قاراعاندى وبىلىسىنىڭ شاحتينسك قالالىق پوليتسييا بٶلٸمٸنٸڭ ۋاقىتشا ۇستاۋ وقشاۋلاعىشىنان قاشىپ كەتكەن ەكٸ ەر ادام ۇستالدى, دەپ حابارلايدى قازاقپارات.
زاڭ بۇزۋشىلار تەرگەۋدە بولعان. ەندٸ نەگٸزگٸ ايىپپەن قوسا, ولارعا يزولياتوردان قاشقانى ٷشٸن جازا مەرزٸمٸ قوسىلۋى مٷمكٸن.
«8 ناۋرىزدا قاراعاندى وبلىسى شاحتينسك قالالىق پوليتسييا بٶلٸمٸنٸڭ ۋاقىتشا ۇستاۋ اباقتىسىنىڭ سەرۋەندەۋ اۋلاسىنان تەرگەۋ بارىسىنا قاماۋعا الىنعان ەكٸ ادام قاشىپ كەتتٸ. الايدا قىلمىسكەرلەر الىسقا ۇزاپ كەتە الامادى.
جەدەل-ٸزدەستٸرۋ شارالارى بارىسىندا كريمينالدىق پوليتسييا قىزمەتكەرلەرٸ بٸرنەشە ساعات ٸشٸندە قاشقىنداردى ۇستادى. قاشۋ فاكتٸسٸ بويىنشا قر قك 426-بابىمەن قىلمىستىق ٸس قوزعالدى. تەرگەۋ امالدارى جٷرگٸزٸلۋدە», - دەپ مەلٸم ەتتٸ قاراعاندى وبلىسى پوليتسييا دەپارتامەنتٸنٸڭ باسپاسٶز قىزمەتٸنەن.
