قاراعاندىنىڭ 47 جاستاعى تۇرعىنى ٶزٸن ۇلتتىق قاۋٸپسٸزدٸك كوميتەتٸ ٸشكٸ تەرگەۋ دەپارتامەنتٸ باستىعىنىڭ ورىنباسارى, پولكوۆنيكپٸن دەپ تانىستىرىپ, تەرتٸپ ساقشىلارىن الداعان. ونى ەشكەرەلەۋگە پوليتسەيلەر مەن ۇقك قىزمەتكەرلەرٸنٸڭ بٸرلەسكەن جۇمىسى سەپتٸگٸن تيگٸزدٸ, دەپ حابارلايدى Polisia.kz.
بۇل وقيعا 23 سەۋٸردە تٶتەنشە جاعداي رەجيمٸ كەزٸندە بولعان. وندا ەر ادام كٶلٸگٸمەن كٶشە كەزٸپ, ونى جول ەرەجەسٸن بۇزعانى ٷشٸن پوليتسەيلەر توقتاتقان. ول پوليتسەيلەردٸ ۇقك پولكوۆنيگٸمٸن, ٸشكٸ تەرگەۋ دەپارتامەنتٸ باستىعىنىڭ ورىنباسارىمىن دەپ الدايدى. بٸراق ونى راستايتىن ەشقانداي قۇجات كٶرسەتپەگەن.
ونىڭ ايتقان بٷكٸل ەڭگٸمەسٸ ۆيدەوعا تٷسٸپ قالعان. اتالعان ازاماتتىڭ ەرەكەتٸ كٷدٸك تۋعىزىپ, مەن-جايدى انىقتاۋ ٷشٸن پوليتسەيلەر ۇقك قىزمەتكەرلەرٸن شاقىرادى. ۇستالعان كٷدٸكتٸ قاراعاندى قالالىق پوليتسييا باسقارماسىنىڭ وڭتٷستٸك-شىعىس بٶلٸمشەسٸنە جەتكٸزٸلدٸ.
تەرگەۋ بارىسىندا ول ٶزٸنٸڭ ٶتٸرٸك ايتقانىن مويىنداپ, ٶكٸنەتٸنٸن ايتتى. ەر ادام ەكٸمشٸلٸك قۇقىق بۇزۋ كودەكسٸنٸڭ 476-بابى بويىنشا ايىپتى دەپ تانىلدى. مامانداندىرىلعان ەكٸمشٸلٸك سوتتىڭ شەشٸمٸمەن ول 10 تەۋلٸككە قاماۋعا الىندى.
«پولكوۆنيگٸمٸز» بۇعان دەيٸن دە الاياقتىعى ٷشٸن سوتتالعان. ول ٶزٸنٸڭ لاۋازىمى جوعارى ادام ەكەنٸن ايتىپ, وبلىس تۇرعىنىنىڭ قىلمىستىق جاۋاپكەرشٸلٸكتەن جالتارۋىنا كٶمەكتەسۋگە ۋەدە بەرگەن» دەپ مەلٸم ەتتٸ قاراعاندىق وبلىستىق پد باسپاسٶز قىزمەتٸ.
