sýret ashyq derekkózden alyndy
Qaraǵandy oblysynyń balalarǵa arnaýly áleýmettik qyzmet kórsetý ortalyǵynda bir bala qaitys boldy, - dep habarlaidy "Ult aqparat" oblystyq ákimdiktiń baspasóz qyzmetine silteme jasap.
30 shildede Qaraǵandy oblysynyń balalarǵa arnaýly áleýmettik qyzmet kórsetý ortalyǵynda eki bala ózin nashar sezingen. Olar qusyp, ishi ótken. 31 shildede osy mekemedegi taǵy 10 balada uqsas belgileri bar dert anyqtalyp, aýrýhanaǵa jatqyzylǵan.
"Dárigerlerdiń barlyq kúsh-jigerine qaramastan, bir balany qutqarý múmkin bolmady. Búgingi tańda alty bala reanimatsiiada. Qalǵandary dárigerlerdiń baqylaýynda.
Aýrýhanaǵa oblys ákimi Ermaǵanbet Bólekpaev keldi. Ol oblystyq densaýlyq saqtaý basqarmasynyń basshylyǵymen jáne emdeýshi dárigerlermen jedel keńes ótkizdi.
Oqiǵanyń sebepterin anyqtaý úshin arnaiy komissiia quryldy" - delingen habarlamada.
Foto: Qaraǵandy oblysynyń ákimdigi
Ákimdik málimetinshe, qylmystyq is qozǵalyp, Qaraǵandy oblysynyń arnaiy prokýrorlar basqarmasyna berilgen.
Ermaǵanbet Bólekpaev tergeý nátijesinde jaýapty tulǵalar anyqtalyp, zańnyń barlyq qatańdyǵy boiynsha jazalanatynyn atap ótti. Mekeme direktorynyń mindetin atqarýshy qyzmetinen shettetilgen.
Úkimet kýlýarynda Qazaqstannyń bas sanitar dárigeri Aijan Esmaǵambetova osy oqiǵaǵa qatysty túsinik berdi.
"Ýlanýdyń sebebi ázirge belgisiz. Biraq aldyn ala málimet boiynsha olar astan ýlanbaǵan", - dedi bas sanitar dáriger.
