قاراعاندى وبلىسىندا كارانتين رەجيمٸ قالاي جەنە قاي جەردە بۇزىلعانىن ٶڭٸردٸڭ جەدەل ەرەكەت ەتۋ ورتالىعىنىڭ باسشىسى قايرات شورمانباەۆ تٸكەلەي ەفيردە ٶتكەن بريفينگ بارىسىندا ايتىپ بەردٸ, دەپ حابارلايدى "ۇلت اقپارات".
تٸكەلەي ەفيردە ٶتكەن بريفينگتە قاراعاندى وبلىسىنىڭ جەدەل ەرەكەت ەتۋ ورتالىعىنىڭ باسشىسى قايرات شورمانباەۆ قاي مەكەمەلەردە كارانتين تالابى بۇزىلعانى تۋرالى ايتىپ بەردٸ. سونداي-اق, سپيكەر قاشىقتىقتى ساقتاماۋ, ماسكا كيمەۋ جەنە مەكەمەلەردٸڭ رۇقسات ەتٸلگەن ۋاقىتتان تىس جۇمىس ٸستەۋٸ سيياقتى جيٸ كەزدەسەتٸن زاڭبۇزۋشىلىقتاردى اتادى.
ونىڭ ايتۋىنشا, وبلىستا 214 مونيتورينگتٸك توپ جۇمىس ٸستەيدٸ, ولار نىساندارداعى كارانتين تالاپتارىنىڭ تەك بەس تٷرٸنٸڭ ساقتالۋىن تەكسەرەدٸ. بۇل قىزمەت كٶرسەتۋ نىساندارىنىڭ رۇقسات ەتٸلگەن ۋاقىتتان تىس جۇمىس ٸستەۋٸ, وتباسىلىق مەرەكەلەر – بانكەتتەر, ٷيلەنۋ تويلارى, مەرەيتويلار, ەسكە الۋ جەنە ادامدار كٶپ جينالاتىن باسقا دا شارالاردى ۇيىمداستىرۋ, ارا قاشىقتىقتى ساقتاماۋ, بەتپەردە تاقپاۋ, قىزمەت كٶرسەتۋ نىساندارىنا كەلۋشٸلەر سانىنىڭ شەكتەن تىس كٶپ بولۋى.
«جىل باسىنان بەرٸ 10 978 نىسان تەكسەرٸلٸپ, 429 زاڭبۇزۋشىلىق انىقتالدى, ال ايىپپۇل سوماسى 4 ميلليون تەڭگەدەن استى. ٶتكەن اپتادا قاراعاندى وبلىسىندا كارانتين رەجيمٸن بۇزعان 6 نىسان انىقتالدى: تەكسەرۋ كەزٸندە ولاردا 247 ادام بولدى جەنە ولاردىڭ بارلىعى ەكٸمشٸلٸك جاۋاپقا تارتىلادى», - دەدٸ قايرات شورمانباەۆ.
كارانتيندە تىيىم سالىنعان قىزمەت تٷرلەرٸ بار نىسانداردا, سونداي-اق 22.00-دەن كەيٸن قوعامدىق تاماقتانۋ ورىندارىنا باراتىن ٶڭٸر تۇرعىندارىنا 30 اەك كٶلەمٸندە ايىپپۇل سالىنادى. مۇنداي ورىنداردىڭ تٸزٸمٸنە بانكەت زالدارى, بيليارد, كاراوكە, بوۋلينگ ورتالىقتارى, باتۋتتار, كومپيۋتەر, ويىن جەنە تٷنگٸ كلۋبتار, بۋكمەكەرلٸك كەڭسەلەر كٸرەدٸ.
«مۇنداي نىساندارعا بارۋ – ينفەكتسييانىڭ تارالۋى قاۋپٸن ارتىرادى. ەگەر كەمەلەتكە تولماعاندار وسىنداي ورىنداردا جٷرسە, ايىپپۇل اتا-انالارىنا سالىنادى», - دەپ ەسكە سالدى سپيكەر.
ول كارانتين تالاپتارىنىڭ بۇزىلۋى تۋرالى «Senim 109» بٸرىڭعاي ٷيلەستٸرۋ ورتالىعىنا حابارلاۋعا بولاتىنىن, وندا كەلٸپ تٷسكەن اقپاراتتاردىڭ تەكسەرٸلٸپ, ول راستالعان كەزدە تيٸستٸ شارالار قابىلداناتىنىن ايتتى.
