قاراعاندى وبلىسى بۇقار جىراۋ اۋدانى تٶرتكٶل اۋىلىندا جىلقىلار قىرىلىپ جاتىر. جانۋارلاردا ٸرٸڭدٸ جارا دەرماتيتٸ پايدا بولىپ, اۋرۋ جىلقىلار كٶپ ۇزاماي ٶلٸپ جاتىر. بەلگٸسٸز ينفەكتسييانى انىقتاۋ ٷشٸن سىنامالار الىندى, دەپ حابارلايدى "ۇلت اقپارات" كazinform اگەنتتٸگٸنە سٸلتەمە جاساي وتىرىپ.
ەلەۋمەتتٸك جەلٸلەردە مال ٶلٸمٸ تۋرالى روليكتەر پايدا بولدى. بەينەدەگٸ جىلقى يەسٸ جانۋارلاردىڭ اياعىنداعى ٸرٸڭدٸ جارانى بايقاعان. بۇل جارالار جىلقىنىڭ بٷكٸل دەنەسٸنە تاراپ كەتەدٸ ەكەن. اۋداننىڭ ۆەتەرينارلىق ينسپەكتسيياسى تالداۋ ٷشٸن سىناما الدى. قازٸرگٸ ۋاقىتتا ماماندار سول سىنامالاردىڭ نەتيجەسٸن كٷتٸپ وتىر.
«تٶرتكٶل اۋىلىنداعى جاعداي بويىنشا ەپيزووتييالىق ليمفانگيتكە تەن بەلگٸلەرٸ بار ٷش جىلقىدان سىنامالار الىنىپ, زەرتتەۋ ٷشٸن زەرتحاناعا جەتكٸزٸلگەنٸن حابارلايمىز. اۋرۋدىڭ بۇل تٷرٸنە نەگٸزٸنەن جىلقىلار پەن ەسەكتەر شالدىققىش كەلەدٸ. بۇل اۋرۋ تەك وسى جانۋارلاردىڭ تٷرلەرٸنە تەن», - دەدٸ «قاراعاندى وبلىسىنىڭ ۆەتەرينارييا باسقارماسى» مم باسشىسى قايربەك تۇرسىنبەكوۆ.
سونداي-اق, ٶڭٸردٸڭ ۆەتەرينارلىق قىزمەتٸ ەپيزووتييالىق ليمفانگيت دياگنوزى راستالسا, تٶرتكٶل اۋىلىندا كارانتين رەجيمٸ ەنگٸزٸلەتٸنٸن مەلٸم ەتتٸ. بەلگٸلەنگەن كارانتيندٸك رەجيم شەڭبەرٸندە اۋرۋ نەمەسە قىرىلعان جانۋارلار تەركٸلەنٸپ, جويىلادى. سونداي-اق, زاڭناما شەڭبەرٸندە قولدانىلاتىن نارىقتىق قۇن مٶلشەرٸندە ٶتەماقى تٶلەنەتٸن بولادى.
اۋرۋ جانۋارلاردىڭ يەلەرٸ اتاپ ٶتكەندەي, مۇنداي ينفەكتسييا بۇرىن كٶرشٸ اۋىلدا راستالعان. وسى ەكٸ اۋىلدىڭ مالدارى بٸر جايىلىمدا جايىلادى ەكەن. ول كەزدە ليمفانگيت دياگنوزى راستالىپ, قىرىلعان جىلقىلاردىڭ يەلەرٸنە ٶتەماقى تٶلەنگەن.
