سۋرەت اشىق دەرەككٶزدەن الىندى
قاراعاندى وبلىسىنىڭ بالالارعا ارناۋلى ەلەۋمەتتٸك قىزمەت كٶرسەتۋ ورتالىعىندا بٸر بالا قايتىس بولدى, - دەپ حابارلايدى "ۇلت اقپارات" وبلىستىق ەكٸمدٸكتٸڭ باسپاسٶز قىزمەتٸنە سٸلتەمە جاساپ.
30 شٸلدەدە قاراعاندى وبلىسىنىڭ بالالارعا ارناۋلى ەلەۋمەتتٸك قىزمەت كٶرسەتۋ ورتالىعىندا ەكٸ بالا ٶزٸن ناشار سەزٸنگەن. ولار قۇسىپ, ٸشٸ ٶتكەن. 31 شٸلدەدە وسى مەكەمەدەگٸ تاعى 10 بالادا ۇقساس بەلگٸلەرٸ بار دەرت انىقتالىپ, اۋرۋحاناعا جاتقىزىلعان.
"دەرٸگەرلەردٸڭ بارلىق كٷش-جٸگەرٸنە قاراماستان, بٸر بالانى قۇتقارۋ مٷمكٸن بولمادى. بٷگٸنگٸ تاڭدا التى بالا رەانيماتسييادا. قالعاندارى دەرٸگەرلەردٸڭ باقىلاۋىندا.
اۋرۋحاناعا وبلىس ەكٸمٸ ەرماعانبەت بٶلەكپاەۆ كەلدٸ. ول وبلىستىق دەنساۋلىق ساقتاۋ باسقارماسىنىڭ باسشىلىعىمەن جەنە ەمدەۋشٸ دەرٸگەرلەرمەن جەدەل كەڭەس ٶتكٸزدٸ.
وقيعانىڭ سەبەپتەرٸن انىقتاۋ ٷشٸن ارنايى كوميسسييا قۇرىلدى" - دەلٸنگەن حابارلامادا.
فوتو: قاراعاندى وبلىسىنىڭ ەكٸمدٸگٸ
ەكٸمدٸك مەلٸمەتٸنشە, قىلمىستىق ٸس قوزعالىپ, قاراعاندى وبلىسىنىڭ ارنايى پروكۋرورلار باسقارماسىنا بەرٸلگەن.
ەرماعانبەت بٶلەكپاەۆ تەرگەۋ نەتيجەسٸندە جاۋاپتى تۇلعالار انىقتالىپ, زاڭنىڭ بارلىق قاتاڭدىعى بويىنشا جازالاناتىنىن اتاپ ٶتتٸ. مەكەمە ديرەكتورىنىڭ مٸندەتٸن اتقارۋشى قىزمەتٸنەن شەتتەتٸلگەن.
ٷكٸمەت كۋلۋارىندا قازاقستاننىڭ باس سانيتار دەرٸگەرٸ ايجان ەسماعامبەتوۆا وسى وقيعاعا قاتىستى تٷسٸنٸك بەردٸ.
"ۋلانۋدىڭ سەبەبٸ ەزٸرگە بەلگٸسٸز. بٸراق الدىن الا مەلٸمەت بويىنشا ولار استان ۋلانباعان", - دەدٸ باس سانيتار دەرٸگەر.
