فوتو: profbuhkz.kz
قاراعاندى مەكتەپتەرٸندە بۋحگالتەر جەتٸسپەي جاتىر. سونىڭ سالدارىنان قالاداعى وقۋ ورىندارىنىڭ بٸرٸندە مۇعالٸمدەر جالاقى كەشٸكتٸرٸلٸپ, زەينەتاقى قورىنا قاراجات اۋدارىلماي جاتقانىن ايتىپ دابىل قاقتى, - دەپ حابارلايدى "ۇلت اقپارات" كتك تەلەارناسىنا سٸلتەمە جاساپ.
"وقۋ جىلىنىڭ باسىندا بٸراز مۇعالٸم قيىندىق كٶردٸ. ولار يپوتەكا رەسٸمدەگەندە كەلٸسٸم بەرٸلمەدٸ. سەبەبٸ بٸرنەشە اي زەينەتاقى قورىنا قاراجات تٷسپەگەن, ياعني سٸز "جۇمىس ٸستەمەگەنسٸز" دەگەن سيياقتى. اۆتوكٶلٸك الا الماي, ٶزٸنە قاجەت تۇرمىستىق زات الا الماي, وسىنداي كەلەڭسٸزدٸككە تاپ بولدى", - دەيدٸ №74 ورتا مەكتەبٸنٸڭ مۇعالٸمٸ ليلييا زەرۋباەۆا.
مۇعالٸمدەردٸڭ ايتۋىنشا, جالاقىنىڭ ٷنەمٸ كەشٸكتٸرٸلۋٸ نەسيە ٶتەۋگە كەسٸرٸن تيگٸزەدٸ. ول تٷگٸلٸ دەكرەت جەنە ەڭبەك دەمالىسىنىڭ تٶلەمٸن تەلمٸرە كٷتۋگە تۋرا كەلەدٸ. ۇستازدار, تٸپتٸ, قاراجات الاياقتىق جولمەن قارجى قيتۇرقىلىعىنا ارالاستىرىلۋى مٷمكٸن دەپ تە توپشىلايدى.
دەگەنمەن شەنەۋنٸكتەر بٷگٸن ولاردى سابىرعا شاقىردى. ولاردىڭ ايتۋىنشا, زەينەتاقى قورىنا قارىز سوما تولىق ٶتەلگەن. تٶلەمدٸ كەشٸكتٸرگەنٸ ٷشٸن تٸپتٸ سالىق كوميتەتٸ ايىپپۇل دا سالىپتى. بۇعان مەكتەپتەردە ەسەپشٸ تاپشىلىعى سەبەپ دەيدٸ. قازٸر ٶڭٸردە 20 مەكتەپ بۋحگالتەرسٸز وتىر.
"مامان تاپشىلىعى جالاقى تٶمەندٸگٸنەن تۋىنداپ وتىر. ەسەپشٸنٸڭ قولىنا الاتىن ايلىعى - 90 مىڭ تەڭگە. ال اتقاراتىن جۇمىس كٶپ. قاراجات اۋدارۋ, مۇعالٸمدەردٸڭ ساعاتىن ساناۋ, كٸرٸسشىعىس ەسەپتەرٸ. مۇعالٸمدەرگە 300-دەن 500 مىڭعا دەيٸن اۋدارىپ وتىرىپ, ٶزٸ 100 مىڭ تەڭگەگە جەتپەيتٸن جالاقىعا جۇمىس ٸستەگٸسٸ دە كەلمەيدٸ", - دەدٸ قاراعاندى بٸلٸم بٶلٸمٸنٸڭ باس ەسەپشٸسٸ ەلەنا راقىموۆا.
