىنىقتىرۋ پەنٸنٸڭ مۇعالٸمٸ قول كٶتەرگەنٸن حابارلاعان.
وقىتۋشى بالانىڭ باسىنان بٸر-ەكٸ رەت سوعىپ جٸبەرٸپ, بٷكٸل سىنىپتاستارىنىڭ كٶزٸنشە كەۋدەشەسٸنٸڭ كاپيۋشونىنان تارتىپ سٷيرەپ ٶتكەن.
«كٸمنٸڭ كٸنەلٸ ەكەنٸن بٸلمەيمٸن, مٷمكٸن مەنٸڭ ۇلىم بۇل وقيعا كەزٸندە جاعدايدى ٶزٸ ۋشىقتىرعان شىعار, بٸراق مۇعالٸم بالالاردى ۇرماۋى كەرەك, بالانىڭ بابىن تابا بٸلۋٸ كەرەك», - دەپ جازادى وقۋشىنىڭ اناسى.
قاراعاندىنىڭ بٸلٸم بٶلٸمٸ بولعان وقيعا تۋرالى مىناداي تٷسٸنٸك بەردٸ:
«ديرەكتور اتالعان فاكتٸ بويىنشا قىزمەتتٸك تەرگەۋ باستالعانىن جەنە بولعان جاعداي تۋرالى دەنە شىنىقتىرۋ پەنٸنٸڭ مۇعالٸمٸ بايانداعانىن تٷسٸندٸردٸ. مەكتەپتٸڭ سپورت زالىندا بەينەباقىلاۋ كامەراسى بار, بەينەجازبا بۇل جاعدايدى وبەكتيۆتٸ تٷسٸنۋگە كٶمەكتەسەدٸ. قىزمەتتٸك تەرگەۋ قورىتىندىسى تۋرالى قوسىمشا حابارلايمىز».
